ಚೂಯಿಂಗ್​ ಗಮ್ ನುಂಗಿದ್ರೆ 7 ವರ್ಷ ಹೊಟ್ಟೆಯಲ್ಲೇ ಅಂಟಿಕೊಂಡಿರುತ್ತಾ? ಬಾಲ್ಯದ ಸುಳ್ಳು ಇಂದು ಬಯಲಾಯ್ತು! Chewing gum

Chewing gum: ಇಂದಿನ ದಿನಗಳಲ್ಲಿ ಅನೇಕ ಜನರು ಚೂಯಿಂಗ್ ಗಮ್ ಅಗಿಯುವ ಅಭ್ಯಾಸವಿದೆ. ಇದನ್ನು ಕೆಲವರು ರುಚಿಯಾಗಿದೆ ಎಂದು ಸೇವಿಸುತ್ತಾರೆ. ಇನ್ನು ಕೆಲವರು ಬಾಯಲ್ಲಿ ಬರುವ ದುರ್ವಾಸನೆ ಹೋಗಲೆಂದು ಜಗಿಯುತ್ತಾರೆ. ಆದರೆ, ಆಕಸ್ಮಿಕವಾಗಿ ಅಗಿಯುವ ಬದಲು ನುಂಗಿದರೆ ಏನಾಗುತ್ತದೆ ಎಂಬುದು ಹಲವಾರು ಜನರಿಗೆ ತಿಳಿದಿರುವುದಿಲ್ಲ. 

ಕೆಲವು ವದಂತಿಗಳ ಪ್ರಕಾರ, ಜೂಯಿಂಗ್​ ಗಮ್​ 7 ವರ್ಷಗಳ ಕಾಲ ಹೊಟ್ಟೆಯಲ್ಲಿಯೇ ಉಳಿಯುತ್ತದೆ ಎಂದು ತಿಳಿಸುತ್ತಾರೆ. ಹಾಗಾಗಿ ಅನೇಕರು ಚೂಯಿಂಗ್​ ಗಮ್​ನ್ನು ನುಂಗಲು ಹೆದರುತ್ತಾರೆ. ಇದು ಕೇವಲ ವದಂತಿಯ ಅಥವಾ ನಿಜನಾ? ಎಂಬುದಕ್ಕೆ ಇಲ್ಲಿದೆ ನಿಜವಾದ ಉತ್ತರ.

ವಾಸ್ತವವಾಗಿ ಹೇಳುವುದಾದರೆ, ಚೂಯಿಂಗ್ ಗಮ್​ನ್ನು ನುಂಗಿದರೆ, ದೇಹಕ್ಕೆ ಅದನ್ನು ಜೀರ್ಣೀಸಿಕೊಳ್ಳುವ ಶಕ್ತಿ ಇರುವುದಿಲ್ಲ. ಆದರಿಂದ ಇದು ಮಲದ ಮೂಲಕ ಹೊರಬರುತ್ತದೆ ಎಂದು ಸಂಶೋಧನೆಗಳು ತಿಳಿಸಿವೆ. ಈ ಹಿಂದೆ  ಚೂಯಿಂಗ್ ಗಮ್ ಅನ್ನು ಸಿಹಿಕಾರಕಗಳು ಮತ್ತು ವಿವಿಧ ಸುವಾಸನೆಗಳೊಂದಿಗೆ ತಯಾರಿ ಮಾಡುತ್ತಿದ್ದರು ಅದು ಜೀರ್ಣಾಂಗ ವ್ಯವಸ್ಥೆಗೆ ಯಾವುದೇ ಹಾನಿ ಮಾಡುತ್ತಿರಲಿಲ್ಲ. ಆದರೆ, ಈಗ ಚೂಯಿಂಗ್ ಗಮ್ ಅನ್ನು ಸಿಂಥೆಟಿಕ್ ಪಾಲಿಮರ್‌ಗಳು ಮತ್ತು ರಬ್ಬರ್‌ನಂತಹ ವಸ್ತುಗಳಿಂದ ತಯಾರಿಸಲಾಗುತ್ತದೆ. ಇದರಿಂದ ಸ್ವಲ್ಪ ಸಮಸ್ಯೆಯಾಗಬಹುದು.

ಈ ಕೃತಕ ವಸ್ತುಗಳು ಒಂದು ವಾರದವರೆಗೆ ಹೊಟ್ಟೆಯಲ್ಲಿ ಉಳಿದು ನಂತರ ಮಲದ ರೂಪದಲ್ಲಿ ಹೊರಹಾಕಲ್ಪಡುತ್ತವೆ. ಈ ಖನಿಜ ವಸ್ತುಗಳು ದೇಹದ ಒಳಗೆ ಸೇರಿದಾಗ ಜೀರ್ಣಾಂಗದ ವ್ಯವಸ್ಥೆಯ ಮೇಲೆ ಹಾನಿಯಾಗುತ್ತದೆ. ಇದರಿಂದ ಉಸಿರಾಟದ ತೊಂದರೆ, ಹೃದಯದ ಬಡಿತ ಹೆಚ್ಚಾಗುತ್ತದೆ.

ಸಾಮಾನ್ಯವಾಗಿ ಒಂದೆರಡು ಬಾರಿ ಆಕಸ್ಮಿಕವಾಗಿ ಚೂಯಿಂಗ್​ ಗಮ್​​ ನುಂಗಿದ್ರೆ ಯಾವ ಸಮಸ್ಯೆಯೂ ಇಲ್ಲ. ಚಿಕ್ಕ ಮಕ್ಕಳು ಒಂದೇ ದಿನ 5 -10 ಗಮ್​ ನುಂಗಿದರೆ, ಅದು ಕರುಳಿನಲ್ಲಿ ದೊಡ್ಡ ಗಂಟನ್ನು ಉಂಟು ಮಾಡುತ್ತದೆ. ಇದರಿಂದ ಮಕ್ಕಳಿಗೆ ಆರೋಗ್ಯದಲ್ಲಿ ತೊಂದರೆ ಉಂಟಾಗಬಹುದು. (ಏಜೆನ್ಸೀಸ್).