ಹಣ್ಣು, ತರಕಾರಿ, ಗೋಡಂಬಿ, ಮೊಳಕೆ ಕಾಳುಗಳು, ಬಾದಾಮಿ, ಪಿಸ್ತಾ, ವಾಲ್ನಟ್(ಅಕ್ರೂಟ್), ತೆಂಗಿನಕಾಯಿ ತುರಿ, ತೆಂಗಿನಕಾಯಿ ಹಾಲು, ಎಳನೀರು, ಜ್ಯೂಸ್, ಸಲಾಡ್ಗಳು, ವರ್ಜಿನ್ ಕೋಕೋನಟ್ ಆಯಿಲ್ನಂತಹ ಪದಾರ್ಥಗಳನ್ನು ದೈನಂದಿನ ಆಹಾರಕ್ರಮದಲ್ಲಿ ಹೆಚ್ಚು ಮಾಡುವುದು ಬಹಳ ಸಹಕಾರಿ. ಪ್ರತಿನಿತ್ಯ ಯೋಗ, ವ್ಯಾಯಾಮ ಮಾಡುವುದು ಆರೋಗ್ಯವನ್ನು ಸಮತೋಲನದಲ್ಲಿಟ್ಟುಕೊಳ್ಳಲು ಬಹಳ ಸಹಕಾರಿ. ವೇಗವಾಗಿ ಸೂರ್ಯನಮಸ್ಕಾರ ಮಾಡುವುದು, ವೇಗ ನಡಿಗೆ, ಜಾಗಿಂಗ್, ವೇಗವಾಗಿ ಗುಡ್ಡ ಹತ್ತುವುದು, ನಿಧಾನವಾಗಿ ಇಳಿಯುವುದು, ಪುನಃ ವೇಗವಾಗಿ ಹತ್ತುವುದು, ನಿಧಾನವಾಗಿ ಇಳಿಯುವುದು - ಈ ತರಹದ ಚಲನವಲನಗಳನ್ನು ಮಾಡುವುದರಿಂದ ರಕ್ತಸಂಚಾರ ಸುಗಮವಾಗುತ್ತದೆ.
