ಸೆ.7 ರಂದು 'ರಕ್ತ ಚಂದ್ರಗ್ರಹಣ' ಈ ದಿನ ಶುಭ ಕೆಲಸಗಳನ್ನು ಮಾಡಬಹುದೇ? Lunar Eclipse

Lunar Eclipse:  ಈ ವರ್ಷದ ಎರಡನೇ ಪೂರ್ಣ ಚಂದ್ರಗ್ರಹಣ ಸೆಪ್ಟೆಂಬರ್ 7 ರಂದು ಸಂಭವಿಸಲಿದೆ. ಈ ಚಂದ್ರಗ್ರಹಣವು ಭಾರತದಲ್ಲಿ ಸೆಪ್ಟೆಂಬರ್ 7 ರಂದು ರಾತ್ರಿ 9:58 ಕ್ಕೆ ಪ್ರಾರಂಭವಾಗಿ ಮರುದಿನ ಬೆಳಗ್ಗೆ 1:26 ಕ್ಕೆ ಕೊನೆಗೊಳ್ಳುತ್ತದೆ.  ಸೆಪ್ಟೆಂಬರ್ 7 ರಂದು ಭಾದ್ರಪದ ಮಾಸದ ಹುಣ್ಣಿಮೆಯಂದು ಸಂಭವಿಸುವ ಈ ಗ್ರಹಣವು ಭಾರತದಲ್ಲಿಯೂ ಸ್ಪಷ್ಟವಾಗಿ ಗೋಚರಿಸುತ್ತದೆ. ಈ ದಿನ ಶುಭ ಕೆಲಸಗಳನ್ನು ಮಾಡಬಹುದೇ? ಎನ್ನುವ ಪ್ರಶ್ನೆ ನಿಮಗೆ ಇದ್ದರೆ. ನಾವು ಸೋಶಿಯಲ್​ ಮೀಡಿಯಾ ಹಾಗೂ ಜ್ಯೋತಿಷ್ಯ ಮೂಲಗಳಿಂದ ಸಂಗ್ರಹಿಸಿ ಮಾಹಿತಿಯನ್ನು ಈ ಮೂಲಕವಾಗಿ ನೀಡಲಿದ್ದೇವೆ.

ಇದನ್ನೂ ಓದಿ: ಕಣ್ಣಿಗೊಂದು ಸವಾಲು: ನೀವು ಜೀನಿಯಸ್​ ಆಗಿದ್ದರೆ ಈ ಫೋಟೋದಲ್ಲಿರುವ ಅಳಿಲನ್ನು ಪತ್ತೆ ಮಾಡಿ!Optical Illusion​

ಆ ದಿನ ಚಂದ್ರನು ಗಾಢ ಕೆಂಪು ಬಣ್ಣಕ್ಕೆ ತಿರುಗಲಿದ್ದಾನೆ. ಎಲ್ಲಾ ಆಕಾಶವೀಕ್ಷಕರಿಗೆ ಇದು ಸ್ಮರಣೀಯ ಘಟನೆಯಾಗಲಿದೆ. ಏಷ್ಯಾ, ಯುರೋಪ್, ಆಫ್ರಿಕಾ, ಆಸ್ಟ್ರೇಲಿಯಾ ಮತ್ತು ಇತರ ಪ್ರದೇಶಗಳಲ್ಲಿ ಗೋಚರವಾಗಲಿದೆ. ಶತಕೋಟಿ ಜನರು ಈ ಅಪರೂಪದ ದೃಶ್ಯವನ್ನು ವೀಕ್ಷಿಸಲಿದ್ದಾರೆ.

ಚಂದ್ರ ಗ್ರಹಣದ ವಿಶಿಷ್ಟತೆ ಏನು.?   

ಖಗೋಳಶಾಸ್ತ್ರಜ್ಞರು ಮತ್ತು ಜ್ಯೋತಿಷಿಗಳ ಪ್ರಕಾರ, ಇದು ಹೆಚ್ಚು ಸಮಯ ಗೋಚರಿಸಲಿದೆ ಎಂದಿದ್ದಾರೆ. ಇದು ಬಹುತೇಕ ಜಗತ್ತಿನಾದ್ಯಂತ ಗೋಚರಿಸಲಿದ್ದು, ಜನರು ಇದನ್ನು ತಮ್ಮ ಬರಿಗಣ್ಣಿನಿಂದ ವೀಕ್ಷಿಸಲು ಸಾಧ್ಯವಾಗಲಿದೆ. ಚಂದ್ರನ ಬಣ್ಣವು ಕೆಂಪು ಬಣ್ಣಕ್ಕೆ ತಿರುಗುವುದರಿಂದ ಇದನ್ನು ರಕ್ತ ಚಂದ್ರ ಎಂದೂ ಸಹ ಕರೆಯುತ್ತಾರೆ. ಭೂಮಿಯು ನೇರ ಸೂರ್ಯನ ಬೆಳಕನ್ನು ಫಿಲ್ಟರ್ ಮಾಡಿದಾಗ, ರಕ್ತ ಚಂದ್ರ ಸಂಭವಿಸುತ್ತದೆ. ಚಂದ್ರನ ಮೇಲ್ಮೈ ಸಂಪೂರ್ಣವಾಗಿ ಗ್ರಹದ ನೆರಳಿನಿಂದ ಆವೃತವಾಗಿರುತ್ತದೆ. ಸೂರ್ಯನ ಬೆಳಕು ಭೂಮಿಯ ವಾತಾವರಣಕ್ಕೆ ಪ್ರವೇಶಿಸಿದಾಗ, ಇದರ ಬಣ್ಣ ಕೆಂಪಾಗುತ್ತದೆ.

ಗ್ರಹಣ ಕಾಲ, ಸೂತಕ ಕಾಲ

ಜ್ಯೋತಿಷ್ಯ ತಜ್ಞರ ಪ್ರಕಾರ, ಈ ಚಂದ್ರಗ್ರಹಣವು ಸೆಪ್ಟೆಂಬರ್ 7 ರಂದು ರಾತ್ರಿ 9:58 ಕ್ಕೆ ಪ್ರಾರಂಭವಾಗಿ ಸೆಪ್ಟೆಂಬರ್ 8 ರಂದು ಬೆಳಗಿನ ಜಾವ 1:26 ರವರೆಗೆ ಮುಂದುವರಿಯಲಿದೆ. ಈ ಗ್ರಹಣದ ಒಟ್ಟು ಅವಧಿ ಸುಮಾರು 3 ಗಂಟೆ 28 ನಿಮಿಷಗಳಾಗಿರುತ್ತದೆ. ಭಾರತದಲ್ಲಿ ಗ್ರಹಣ ಗೋಚರಿಸುವುದರಿಂದ, ಸೂತಕ ಅವಧಿಯೂ ಅನ್ವಯಿಸುತ್ತದೆ. ಸಾಮಾನ್ಯವಾಗಿ, ಸೂತಕ ಅವಧಿಯು ಗ್ರಹಣಕ್ಕೆ 9 ಗಂಟೆಗಳ ಮೊದಲು ಪ್ರಾರಂಭವಾಗುತ್ತದೆ. ಈ ಅವಧಿಯಲ್ಲಿ ಕೆಲವು ದೇವಾಲಯಗಳನ್ನು ಮುಚ್ಚಲಾಗುತ್ತದೆ. ತಿರುಮಲದಲ್ಲಿರುವ ಶ್ರೀವಾರಿ ದೇವಾಲಯವು ಸೆಪ್ಟೆಂಬರ್ 7 ರಂದು ಮಧ್ಯಾಹ್ನ 3:30 ರಿಂದ ಸೆಪ್ಟೆಂಬರ್ 8 ರಂದು ಬೆಳಗಿನ ಜಾವ 3 ರವರೆಗೆ ಮುಚ್ಚಲ್ಪಡುತ್ತದೆ ಎಂದು ತಿರುಮಲ ತಿರುಪತಿ ದೇವಸ್ಥಾನಗಳು ಪ್ರಕಟಿಸಿವೆ.

ಗ್ರಹಣ ಸಮಯದಲ್ಲಿ ಶುಭ ಕಾರ್ಯಗಳನ್ನು ಮಾಡಬಹುದೇ?

ಜ್ಯೋತಿಷ್ಯದಲ್ಲಿ ಗ್ರಹಣದ ಸಮಯವನ್ನು ಅಶುಭವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ, ಈ ಸಮಯದಲ್ಲಿ ಯಾವುದೇ ಶುಭ ಕಾರ್ಯಗಳನ್ನು ಮಾಡುವುದನ್ನು ನಿಷೇಧಿಸಲಾಗಿದೆ.

ಇದನ್ನೂ ಓದಿ: 2025 ರ ಕೊನೆಯ ಚಂದ್ರಗ್ರಹಣ; ಸೆ.7 ರಂದು ಭಾರತದಲ್ಲಿ ಗೋಚರಿಸುವ ‘ರಕ್ತ ಚಂದ್ರ’ನನ್ನು ವೀಕ್ಷಿಸುವುದೇಗೆ?eclipse

ವಿಶೇಷವಾಗಿ, ಮದುವೆಗಳು, ಗೃಹಪ್ರವೇಶ, ಹೊಸ ಕೆಲಸಗಳನ್ನು ಪ್ರಾರಂಭಿಸುವುದು ಅಥವಾ ಇತರ ಪ್ರಮುಖ ಪೂಜಾ ಸಮಾರಂಭಗಳನ್ನು ಈ ಸಮಯದಲ್ಲಿ ಮಾಡಬಾರದು. ಗ್ರಹಣದ ಸಮಯದಲ್ಲಿ ನಕಾರಾತ್ಮಕ ಶಕ್ತಿಯು ಪ್ರಚಲಿತವಾಗಿದೆ, ಇದು ಶುಭ ಚಟುವಟಿಕೆಗಳ ಮೇಲೆ ಪರಿಣಾಮ ಬೀರುತ್ತದೆ ಎಂದು ನಂಬಲಾಗಿದೆ.

ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು / ಜ್ಯೋತಿಷಿಗಳು / ಪಂಚಾಂಗಗಳು / ನಂಬಿಕೆಗಳು / ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದಕ್ಕೆ ವಿಜಯವಾಣಿ ಡಾಟ್​ ನೆಟ್​ ಸೈಟ್ ಜವಾಬ್ದಾರರಾಗಿರುವುದಿಲ್ಲ.

https://www.vijayavani.net/the-last-lunar-eclipse-of-2025-where-to-watch-the-blood-moon-visible-in-india-on-september-7eclipse