ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಬಹಳಷ್ಟು ಜನರು ಕ್ಯಾಲ್ಸಿಯಂ ಕೊರತೆಯಿಂದ ಬಳಲುತ್ತಿದ್ದಾರೆ. ಆದರೆ ದೇಹದಲ್ಲಿನ ಈ ಕೊರತೆಯನ್ನು ನೀಗಿಸಲು ಹಾಲು ಒಂದೇ ಮಾರ್ಗವೇ? ಇಲ್ಲ. ದೇಹಕ್ಕೆ ಅಗತ್ಯವಿರುವ ಹಲವಾರು ಖನಿಜಗಳಲ್ಲಿ ಕ್ಯಾಲ್ಸಿಯಂ ಅತ್ಯಂತ ಪ್ರಮುಖವಾಗಿದೆ.
ಕ್ಯಾಲ್ಸಿಯಂ ಎಲ್ಲಾ ಜೀವಿಗಳಿಗೆ, ವಿಶೇಷವಾಗಿ ಮಾನವರಿಗೆ ಅಗತ್ಯವಿರುವ ಒಂದು ಪೋಷಕಾಂಶವಾಗಿದೆ. ದೇಹದಲ್ಲಿ ಹೇರಳವಾಗಿರುವ ಖನಿಜಾಂಶ, ಸ್ನಾಯುಗಳ ಚಲನೆಯನ್ನು ಉತ್ತೇಜಿಸುವಲ್ಲಿ ಮತ್ತು ಹೃದಯರಕ್ತನಾಳದ ಕಾರ್ಯವನ್ನು ಉತ್ತೇಜಿಸುವಲ್ಲಿ ಇದು ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಕೆಲವು ಹಣ್ಣುಗಳು ಅಪಾರವಾದ ಕ್ಯಾಲ್ಸಿಯಂ ಹೊಂದಿದ್ದು, ನಿಮ್ಮ ದೇಹಕ್ಕೆ ಬೇಕಾದ ಅಗ್ಯತ್ಯ ಪೋಷಕಾಂಶಗಳ ಜತೆಗೆ ಕ್ಯಾಲ್ಸಿಯಂನ್ನು ಒದಗಿಸುತ್ತದೆ.
ಇದನ್ನೂ ಓದಿ: ಪರಮೇಶ್ವರ್ ಗೃಹ ಖಾತೆಯನ್ನು ಪ್ರಿಯಾಂಕ ಖರ್ಗೆಗೆ ಲೀಸ್ ಕೊಟ್ಟಿದ್ಧಾರೆ: ನಳಿನ್ ಕುಮಾರ್ ಕಟೀಲ್
ಸೀಬೆಹಣ್ಣು: ಇದು ಕ್ಯಾಲ್ಸಿಯಂನ ಉತ್ತಮ ಮೂಲವಾಗಿದ್ದು ಇದು ವಿಟಮಿನ್ ಸಿ, ರೋಗ ನಿರೋಧಕಗಳ ಜತೆಗೆ ಕ್ಯಾಲ್ಸಿಯಂ ಸಮೃದ್ಧವಾಗಿದೆ. ಇದು ಮೂಳೆ ಮತ್ತು ಹಲ್ಲುಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ.
ಪಪ್ಪಾಯಿ: ಇದರಲ್ಲಿ ಹೆಚ್ಚಿನ ಕ್ಯಾಲ್ಸಿಯಂ ಅಂಶವಿದ್ದು, ಕೆಲವರು ಪಪ್ಪಾಯಿಯನ್ನು ಹಸಿಯಾಗಿಯೂ, ಬೇಯಿಸಿಯೂ ತಿನ್ನುತ್ತಾರೆ. ಪಪ್ಪಾಯಿಯು ಜೀರ್ಣಕ್ರಿಯೆ ಮತ್ತು ಉತ್ತಮ ಹೃದಯರಕ್ತನಾಳದ ಆರೋಗ್ಯಕ್ಕೆ ಒಳ್ಳೆಯದು.
ಕಿತ್ತಳೆಗಳು: ವಿಟಮಿನ್ ಸಿಯನ್ನು ಹೇರಳವಾಗಿ ಹೊಂದಿರುವ ಕಿತ್ತಳೆಯಲ್ಲಿ ಕ್ಯಾಲ್ಸಿಯಂನ ಹೆಚ್ಚಿನ ಅಂಶವಿದೆ. ಬೆಳಿಗ್ಗೆ ಒಂದು ಲೋಟ ಕಿತ್ತಳೆ ರಸವನ್ನು ಸೇವಿಸುವುದರಿಂದ ದೇಹಕ್ಕೆ ಸರಿಯಾದ ಪ್ರಮಾಣದ ಕ್ಯಾಲ್ಸಿಯಂನ್ನು ಒದಗಿಸುತ್ತದೆ. ಇದು ಹಣ್ಣು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.
ಕಿವಿಹಣ್ಣು: ಇದು ಕ್ಯಾಲ್ಸಿಯಂನಂತಹ ಜೀವಸತ್ವಗಳು ಮತ್ತು ಖನಿಜಗಳಿಂದ ಕೂಡಿದ್ದು, ಎಲ್ಲಾ ವಯಸ್ಸಿನವರು ಇದನ್ನು ಸೇವಿಸಬಹುದು. ಕಿವಿಯು ಪ್ರತಿಶತ 30 ಗ್ರಾಂ ಕ್ಯಾಲ್ಸಿಯಂನ್ನು ಹೊಂದಿದೆ.
ಇದನ್ನೂ ಓದಿ: ಕಾಲೇಜಿಗೆ ನುಗ್ಗಿ ಪ್ರಿಯತಮೆ ಎದುರೇ ಸಾವಿಗೆ ಶರಣಾಗಲು ಯತ್ನಿಸಿದ ಪಾಗಲ್ ಪ್ರೇಮಿ..!
ಹಿಪ್ಪುನೇರಳೆ: ಇವು ಉತ್ತಮ ಪ್ರಮಾಣದ ರಂಜಕ, ಮೆಗ್ನೀಸಿಯಮ್, ತಾಮ್ರ, ಕೋಲೀನ್, ಸೆಲೆನಿಯಮ್ ಮತ್ತು ಸತುವನ್ನು ಹೊಂದಿದ್ದು, ಕ್ಯಾಲ್ಸಿಯಂನ ಉತ್ತಮ ಮೂಲವಾಗಿದೆ. ಐಸ್ ಕ್ರೀಮ್, ಸಲಾಡ್, ಸ್ಮೂಥಿ ಇತ್ಯಾದಿ ರೂಪದಲ್ಲಿ ಇದನ್ನು ಸೇವಿಸಬಹುದು.
ಬಾಳೆಹಣ್ಣು: ಬಾಳೆಹಣ್ಣು ಭಾರತದಲ್ಲಿ ಹೆಚ್ಚು ಸೇವಿಸುವ ಹಣ್ಣುಗಳಲ್ಲಿ ಒಂದಾಗಿದೆ. ಆದರೆ ಬಾಳೆಹಣ್ಣು ಕ್ಯಾಲ್ಸಿಯಂನ ಉತ್ತಮ ಮೂಲವಾಗಿದೆ ಎಂದು ನಿಮಗೆ ತಿಳಿದಿದೆಯೇ? ಇದು ಕ್ಯಾಲ್ಸಿಯಂ ಮಾತ್ರವಲ್ಲ, ಫೈಬರ್ ಮತ್ತು ಇತರ ಅಗತ್ಯ ಖನಿಜಗಳಲ್ಲಿಯೂ ಸಮೃದ್ಧವಾಗಿದೆ. ಬಾಳೆಹಣ್ಣಿನ ಸೇವನೆಯು ಜೀರ್ಣಕ್ರಿಯೆ, ರೋಗನಿರೋಧಕ ವ್ಯವಸ್ಥೆಗೆ ಒಳ್ಳೆಯದು ಮತ್ತು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುತ್ತದೆ.(ಏಜೆನ್ಸೀಸ್)
