ದೂರಸಂಪರ್ಕ ಇಲಾಖೆಯ ನವೀನ್ ಜಾಖರ್ ಅವರು ರಚಿಸಿದ ಕೇಸ್ ಸ್ಟಡಿ ಪೇಪರ್ ಪ್ರಕಾರ, ಸಿಮ್ ಚಂದಾದಾರರ ಛಾಯಾಚಿತ್ರಗಳಲ್ಲಿನ ಮುಖದ ಓರೆ ಮತ್ತು ಕೋನ, ಅಪಾರದರ್ಶಕತೆ ಮತ್ತು ಚಿತ್ರಗಳ ಗಾಢ ಬಣ್ಣವನ್ನು ಲೆಕ್ಕಹಾಕಲು ಕನ್ವಲ್ಯೂಷನಲ್ ನ್ಯೂರಲ್ ನೆಟ್ವರ್ಕ್ ಮಾದರಿಗಳನ್ನು ಬಳಸಿಕೊಂಡು ಎನ್ಕೋಡ್ ಮಾಡಲಾಗುತ್ತದೆ. ಅದರ ನಂತರ, ಡೇಟಾಬೇಸ್ನಲ್ಲಿರುವ ಎಲ್ಲಾ ಮುಖಗಳಿಗೆ ಹೋಲಿಕೆ ಕೈಗೊಳ್ಳಲಾಗುತ್ತದೆ. ಒಂದೇ ರೀತಿಯ ಮುಖಗಳನ್ನು ಒಂದು ಡೈರೆಕ್ಟರಿ ಅಡಿಯಲ್ಲಿ ಗುಂಪು ಮಾಡಲಾಗುತ್ತದೆ. ಎರಡು ಮುಖಗಳು ಕನಿಷ್ಠ 97.5 ಪ್ರತಿಶತದಷ್ಟು ಹೊಂದಿಕೆಯಾಗುವುದಾದರೆ ಎಎಸ್ಟಿಆರ್ ಮೂಲಕ ಒಂದೇ ಎಂದು ತೀರ್ವನಿಸಲಾಗುತ್ತದೆ. ಈ ಸ್ಟಡಿ ಪೇಪರ್ ಪ್ರಕಾರ, 1 ಕೋಟಿ ಚಿತ್ರಗಳ ಡೇಟಾಬೇಸ್ನಿಂದ 10 ಸೆಕೆಂಡುಗಳಿಗಿಂತ ಕಡಿಮೆ ಅವಧಿಯಲ್ಲಿ ಶಂಕಿತ ಒಂದು ಮುಖದ ಎಲ್ಲಾ ಸಿಮ್ಳನ್ನು ಪತ್ತೆಹಚ್ಚುವ ಸಾಮರ್ಥ್ಯವನ್ನು ಎಎಸ್ಟಿಆರ್ ಹೊಂದಿದೆ. ಮುಖಗಳ ಹೋಲಿಕೆ ಪರಿಶೀಲಿಸಿದ ನಂತರ, ಚಂದಾದಾರರ ಹೆಸರುಗಳಿಗೆ ಹೋಲಿಕೆ ಅಥವಾ ಅಂದಾಜು ಹೊಂದಾಣಿಕೆಗಳನ್ನು ಕಂಡುಹಿಡಿಯಲಾಗುತ್ತದೆ.
