ಬೆಂಗಳೂರಿನಲ್ಲಿ ಕಡಿಮೆ ಎತ್ತರದಲ್ಲಿ ಬೃಹತ್ ವಿಮಾನ ಹಾರಾಟ..ಬೆಚ್ಚಿಬಿದ್ದ ನಾಗರಿಕರು!

ಬೆಂಗಳೂರು: ಬೆಂಗಳೂರಿನಲ್ಲಿ ಬೃಹತ್ ವಿಮಾನವೊಂದು ಕಡಿಮೆ ಎತ್ತರದಲ್ಲಿ ಸುತ್ತಾಡಿದ್ದು, ಕೋರಮಂಗಲ ಮತ್ತು ಸುತ್ತಲಿನ ಜನರು ಬೆಚ್ಚಿಬಿದ್ದಿದ್ದಾರೆ.

ಇದನ್ನೂ ಓದಿ: ತಾಪಮಾನ ಏರಿಕೆ..ಮಳೆ ಮುನ್ಸೂಚನೆ ನೀಡಿದ ಹವಾಮಾನ ಇಲಾಖೆ..ಎಲ್ಲೆಲ್ಲಿ ಮಳೆಯಾಗಲಿದೆ? ವಿವರ ಇಲ್ಲಿದೆ..

ದೇಶಾದ್ಯಂತ ಚುನಾವಣಾ ಅಬ್ಬರ ಜೋರಾಗಿರುವಾಗ ಇತ್ತೀಚೆಗೆ ಬೃಹತ್​ ವಿಮಾನಗಳು ಆಗಾಗ ಕಡಿಮೆ ಎತ್ತರದಲ್ಲಿ ಹಾರುತ್ತಿರುವುದು ಸ್ಥಳೀಯರನ್ನು ಆತಂಕಕ್ಕೀಡು ಮಾಡಿದೆ.

ಏನಾಯಿತು?:

ಇತ್ತೀಚೆಗಷ್ಟೇ ಬೋಯಿಂಗ್ ವಿಮಾನವೊಂದು ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್(ಎಚ್​ಎಎಲ್​) ವಿಮಾನ ನಿಲ್ದಾಣದಲ್ಲಿ ಆರು ಬಾರಿ ಸುತ್ತು ಹಾಕಿತ್ತು. ಆ ಬೃಹತ್ ವಿಮಾನದ ಆಗಮನ ಮತ್ತು ನಿರ್ಗಮನದ ಫೋಟೋಗಳು ಮತ್ತು ವೀಡಿಯೊಗಳನ್ನು ಸ್ಥಳೀಯರು ಸೆರೆಹಿಡಿದಿದ್ದು, ಸಾಮಾಜಿಕ ಮಾಧ್ಯಮ X ನಲ್ಲಿ ಹಂಚಿಕೊಂಡಿದ್ದಾರೆ. ಕೆ 7067 ಬೋಯಿಂಗ್ 777-337 ವಿಮಾನ ಇದಾಗಿದ್ದು, ಈ ಬೃಹತ್ ವಿಮಾನವನ್ನು ಪ್ರಧಾನಿ, ರಾಷ್ಟ್ರಪತಿ ಮತ್ತು ಇತರ ವಿವಿಐಪಿಗಳಿಗೆ ಮಾತ್ರ ಬಳಸಲಾಗುತ್ತದೆ. ವಿಮಾನವನ್ನು ಯಾರು ಬಳಸಿದ್ದಾರೆ ಎಂಬ ಅನುಮಾನವಿದೆ.

ಎರಡು ವಿಮಾನಗಳಿವೆ:

ಕೇಂದ್ರ ಸರ್ಕಾರದ ಬಳಿ ಎರಡು ಬೋಯಿಂಗ್ 777-337 ವಿಮಾನಗಳಿವೆ. ದೆಹಲಿಯಿಂದ ಬೆಂಗಳೂರಿಗೆ ಬೋಯಿಂಗ್ ವಿಮಾನ ಬಂದು ಹೋಗಿತ್ತು ಎಂದು ತಿಳಿದುಬಂದಿದೆ. ಇಂದಿರಾ ನಗರದ ಮೇಲೆಯೂ ಇದರ ಹಾರಾಟ ಕಂಡುಬಂದಿದೆ ಎಂದು ಬಳಕೆದಾರರು ಪೋಸ್ಟ್ ಮಾಡಿದ್ದಾರೆ.

ಇನ್ನೊಬ್ಬರು ಕಡಿಮೆ ಎತ್ತರದ ವಿಮಾನಗಳ ದಿನ ಬರಲಿದೆ ಎಂದು ಬರೆದಿದ್ದಾರೆ. ದೇಶಾದ್ಯಂತ ಚುನಾವಣಾ ನೀತಿ ಸಂಹಿತೆ ಜಾರಿಯಲ್ಲಿದೆ. ಈ ವಿಮಾನವನ್ನು ಪ್ರಧಾನಿ ಮತ್ತು ರಾಷ್ಟ್ರಪತಿಗಳು ಬಳಸುವುದಿಲ್ಲ. ಬೋಯಿಂಗ್ ವಿಮಾನದ ಸ್ಥಿತಿಯನ್ನು ಪರಿಶೀಲಿಸಲು ಅಥವಾ ಪೈಲಟ್‌ಗಳಿಗೆ ತರಬೇತಿ ನೀಡಲು ವಿಮಾನವನ್ನು ಇಲ್ಲಿಗೆ ತಂದಿರಬಹುದು ಎಂದು ಹೇಳಲಾಗುತ್ತಿದೆ.

https://www.vijayavani.net/hema-malini-files-nomination