ಆಯುರ್ವೇದ ತಜ್ಞರ ಪ್ರಕಾರ ಅಡುಗೆ ಮಾಡಲು ಯಾವ ಎಣ್ಣೆ ಬಳಸಿದರೆ ಒಳ್ಳೆಯದು?

ಬೆಂಗಳೂರು: ಭಾರತೀಯರ ಅಡುಗೆಮನೆಯಲ್ಲಿ ಅಡುಗೆಗೆ ಹಲವು ವಿಧದ ಎಣ್ಣೆಗಳನ್ನು ಬಳಸಲಾಗುತ್ತದೆ. ಇವುಗಳಲ್ಲಿ ಸಾಸಿವೆ, ಎಳ್ಳು, ತೆಂಗಿನಕಾಯಿ ಮತ್ತು ಇತರ ಹಲವು ವಿಧದ ಎಣ್ಣೆಗಳು ಸೇರಿವೆ. ಆದರೆ ಆಯುರ್ವೇದದ ಪ್ರಕಾರ, ಅಡುಗೆಗೆಂದೇ ಉತ್ತಮವಾದ ಕೆಲವು ಎಣ್ಣೆಗಳಿವೆ. ಈ ಕುರಿತು ಆಯುರ್ವೇದ ತಜ್ಞರು ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದು, ಅದನ್ನಿಲ್ಲಿ ವಿವರವಾಗಿ ಕೊಡಲಾಗಿದೆ.

ಅಡುಗೆಗೆ ಎಣ್ಣೆ ಬೇಕೆ ಬೇಕು. ಜನರು ಸಾಮಾನ್ಯವಾಗಿ ಸಾಸಿವೆ ಮತ್ತು ಸಂಸ್ಕರಿಸಿದ ಎಣ್ಣೆಯನ್ನು ಅಡುಗೆಗೆ ಬಳಸುತ್ತಾರೆ. ತೂಕ ಇಳಿಸಲು ಬಯಸುವವರು ಅಂತಹ ಎಣ್ಣೆಗಳ ಬಳಕೆಯಿಂದ ದೂರವಿರುತ್ತಾರೆ. ಬದಲಿಗೆ ಅವರು ಆಲಿವ್ ಎಣ್ಣೆ ಮತ್ತು ಇತರ ರೀತಿಯ ಅಡುಗೆ ಎಣ್ಣೆಯನ್ನು ಬಳಸುತ್ತಾರೆ. ಹಾಗಾದರೆ ಅಡುಗೆಗೆ ಉತ್ತಮ ಎಣ್ಣೆ ಯಾವುದು? ನೋಡೋಣ ಬನ್ನಿ..

ಎಳ್ಳಿನ ಎಣ್ಣೆ

ಎಳ್ಳಿನ ಎಣ್ಣೆಯನ್ನು ಪೋಷಕಾಂಶಗಳನ್ನು ಹೀರಿಕೊಳ್ಳಲು ಉತ್ತಮವೆಂದು ಪರಿಗಣಿಸಲಾಗುತ್ತದೆ.

ಸಾಸಿವೆ ಎಣ್ಣೆ

ಸಾಸಿವೆ ಎಣ್ಣೆಯು ಮಧುಮೇಹ ರೋಗಿಗಳಿಗೆ ಒಳ್ಳೆಯದು. ಆದರೆ ಸೋರಿಯಾಸಿಸ್, ಎಸ್ಜಿಮಾ ಮತ್ತು ಇತರ ಕಾಯಿಲೆಗಳಿಂದ ಬಳಲುತ್ತಿರುವ ಜನರು ಸಾಸಿವೆ ಎಣ್ಣೆಯನ್ನು ಅಡುಗೆಗೆ ಬಳಸುವುದನ್ನು ತಪ್ಪಿಸಬೇಕು.

ತೆಂಗಿನೆಣ್ಣೆ

ನೀವು ಹೆಚ್ಚು ವ್ಯಾಯಾಮ ಮಾಡಿ ದಣಿದಿದ್ದರೆ ತೆಂಗಿನ ಎಣ್ಣೆಯನ್ನು ಬಳಸಿ. ಇದು ಸಾಕಷ್ಟು ಪ್ರಯೋಜನಕಾರಿಯಾಗಿದ್ದು, ಗ್ಯಾಸ್ಟ್ರಿಕ್ ಸಮಸ್ಯೆಗಳಿಂದ ಬಳಲುತ್ತಿರುವ ಜನರಿಗೆ ಒಳ್ಳೆಯದು. ನೀವು ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದರೆ ಈ ಎಣ್ಣೆ ಕೆಲಸ ಮಾಡುವುದಿಲ್ಲ.

ತುಪ್ಪ

ತುಪ್ಪವು ಜೀರ್ಣಶಕ್ತಿಯನ್ನು ಹೆಚ್ಚಿಸುತ್ತದೆ. ಇದು ರಕ್ತ, ಸ್ನಾಯುಗಳು, ಮೂಳೆಗಳು ಮತ್ತು ಸಂತಾನೋತ್ಪತ್ತಿ ಅಂಗಾಂಶಗಳನ್ನು ಪೋಷಿಸುತ್ತದೆ. ನಿಮಗೆ ತೀವ್ರವಾದ ಜೀರ್ಣಕಾರಿ ಸಮಸ್ಯೆಗಳು ಮತ್ತು ಯಕೃತ್ತಿನ ಕಾಯಿಲೆ ಇದ್ದರೆ, ನೀವು ತುಪ್ಪದ ಸೇವನೆಯನ್ನು ಕಡಿಮೆ ಮಾಡಬೇಕು.

ಕಡಲೆ ಎಣ್ಣೆ

ನೀವು ಉತ್ತಮ ಜೀರ್ಣಶಕ್ತಿ ಹೊಂದಿದ್ದರೆ, ಕಡಲೆಕಾಯಿ ಎಣ್ಣೆಯನ್ನು ಸೇವಿಸಬಹುದು. ಕಡಲೆಕಾಯಿ ಎಣ್ಣೆಯು ವಾತವನ್ನು ಉಲ್ಬಣಗೊಳಿಸಬಹುದು. ಆದ್ದರಿಂದ, ನಿಮಗೆ ಜೀರ್ಣಕ್ರಿಯೆಗೆ ಸಂಬಂಧಿಸಿದ ಯಾವುದೇ ಸಮಸ್ಯೆ ಇದ್ದರೆ, ಅದನ್ನು ಮಿತವಾಗಿ ಬಳಸಿ.

ರಿಫೈನ್ಡ್ ವೆಜಿಟೇಬಲ್ ಆಯಿಲ್

ಕ್ಯಾನೋಲಾ, ಕುಸುಬೆ, ಸೂರ್ಯಕಾಂತಿ ಮುಂತಾದ ತೈಲಗಳು ಸಂಸ್ಕರಿಸಿದ ಎಣ್ಣೆಯಲ್ಲಿ ಬರುತ್ತವೆ. ಇದನ್ನು ನಾವು ಅಡುಗೆಗೆ ಬಳಸಬಹುದು.

ಆಲಿವ್ ಎಣ್ಣೆ ಆಲಿವ್ ಎಣ್ಣೆಯು ಸಲಾಡ್‌ಗಳ ಮೇಲೆ ಸಿಂಪಡಿಸಲು ಉತ್ತಮವಾಗಿದೆ. ಆದರೆ ಸಾಮಾನ್ಯ ಅಡುಗೆ ಮತ್ತು ಡೀಪ್ ಫ್ರೈ ಮಾಡಲು ಚೆನ್ನಾಗಿರುವುದಿಲ್ಲ.

https://www.vijayavani.net/lifestyle-break-fast-timings-can-be-leads-to-diabetes