ಅಮೆರಿಕ ನೆಲದಲ್ಲೇ ಟ್ರಂಪ್​ಗೆ ವಿರೋಧ; ರಾಜ್ಯಕ್ಕೆ ಅಧ್ಯಕ್ಷರ ಭೇಟಿ ಬೇಡ ಎಂದ ರಾಜ್ಯಪಾಲ...!

ನ್ಯೂಯಾರ್ಕ್​: ಒಂದು ದೇಶದ ಪ್ರಧಾನಿ ಅಥವಾ ಅಧ್ಯಕ್ಷರು ಎಲ್ಲಿಗೆ ದೇಶದಲ್ಲಿ ಎಲ್ಲಿಯೇ ಹೋಗಬೇಕೆಂದರೂ ಯಾರ ಅನುಮತಿಯೂ ಬೇಕಿಲ್ಲ. ಅವರ ಭೇಟಿಯನ್ನು ಅಧಿಕೃತವೆಂದೇ ಪರಿಗಣಿಸಿ ಶಿಷ್ಟಾಚಾರವನ್ನು ಪಾಲಿಸಬೇಕಾದದ್ದು ಎಲ್ಲ ರಾಜ್ಯಗಳ ಕರ್ತವ್ಯ.

ಆದರೆ, ಅಮೆರಿಕದಲ್ಲಿ ರಾಜ್ಯಪಾಲರೊಬ್ಬರು ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಭೇಟಿ ನೀಡುವುದು ಅಗತ್ಯವಿಲ್ಲ ಎಂದು ಹೇಳಿ ಅಚ್ಚರಿ ಮೂಡಿಸಿದ್ದಾರೆ. ವಿಸ್ಕೋನ್​ಸಿನ್​ ರಾಜ್ಯಪಾಲ ಮಂಡೇಲಾ ಬಾರ್ನ್ಸ್​ ಅಧ್ಯಕ್ಷರ ವಿರುದ್ಧವೇ ಹೇಳಿಕೆ ನೀಡಿದ್ದಾರೆ. ರಾಜ್ಯದ ಕೆನೋಶಾದಲ್ಲಿ ನಡೆದ ಪ್ರತಿಭಟನೆಗೆ ಜನಾಂಗೀಯ ಪ್ರತಿಕ್ರಿಯೆ ನೀಡಿದ ಹಿನ್ನೆಲೆಯಲ್ಲಿ ಬಾರ್ನ್ಸ್​ ಈ ಹೇಳಿಕೆ ನೀಡಿದ್ದಾರೆ.

ಇದನ್ನೂ ಓದಿ; ಡಿಜಿಟಲ್​ ಪಾವತಿಗೆ ಬ್ಯಾಂಕ್​ ಶುಲ್ಕ ವಿಧಿಸುವಂತಿಲ್ಲ; ಕಾನೂನಿನಲ್ಲಿಲ್ಲ ಅವಕಾಶ; ಸಿಬಿಡಿಟಿ ನೀಡಿದೆ ಸ್ಪಷ್ಟನೆ 

ಅಧ್ಯಕ್ಷ ಸ್ಥಾನಕ್ಕೆ ಮರು ಆಯ್ಕೆ ಬಯಸಿ ಚುನಾವಣಾ ಪ್ರಚಾರದಲ್ಲಿ ತೊಡಗಿರುವ ಟ್ರಂಪ್​ ಅಮೆರಿಕದಲ್ಲಿ ನಡೆಯುತ್ತಿರುವ ಜನಾಂಗೀಯ ಪ್ರತಿಭಟನೆಗಳಿಗೆ ತೀಕ್ಷ್ಣವಾಗಿ ಪ್ರತಿಕ್ರಿಯೆ ನೀಡುತ್ತಲೇ ಬಂದಿದ್ದಾರೆ. ಅವರ ಈ ಹೇಳಿಕೆಗಳು ಜನರ ನಡುವೆ ಬೆಂಕಿ ಹಚ್ಚುವ ಕೆಲಸ ಮಾಡುತ್ತಿವೆ ಎಂಬ ಟೀಕೆಯೂ ಕೇಳಿ ಬಂದಿದೆ.

ಕಪ್ಪವರ್ಣದ ಜಾಕೋಬ್​ ಬ್ಲೇಕ್​ ಬಿಳಿಯ ಪೊಲೀಸ್​ ಅಧಿಕಾರಿ ಗುಂಡಿಗೆ ಬಲಿಯಾದ ಬಳಿಕ ನಗರದಲ್ಲಿ ಪ್ರತಿಭಟನೆಗಳು ತೀವ್ರಗೊಂಡಿವೆ. ಇಡೀ ಸಮಾವೇಶವನ್ನೇ ವೈರತ್ವ ಹಾಗೂ ಪ್ರತ್ಯೇಕ ಭಾವ ಮೂಡಿಸಲು ಬಳಸಿಕೊಳ್ಳುತ್ತಿದ್ದಾರೆ ಎಂದು ಬಾರ್ನ್ಸ್​ ಟೀಕಿಸಿದ್ದಾರೆ.

ಇದನ್ನೂ ಓದಿ; ರಾಹುಲ್​ ಗಾಂಧಿಯನ್ನು ತಡೆದರೆ ಕಾಂಗ್ರೆಸ್​ ಅವನತಿ; ಇದನ್ನು ಹೇಳಿದ್ದು ಕಾಂಗ್ರೆಸ್​ನವರಲ್ಲ…! 

ಇಲ್ಲಿನ ಜನರ ನೆರವಿಗಾಗಿ ಭೇಟಿ ನೀಡುವುದಾಗಿ ಟ್ರಂಪ್​ ಹೇಳುತ್ತಿದ್ದಾರೆ. ಆದರೆ, ನಮಗೆ ಖಂಡಿತ ಅದರ ಅಗತ್ಯವಿಲ್ಲ ಎಂಬುದನ್ನು ಸ್ಪಷ್ಟಪಡಿಸುತ್ತೇನೆ ರಾಜ್ಯಪಾಲ ಬಾರ್ನ್ಸ್​ ಹೇಳಿದ್ದಾರೆ. ಈ ನಡುವೆ ಡೆಮೊಕ್ರೆಟಿಕ್​ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಜಾಯ್​ ಬಿಡೆನ್​ ಜನಾಂಗೀಯ ತಾರತಮ್ಯ ನಿವಾರಣೆಗಾಗಿ ಸ್ಪಷ್ಟ ನಿಲುವು ಪ್ರಕಟಿಸಿಬೇಕೆಂದು ಕೋರಿದ್ದಾರೆ.

https://www.vijayavani.net/sleep-internship-is-back/