ಕೇಂದ್ರ ಹಣಕಾಸು ಸಚಿವೆ ನೀಡಿದ ಸ್ಪಷ್ಟನೆ ಸಿಎಂ ಜನರ ಮುಂದಿಡಲಿ

ಬೆಂಗಳೂರು: ನಬಾರ್ಡ್​ ಹಂಚಿಕೆ ಕೇವಲ ಕರ್ನಾಟಕಕ್ಕೆ ಮಾತ್ರವಲ್ಲ, ಗುಜರಾತ್​ಗೂ ಕಡಿಮೆಯಾಗಿದೆ. ಯಾವ ಕಾರಣಕ್ಕೆ ಎಂದು ಕೇಂದ್ರ ಹಣಕಾಸು ಮಂತ್ರಿ ನಮ್ಮ ರಾಜ್ಯದ ಮುಖ್ಯಮಂತ್ರಿಗೆ ಹೇಳಿರಬೇಕು. ಅವರೇ ಜನತೆಗೆ ವಿವರಣೆ ನೀಡಲಿ ಎಂದು ಕೇಂದ್ರ ಸಚಿವ ಎಚ್​.ಡಿ.ಕುಮಾರಸ್ವಾಮಿ ಹೇಳಿದ್ದಾರೆ.

ಶುಕ್ರವಾರ ಸುದ್ದಿಗಾರ ಪ್ರಶ್ನೆಗೆ ಉತ್ತರಿಸಿ, ರಾಜ್ಯದವರು ಯಾರ ಹಿತ ಕಾಯುತ್ತಿದ್ದಾರೆ? ನಬಾರ್ಡ್​ ಕರ್ನಾಟಕಕ್ಕೆ ಮಾತ್ರವಲ್ಲ, ಗುಜರಾತ್​ಗೂ ಅನುದಾನ ಕಡಿಮೆ ಮಾಡಿದೆ. ಕೇಂದ್ರ ಹಣಕಾಸು ಸಚಿವರು ರಾಜ್ಯದ ಸಿಎಂಗೆ ನೀಡಿರುವ ಸ್ಪಷ್ಟನೆಯನ್ನು ಜನರ ಮುಂದೆ ಹೇಳಲಿ. ಇವರಿಬ್ಬರು ಏನು ಮಾತನಾಡಿದ್ದಾರೆಂದು ನನಗೆ ತಿಳಿದಿಲ್ಲ ಎಂದರು.

ಬಿಪಿಎಲ್​ ಕಾರ್ಡ್​ ರದ್ದತಿ ವಿಚಾರದ ಬಗ್ಗೆ ಮಾತನಾಡಿ, ಸರ್ಕಾರ ಪೂರ್ವ ನಿರ್ಧಾರ ಮತ್ತು ಸಿದ್ಧತೆ ಮಾಡಿಕೊಂಡಿಲ್ಲ. ಇದರಿಂದಾಗಿ ನಗೆಪಾಟಲಿಗೆ ಸರ್ಕಾರ ಈಡಾಗುತ್ತಿದೆ. ಇದುವೇ ವಿಪಕ್ಷಗಳಿಗೆ ಅಸ್ತ್ರವಾಗಿದೆ. ಬೀದಿಬದಿ ವ್ಯಾಪಾರಿ, ಕೂಲಿ ಕಾರ್ಮಿಕರ ಕಾರ್ಡ್​ ರದ್ದಾಗಿದೆ. ಪ್ರಶ್ನಿಸಿದರೆ, ರಾಜಕೀಯ ಅಂತಾರೆ. ನೀವು ಮಾಡುತ್ತಿರೋದು ರಾಜಕೀಯ ಅಲ್ವಾ? ಜನರ ಅಕ್ಕಿ ಕಿತ್ತುಕೊಳ್ಳುತ್ತಿದ್ದೀರಾ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

https://www.vijayavani.net/nikhil-kumaraswamy-first-reaction-after-election-defeat-in-channapattana