ತಮಿಳುನಾಡು: ಕಾಲಿವುಡ್ನ ಸ್ಟಾರ್ ನಟ ದಳಪತಿ ವಿಜಯ್ ಮತ್ತು ತ್ರಿಶಾ ಕೃಷ್ಣನ್ ಮುಖ್ಯಭೂಮಿಕೆಯಲ್ಲಿ ಅಭಿನಯದ ಪ್ಯಾನ್ ಇಂಡಿಯಾ ಸಿನಿಮಾ ‘ಲಿಯೋ’ ಅಕ್ಟೋಬರ್ 19 ರಂದು ಬಿಡುಗಡೆಗೊಂಡು ಬ್ಲಾಕ್ಬಸ್ಟರ್ ಚಿತ್ರವಾಗಿ ಹೊರಹೊಮ್ಮಿತು. ಲೋಕೇಶ್ ಕನಕರಾಜ್ ನಿರ್ದೇಶನದ ಈ ಚಿತ್ರವು ಜಾಗತಿಕ 600 ಕೋಟಿ ರೂ. ಕಲೆಕ್ಷನ್ ಮಾಡುವ ಮುಖೇನ ಸೂಪರ್ಸ್ಟಾರ್ ರಜನಿಕಾಂತ್ ನಟನೆಯ ‘ಜೈಲರ್’ ಚಿತ್ರವನ್ನು ಹಿಂದಿಕ್ಕಿ 2023ರ ಅತಿ ಹೆಚ್ಚು ಗಳಿಕೆಯ ತಮಿಳು ಚಲನಚಿತ್ರವಾಗಿ ಗುರುತಿಸಿಕೊಂಡಿತು.
ಇದನ್ನೂ ಓದಿ: ಏಕದಿನ ವಿಶ್ವಕಪ್ ಫಿನಾಲೆ; ಟೀಂ ಇಂಡಿಯಾ ಗೆಲುವು ಫಿಕ್ಸ್ ಎಂದು ಭವಿಷ್ಯ ನುಡಿದ ರಜಿನಿಕಾಂತ್
ಇದೀಗ ಕಾಲಿವುಡ್ ಅಂಗಳದಲ್ಲಿ ಹೊಸ ಸುದ್ದಿಯೊಂದು ವ್ಯಾಪಕವಾಗಿ ಹರಿದಾಡುತ್ತಿದ್ದು, ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಮಾಹಿತಿಯ ಪ್ರಕಾರ ಚಿತ್ರತಂಡ ‘ಲಿಯೋ’ ಸಿನಿಮಾವನ್ನು ತಮಿಳುನಾಡಿನಾದ್ಯಂತ 100ಕ್ಕೂ ಅಧಿಕ ಸ್ಕ್ರೀನ್‌ಗಳಲ್ಲಿ ಮರು ಬಿಡುಗಡೆಗೊಳಿಸಲು ಸಿದ್ಧವಾಗಿದೆ ಎಂದು ತಿಳಿಸಿದೆ.
ಇದರ ಹಿಂದಿನ ಕಾರಣವೆಂದರೆ ಟಿಕೆಟ್ ಕೌಂಟರ್‌ಗಳಲ್ಲಿ ಯೋಗ್ಯವಾದ ಆದಾಯವನ್ನು ಗಳಿಸುವ ಸಲುವಾಗಿ ಮತ್ತೊಮ್ಮೆ ಹೆಚ್ಚಿನ ಪರದೆಯ ಮೇಲೆ ಬಿಡುಗಡೆಗೊಳಿಸಲು ಸದ್ಯ ಚಿತ್ರ ತಯಾರಕರು ಮುಂದಾಗಿದ್ದಾರೆ ಎನ್ನಲಾಗಿದೆ.
ಇದನ್ನೂ ಓದಿ: “ಅವಕಾಶ ಸಿಕ್ಕರೆ ನಾನು ಧಾರ್ಮಿಕ ಚಲನಚಿತ್ರಗಳಲ್ಲಿ ನಟಿಸುತ್ತೇನೆ, ಆದರೆ….”: ನಟಿ ಸನ್ನಿ ಲಿಯೋನ್
ಚಿತ್ರದಲ್ಲಿ ವಿಜಯ್, ತ್ರಿಶಾ, ಸಂಜಯ್ ದತ್, ಅರ್ಜುನ್ ಸರ್ಜಾ, ಅರ್ಜುನ್, ಸೂರ್ಯ ಮುಂತಾದವರ ತಾರಾಗಣವಿದೆ. ಎಸ್.ಎಸ್. ಲಲಿತ್ ಕುಮಾರ್ ನಿರ್ಮಾಣದ ಈ ಚಿತ್ರಕ್ಕೆ ಖ್ಯಾತ ಮ್ಯೂಸಿಕ್ ಕಂಪೋಸರ್ ಅನಿರುದ್ಧ್ ರವಿಚಂದರ್ ಸಂಗೀತ ನೀಡಿದ್ದಾರೆ,(ಏಜೆನ್ಸೀಸ್).
BBKS10: ಸ್ನೇಹಿತರ ಮಧ್ಯೆ ಬಿರುಕು; ಮೂರು ದಿಕ್ಕಿನಲ್ಲಿ ಮೂವರ ಕಣ್ಣೀರು!