‘ಕೆಜಿಎಫ್’ ನಿರ್ದೇಶಕ ಪ್ರಶಾಂತ್ ನೀಲ್ ಕುರಿತ ಸುದ್ದಿಗಳು ಟಾಲಿವುಡ್ ಅಂಗಳದಲ್ಲಿಯೂ ಆಗಾಗ ಸದ್ದು ಮಾಡುತ್ತಿರುತ್ತವೆ. ಅವರೊಂದಿಗೆ ಹಲವು ಸ್ಟಾರ್ ನಾಯಕರ ಹೆಸರುಗಳು ತಳುಕು ಹಾಕಿಕೊಂಡು ದೊಡ್ಡ ಮಟ್ಟದ ಕಾತರಕ್ಕೆ ಕಾರಣವಾಗಿರುತ್ತವೆ. ಇದೀಗ ಅಂಥದ್ದೇ ಸುದ್ದಿಯೊಂದು ಟಾಲಿವುಡ್ ಅಂಗಳದಿಂದ ಕೇಳಿಬಂದಿದೆ. ತೆಲುಗಿನ ಸ್ಟಾರ್ ನಟ ಜೂ. ಎನ್ಟಿಆರ್ ಚಿತ್ರಕ್ಕೆ ಪ್ರಶಾಂತ್ ನೀಲ್ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ ಎಂಬ ಸುದ್ದಿ ಅಧಿಕೃತ ಎನ್ನಲಾಗುತ್ತಿದೆ.
ಇದನ್ನೂ ಓದಿ: ಕರ್ನಾಟಕದಲ್ಲಿ ಮದ್ಯ ಮಾರಾಟ ಮಾಡಿದ್ರೆ, ನೀವೂ ಮಾಡ್ಬೇಕು ಅಂತ ರೂಲ್ಸ್ ಇದೆಯಾ?
ಈ ಹಿಂದೆಯೇ ಮಹೇಶ್ ಬಾಬು ಅವರ ಚಿತ್ರವನ್ನೂ ನಿರ್ದೇಶನ ಮಾಡುವಂತೆ ಪ್ರಶಾಂತ್ಗೆ ಆಫರ್ಗಳು ಬಂದಿದ್ದವು. ಆಗ ಕೆಜಿಎಫ್ ಸಿನಿಮಾ ಕೆಲಸಗಳಲ್ಲಿ ಅವರು ಬಿಜಿಯಾಗಿದ್ದರು. ಬಳಿಕ ಎನ್ಟಿಆರ್ ಜತೆಗೂ ಸಿನಿಮಾ ಮಾಡಲಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಇದೀಗ ಇಬ್ಬರು ಸ್ಟಾರ್ಗಳ ಪೈಕಿ ಎನ್ಟಿಆರ್ ಜತೆ ಸಿನಿಮಾ ಮಾಡುವುದು ಅಧಿಕೃತ ಆಗಿದೆ ಎಂದು ಟಾಲಿವುಡ್ ಮೂಲಗಳು ಮಾತನಾಡುತ್ತಿವೆ. ಹಾಗಾದರೆ ಸಿನಿಮಾ ಯಾವಾಗ ಶುರು?
ಇದನ್ನೂ ಓದಿ: VIDEO| ಪವರ್ಸ್ಟಾರ್ ಪುನೀತ್ ರಾಜ್ಕುಮಾರ್ ವರ್ಕೌಟ್ ನೋಡಿದ್ರೆ, ನೀವು ಖಂಡಿತ ದಂಗಾಗ್ತಿರಾ!
ಸದ್ಯ ರಾಜಮೌಳಿ ಜತೆಗೆ ಆರ್ಆರ್ಆರ್ ಕೆಲಸ ಬಾಕಿ ಉಳಿಸಿಕೊಂಡಿರುವ ಎನ್ಟಿಆರ್, ಆ ಸಿನಿಮಾ ಮುಗಿದ ಬಳಿಕ ಪ್ರಶಾಂತ್ ನೀಲ್ ಜತೆ ಕೈ ಜೋಡಿಸಲಿದ್ದಾರಂತೆ. ದೊಡ್ಡ ಬಜೆಟ್ನಲ್ಲಿ ಮೂಡಿಬರಲಿರುವ ಈ ಚಿತ್ರ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಬೇರೆ ಬೇರೆ ಭಾಷೆಗಳಲ್ಲಿ ನಿರ್ಮಾಣ ಮಾಡುವ ಗುರಿ ಇಟ್ಟುಕೊಳ್ಳಲಾಗಿದ್ದು, ಮೈ ತ್ರಿ ಮೂವಿ ಮೇಕರ್ಸ್ ಮತ್ತು ಎನ್ಟಿಆರ್ ಚಿತ್ರಕ್ಕೆ ಬಂಡವಾಳ ಹೂಡಲಿದೆ. ಪಕ್ಕಾ ಆ್ಯಕ್ಷನ್ ಸಿನಿಮಾ ಇದಾಗಿರಲಿದೆಯಂತೆ. ಮಾಸ್ ಅವತಾರದಲ್ಲಿ ಎನ್ಟಿಆರ್ ಎದುರಾಗಲಿದ್ದಾರೆ ಎನ್ನಲಾಗುತ್ತಿದೆ. (ಏಜೆನ್ಸೀಸ್)
ಮೇ 11ರಿಂದ ಧಾರಾವಾಹಿ ಶೂಟಿಂಗ್‌ ಪ್ರಾರಂಭ