ತಾಯಿಯ ಅಂತಿಮ ಯಾತ್ರೆಗೆ ಹೆಗಲುಕೊಟ್ಟ ಪ್ರಧಾನಿ: ಪಂಚಭೂತಗಳಲ್ಲಿ ಲೀನವಾದ ಹೀರಾಬೆನ್​

ಅಹಮದಾಬಾದ್​: ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರ ತಾಯಿ ಹೀರಾಬೆನ್​ ಮೋದಿ(Heeraben Modi) ಅವರ ಅಂತ್ಯಕ್ರಿಯೆ ಹಿಂದೂ ಸನಾತ ಪದ್ಧತಿಯಂತೆ ಶುಕ್ರವಾರ ಬೆಳಗ್ಗೆ ಕುಟುಂಬಸ್ಥರ ಸಮ್ಮುಖದಲ್ಲಿ ನೆರವೇರಿತು.

​ಡಿ. 28ರಂದು ಹೀರಾಬೆನ್ ಮೋದಿ ಅವರ ಆರೋಗ್ಯ ಹದಗೆಟ್ಟಿದ್ದರಿಂದ ಅಹಮದಾಬಾದ್‌ನ ಅಪೋಲೊ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಇಂದು(ಡಿ​.30) ಬೆಳಗಿನಜಾವ 3.39ಕ್ಕೆ ಆಸ್ಪತ್ರೆಯಲ್ಲೇ ಹೀರಾಬೆನ್​ ಕೊನೆಯುಸಿರೆಳೆದರು. ತಾಯಿಯ ನಿಧನದ ಸುದ್ದಿ ತಿಳಿಯುತ್ತಿದ್ದಂತೆ ಅತ್ಯಂತ ನೋವಿನಲ್ಲೇ ಅಹಮದಾಬಾದ್​ಗೆ ಆಗಮಿಸಿದ ಪ್ರಧಾನಿ ನರೇಂದ್ರ ಮೋದಿ(Narendra Modi) ಅವರು, ಅಹಮದಾಬಾದ್​ನ ನಿವಾಸದಲ್ಲಿ ತಾಯಿಗೆ ಅಂತಿಮ ನಮನ ಸಲ್ಲಿಸಿದರು.

ಗಾಂಧಿನಗರದ ಶವಾಗಾರದಲ್ಲಿ ಅಂತ್ಯಕ್ರಿಯೆ ನೆರವೇರಿತು. ತಾಯಿಯ ಅಂತಿಮ ಯಾತ್ರೆಯಲ್ಲಿ ಹೆಗಲುಕೊಟ್ಟ ಪ್ರಧಾನಿ, ಅಮ್ಮನಿಗೆ ಗೌರವ ಸಲ್ಲಿಸಿದರು. ಹಿಂದೂ ಸನಾತನ ಪದ್ಧತಿಯಂತೆ ವಿಧಿವಿಧಾನ ನೆರವೇರಿತು. ತಾಯಿಯ ಚಿತೆಗೆ ಎಲ್ಲ ಸಹೋದರರೊಂದಿಗೆ ಪ್ರಧಾನಿ ಅಗ್ನಿಸ್ಪರ್ಶ ಮಾಡಿದರು.

https://www.vijayavani.net/pm-modis-mother-heeraben-dies-at-99/

https://www.vijayavani.net/brazils-three-time-world-cup-winning-legend-pele-dies/

https://www.vijayavani.net/car-accident-rishabh-pant-hospitalised/