ನೇಪಾಳದ ನೂತನ ಪ್ರಧಾನಿಯಾಗಿ ಕೆ.ಪಿ.ಶರ್ಮಾ ಓಲಿ

ಕಠ್ಮಂಡು: ನೇಪಾಳದ ನೂತನ ಪ್ರಧಾನಿಯಾಗಿ ಕೆ.ಪಿ.ಶರ್ಮಾ ಓಲಿ (72) ಆಯ್ಕೆಯಾಗಿದ್ದಾರೆ. ಎರಡು ಪಕ್ಷಗಳ ಒಪ್ಪಂದದಂತೆ ಪ್ರಧಾನಿಯಾಗಿ ಆಯ್ಕೆಯಾಗಿರುವ ಓಲಿ ಅಧಿಕಾರಾವಧಿ 18 ತಿಂಗಳದ್ದಾಗಿದೆ.

ಇದನ್ನೂ ಓದಿ: 30 ವರ್ಷದ ನಂತರ ಜಮ್ಮುವಿನಲ್ಲಿ ತೆರೆದ ದೇವಾಲಯ.. ಮುಸಲ್ಮಾನರ ಸಂತಸ!

ಚೀನಾದ ಸಹಾನುಭೂತಿ ಹೊಂದಿರುವ ಓಲಿ ನೇಪಾಳದ ಪ್ರಧಾನಿಯಾಗುತ್ತಿರುವುದು ಇದು ನಾಲ್ಕನೇ ಬಾರಿ. ಪುಷ್ಪ ಕಮಲ್ ದಹಲ್ ಪ್ರಚಂಡ ನೇತೃತ್ವದ ಸರ್ಕಾರದ ಮೇಲಿನ ಅವಿಶ್ವಾಸ ನಿರ್ಣಯವನ್ನು ಸಂಸತ್ತಿನಲ್ಲಿ ಶುಕ್ರವಾರ ಅಂಗೀಕರಿಸಲಾಯಿತು.

ನೇಪಾಳ ಸಂಸತ್​ನ ಒಟ್ಟು 275 ಸ್ಥಾನಗಳಲ್ಲಿ 194 ಸದಸ್ಯರು ಅವಿಶ್ವಾಸ ನಿರ್ಣಯವನ್ನು ಬೆಂಬಲಿಸಿದರು. ಪ್ರಚಂಡ ನಾಯಕತ್ವಕ್ಕೆ 66 ಮಂದಿ ಮಾತ್ರ ಮತ ಹಾಕಿದ್ದಾರೆ. ಇದರಿಂದ ಹೊಸ ಸರ್ಕಾರ ರಚನೆ ಅನಿವಾರ್ಯವಾಯಿತು.

ಕೆಪಿ ಶರ್ಮಾ ಓಲಿ ನೇತೃತ್ವದ ಸಿಪಿಎನ್-ಯುಎಂಎಲ್ ಮತ್ತು ನೇಪಾಳಿ ಕಾಂಗ್ರೆಸ್ ಪಕ್ಷಗಳು ಒಟ್ಟಾಗಿ ಸರ್ಕಾರ ರಚಿಸಿದವು. ಓಲಿ ಅವರು ಸೋಮವಾರ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ.

ನೇಪಾಳಿ ಕಾಂಗ್ರೆಸ್ ಅಧ್ಯಕ್ಷ ಶೇರ್ ಬಹದ್ದೂರ್ ದೇವ್ಬಾ ಮತ್ತು ಸಿಪಿಎನ್-ಯುಎಂಎಲ್ ಅಧ್ಯಕ್ಷ ಕೆಪಿ ಶರ್ಮಾ ಒಲಿ ಅವರು ಕಳೆದ ವಾರ ಸಮ್ಮಿಶ್ರ ಸರ್ಕಾರ ರಚನೆಗೆ ಒಪ್ಪಂದ ಮಾಡಿಕೊಂಡರು. ಅದರ ಪ್ರಕಾರ ಮುಂದಿನ 18 ತಿಂಗಳ ಕಾಲ ಒಲಿ ಪ್ರಧಾನಿಯಾಗಿರುತ್ತಾರೆ. ಆ ಬಳಿಕ ಸಂಸತ್ತಿನ ಅವಧಿ ಮುಗಿಯುವವರೆಗೂ ದೇವಬಾ ಪ್ರಧಾನಿಯಾಗಿ ಮುಂದುವರಿಯಲಿದ್ದಾರೆ.

https://www.vijayavani.net/musk-discloses-two-assassination-bids-on-him