ದಾಂಪತ್ಯ ಜೀವನಕ್ಕೆ ಕಾಲಿಟ್ಟು ತಿಂಗಳೂ ಕಳೆದಿಲ್ಲ! ಆಗಲೇ 112 ಮಂದಿಯ ಕಣ್ಣಿಗೆ ಮಣ್ಣೆರಚಿದ ಖತರ್ನಾಕ್​ ಜೋಡಿ

ಕೊಯಮತ್ತೂರು: ಮದುವೆಯಾಗಿ ಇನ್ನೂ ತಿಂಗಳು ಕೂಡ ಕಳೆದಿಲ್ಲ. ಅಷ್ಟರೊಳಗೆ ಬರೋಬ್ಬರಿ 112 ಮಂದಿ ಕಣ್ಣಿಗೆ ಮಣ್ಣೆರಚಿದ ಜೋಡಿ ಕಡೆಗೂ ಖಾಕಿ ಬಲೆಗೆ ಬಿದ್ದಿದೆ.

ಇದನ್ನೂ ಓದಿ: ಬಡವರಿಗೆ ಸೂರು ನೀಡಲು ಲಂಚ, ವಸತಿ ಯೋಜನೆಯಲ್ಲಿ ಹಗರಣ, ರಾಜ್ಯ ಸರ್ಕಾರದ ವಿರುದ್ಧ ಬಿಜೆಪಿ ಆಕ್ರೋಶ-ಪ್ರತಿಭಟನೆ

ನವದಂಪತಿಯ ಮೋಸದ ಜಾಲಕ್ಕೆ ಸಿಲುಕಿದ 112 ಜನರು ಹಣ ಕಳೆದುಕೊಂಡವರೇ ಆಗಿದ್ದಾರೆ. ಪ್ರಕರಣ ಬೇಧಿಸಿದ ಕೊಯಮತ್ತೂರಿನ ಕೌಂಡಂಪಾಲಯಂ ಪೊಲೀಸರು, ಸುಗುಣಪುರಂ ಹಳೆ ಚರ್ಚ್ ಸ್ಟ್ರೀಟ್‌ನ ನಿವಾಸಿ ಮೊಹಮ್ಮದ್ ರಿಜ್ವಾನ್ (21) ಮತ್ತು ಆತನ ಪತ್ನಿ ಶರ್ಮಿಳಾರನ್ನು (20) ಬಂಧಿಸಿ, ತನಿಖೆಗೆ ಒಳಪಡಿಸಿದ್ದಾರೆ. ಮೊಬೈಲ್ ಫೋನ್‌ಗಳನ್ನು ಬಳಸಿಕೊಂಡು ಲಕ್ಷಗಟ್ಟಲೇ ಹಣವನ್ನು ಗೂಗಲ್ ಪೇ/ ಫೋನ್​ ಪೇ ಸ್ಕ್ಯಾನರ್ ಸ್ಕ್ರೀನ್​ಶಾಟ್​ ಬಳಸಿಕೊಂಡು ಜನರಿಗೆ ವಂಚಿಸಿರುವುದು ಬೆಳಕಿಗೆ ಬಂದಿದೆ.

ಒಂದೂವರೆ ತಿಂಗಳ ಹಿಂದೆಯಷ್ಟೇ ಪ್ರೀತಿಸಿ ಮದುವೆಯಾದ ಈ ಜೋಡಿ, ಒಟ್ಟಿಗೆ ಕಳ್ಳತನದ ಕೆಲಸದಲ್ಲಿ ತೊಡಗಿದ್ದರು. ಟ್ಯಾಕ್ಸಿ ಚಾಲಕನಾಗಿದ್ದ ರಿಜ್ವಾನ್, ಮದುವೆಯಯಾದ ಬಳಿಕ ತನ್ನ ಹೆಂಡತಿಯೊಂದಿಗೆ ದಿಲ್​ದಾರ್​ ಜೀವನ ನಡೆಸುವ ಸಲುವಾಗಿ ಅಡ್ಡದಾರಿ ಹುಡುಕಿದ್ದ. ಇಬ್ಬರೂ ಸೇರಿಕೊಂಡು ಅಂಗಡಿಗಳಿಗೆ ಹೋಗಿ ಯಾವುದೋ ವಸ್ತು ಖರೀದಿಸುವ ನೆಪದಲ್ಲಿ ಹಣ ಕಳಿಸಿ, ಇದು ಬೇಡ ಹಣ ವಾಪಾಸ್​ ಹಾಕಿಬಿಡಿ ಎಂದು ಹಣ ಪೀಕುವ ಕೆಲಸ ಮಾಡಿದ್ದಾರೆ. ಇದು ಒಂದೆರೆಡು ಕಡೆ ಮಾತ್ರವಲ್ಲದೇ ಹಲವೆಡೆ ಇದೇ ರೀತಿಯಲ್ಲಿ ಮೋಸ ಮಾಡಿರುವುದು ವಿಚಾರಣೆಯಲ್ಲಿ ತಿಳಿದುಬಂದಿದೆ.

ಇದನ್ನೂ ಓದಿ: ಬೈರೇಗೌಡ್ರನ್ನು ಬಿಟ್ಟು ನನ್ನ ಮಾತಿಗೆ ಮಾತ್ರ ಏಕೆ ಸೀರಿಯಾಗಿದ್ದಾರೆ?: ಬಿಆರ್​ಪಿ ಕಿಡಿ

ಇದೇ ರೀತಿ ದಂಪತಿಗಳ ಮೋಸದಾಟಕ್ಕೆ ತುತ್ತಾದ ಶಕ್ತಿವೇಲ್ ಎಂಬುವರು, ನಗರ ಪೊಲೀಸರಿಗೆ ದೂರು ನೀಡಿ ಮಾಹಿತಿ ಹಂಚಿಕೊಂಡಿದ್ದರು. ತನಿಖೆಯ ಸಮಯದಲ್ಲಿ, ತಾವು ಇನ್ನೂ ಅನೇಕರಿಗೆ ಮೋಸ ಮಾಡಿರುವುದಾಗಿ ದಂಪತಿಗಳು ತಪ್ಪು ಒಪ್ಪಿಕೊಂಡಿದ್ದಾರೆ. ಸೈಬರ್ ಕ್ರೈಮ್ ಪೊಲೀಸರ ಸಹಾಯದಿಂದ ಇಬ್ಬರನ್ನು ಬಂಧಿಸಿ, ಅವರ ಮೊಬೈಲ್‌ಗಳನ್ನು ಪರಿಶೀಲಿಸಲಾಗಿದೆ. ಪತ್ನಿಯ ಜತೆಗೂಡಿ ಬರೋಬ್ಬರಿ 112 ಜನರಿಗೆ ವಂಚಿಸಿರುವ ರಿಜ್ವಾನಿ, ಇಲ್ಲಿಯವರೆಗೆ ಸುಮಾರು 2 ಲಕ್ಷ ರೂ.ಗೂ ಅಧಿಕ ಹಣವನ್ನು ವಂಚಿಸಿದ್ದಾರೆ ಎಂದು ಪೊಲೀಸರ ತನಿಖೆಯಲ್ಲಿ ಬಯಲಾಗಿದೆ,(ಏಜೆನ್ಸೀಸ್).

https://www.vijayavani.net/rishabh-pant-makes-an-issue-in-ind-vs-eng-test