ದೆಹಲಿ ಮದ್ಯ ನೀತಿ ಹಗರಣಕ್ಕೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯವು ಅವರನ್ನು ವಿಚಾರಣೆಗೆ ಒಳಪಡಿಸುವ ಒಂದು ದಿನ ಮೊದಲು ಬಿಆರ್ಎಸ್ ನಾಯಕಿಯ ಉಪವಾಸ ಸತ್ಯಾಗ್ರಹ ಶುರುವಾಗಿದೆ ಎನ್ನುವುದು ಗಮನಾರ್ಹ ವಿಚಾರ. 'ಮಹಿಳಾ ಮೀಸಲಾತಿ ಮಸೂದೆಗೆ ಸಂಬಂಧಿಸಿದಂತೆ ನಾವು ಮಾರ್ಚ್ 2ರಂದು ದೆಹಲಿಯಲ್ಲಿ ಉಪವಾಸ ಸತ್ಯಾಗ್ರಹದ ಕುರಿತು ಪೋಸ್ಟರ್ ಅನ್ನು ಬಿಡುಗಡೆ ಮಾಡಿದ್ದೇವೆ. 18 ಪಕ್ಷಗಳು ತಮ್ಮ ಭಾಗವಹಿಸುವಿಕೆಯನ್ನು ದೃಢಪಡಿಸಿವೆ. ED ಮಾರ್ಚ್ 9ರಂದು ನನ್ನನ್ನು ಕರೆದಿದೆ. ನಾನು ಮಾರ್ಚ್ 16ಕ್ಕೆ ಬರಬಹುದಾ ಎಂದು ವಿನಂತಿಸಿದೆ. ಆದರೆ ಅವರು ಏಕೆ ಆತುರಪಡುತ್ತಿದ್ದಾರೆ ಎಂದು ತಿಳಿದಿಲ್ಲ. ಹೀಗಾಗಿ ನಾನು ಮಾರ್ಚ್ 11 ಕ್ಕೆ ಒಪ್ಪಿಕೊಂಡೆ. ಏಜೆನ್ಸಿಯು ಮಹಿಳೆಯನ್ನು ವಿಚಾರಣೆಗೆ ಒಳಪಡಿಸಲು ಬಯಸಿದಾಗ, ಅದು ತನ್ನ ಮನೆಯಲ್ಲಿಯೇ ಮಾಡಲ್ಪಡುವ ಮೂಲಭೂತ ಹಕ್ಕನ್ನು ಹೊಂದಿದೆ. ಆದ್ದರಿಂದ, ನಾನು ತನಿಖೆ ಮಾಡಲು ಮಾರ್ಚ್ 11ರಂದು ನನ್ನ ಮನೆಗೆ ಬರಬೇಕು ಎಂದ ನಾನು ಇಡಿಗೆ ವಿನಂತಿಸಿದೆ; ಆದರೆ ನಾನು ಅವರ ಬಳಿಗೆ ಹೋಗಬೇಕು ಎಂದರು' ಎಂದು ಅವರು ಹೇಳಿದರು. (ಏಜೆನ್ಸೀಸ್)
