ಕಾವ್ಯಾ ಮಾರನ್​ ತಂಡ ಸೇರಿದ ಇಬ್ಬರು ಪಾಕ್​ ಆಟಗಾರರು! SRH ಒಡತಿ ವಿರುದ್ಧ ಫ್ಯಾನ್ಸ್​ ಕಿಡಿ | Kavya Maran

Kavya Maran: ಐಪಿಎಲ್​ನ ಸನ್​ರೈಸರ್ಸ್​ ಹೈದರಾಬಾದ್​ ಫ್ರಾಂಚೈಸಿಯ ಒಡತಿ ಕಾವ್ಯ ಮಾರನ್ ವಿರುದ್ಧ ಸದ್ಯ ಭಾರತೀಯ ಕ್ರಿಕೆಟ್​ ಪ್ರೇಮಿಗಳು ತೀವ್ರ ಕಿಡಿಕಾರಿದ್ದಾರೆ. ಕಾವ್ಯ ನೇತೃತ್ವದ ಸನ್ ಗ್ರೂಪ್, ಇಂಗ್ಲೆಂಡ್‌ನಲ್ಲಿ ನಡೆಯುವ ಹಂಡ್ರೆಡ್ ಲೀಗ್‌ನಲ್ಲಿ 'ನಾರ್ದರ್ನ್ ಸೂಪರ್ ಚಾರ್ಜರ್ಸ್' ಫ್ರಾಂಚೈಸಿಯನ್ನು ಮುನ್ನಡೆಸಲಿದೆ. ಈ ತಂಡಕ್ಕೆ ಇಬ್ಬರು ಪಾಕಿಸ್ತಾನಿ ಕ್ರಿಕೆಟಿಗರನ್ನು ಆಯ್ಕೆ ಮಾಡಿಕೊಂಡಿರುವುದೇ ಸದ್ಯ ಕೆಲವರ ಅಸಮಾಧಾನಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ಉತ್ತರಕಾಶಿಯಲ್ಲಿ ಭೀಕರ ಮೇಘಸ್ಫೋಟ! ಕೊಚ್ಚಿಹೋದ ನೂರಾರು ಮನೆಗಳು, ಸಹಾಯಕ್ಕಾಗಿ ಸ್ಥಳೀಯರ ಚೀರಾಟ | Uttarkashi

ಸನ್ ಗ್ರೂಪ್ ಈ ಫ್ರಾಂಚೈಸಿಯ ಸಂಪೂರ್ಣ ಪಾಲನ್ನು 1,094 ಕೋಟಿ ರೂ.ಗೆ ಸ್ವಾಧೀನಪಡಿಸಿಕೊಂಡಿದೆ. ಹಂಡ್ರೆಡ್ ಲೀಗ್‌ನ 8 ಫ್ರಾಂಚೈಸಿಗಳಲ್ಲಿ ನಾಲ್ಕನ್ನು ಭಾರತೀಯ ಕಂಪನಿಗಳು (ಐಪಿಎಲ್ ಫ್ರಾಂಚೈಸ್ ಮಾಲೀಕರು ಸೇರಿದಂತೆ) ಖರೀದಿಸಿದರೆ, ಉಳಿದ ಎರಡು ಫ್ರಾಂಚೈಸಿಗಳನ್ನು ಭಾರತೀಯ-ಅಮೆರಿಕನ್ ಹೂಡಿಕೆದಾರರು ತಮ್ಮದಾಗಿಸಿಕೊಂಡಿದ್ದಾರೆ.

ಕಾವ್ಯ ಮಾರನ್ ಒಡೆತನದ ನಾರ್ದರ್ನ್ ಸೂಪರ್‌ಚಾರ್ಜರ್ಸ್ ಇಂದಿನಿಂದ (ಆಗಸ್ಟ್ 5) ಪ್ರಾರಂಭವಾಗಲಿರುವ 2025ರ ಹಂಡ್ರೆಡ್​ ಲೀಗ್​ ಆವೃತ್ತಿಗೆ ಇಬ್ಬರು ಮಾಜಿ ಪಾಕಿಸ್ತಾನಿ ಆಟಗಾರರನ್ನು ಆಯ್ಕೆ ಮಾಡಿಕೊಂಡಿದೆ. ಬೆನ್ ದ್ವಾರಶುಯಿಸ್ (ಆಸ್ಟ್ರೇಲಿಯಾ) ಮತ್ತು ಮಿಚೆಲ್ ಸ್ಯಾಂಟ್ನರ್ (ನ್ಯೂಜಿಲೆಂಡ್) ಬದಲಿಗೆ ಮಾಜಿ ಪಾಕಿಸ್ತಾನಿ ಆಟಗಾರರಾದ ಮೊಹಮ್ಮದ್ ಅಮೀರ್ ಮತ್ತು ಇಮಾದ್ ವಾಸಿಮ್​ರನ್ನು ಆಯ್ಕೆ ಮಾಡಿದ್ದಕ್ಕಾಗಿ ಇದೀಗ ಫ್ರಾಂಚೈಸಿ ಹಾಗೂ ಕಾವ್ಯ ವಿರುದ್ಧ ಜಾಲತಾಣಗಳಲ್ಲಿ ಟ್ರೋಲ್​, ಟೀಕೆಗಳು ಜೋರಾಗಿವೆ.

ಈ ಆವೃತ್ತಿಗೂ ಮೊದಲು, ಭಾರತೀಯ ಹೂಡಿಕೆದಾರರು ಹೆಚ್ಚಿನ ಫ್ರಾಂಚೈಸಿಗಳನ್ನು ಸ್ವಾಧೀನಪಡಿಸಿಕೊಂಡಿದ್ದರಿಂದ ಯಾವುದೇ ಪಾಕಿಸ್ತಾನಿ ಆಟಗಾರರಿಗೆ ಹರಾಜಿನಲ್ಲಿ ಅವಕಾಶ ಇರಲಿಲ್ಲ. ಫ್ರಾಂಚೈಸಿಗಳು ಪರೋಕ್ಷವಾಗಿ ಪಾಕಿಸ್ತಾನಿ ಆಟಗಾರರನ್ನು ನಿಷೇಧಿಸಿದ್ದವು. ಆದರೀಗ, 'ನಾರ್ದರ್ನ್ ಸೂಪರ್ ಚಾರ್ಜರ್ಸ್', ಪಾಕಿಸ್ತಾನಿ ಕ್ರಿಕೆಟಿಗರನ್ನು ತಂಡಕ್ಕೆ ಸೇರಿಸಿಕೊಂಡಿರುವುದು ಸದ್ಯ ಭಾರತೀಯ ಕ್ರಿಕೆಟ್​ ಪ್ರೇಮಿಗಳನ್ನು ಕೆರಳಿಸಿದೆ,(ಏಜೆನ್ಸೀಸ್).

https://www.vijayavani.net/uttarkashi-cloudburst-many-feared-dead