ಅಂದಹಾಗೆ, ತನಗೆ ಎಂದು ವಿಶೇಷವಾಗಿ ತಯಾರಾಗಿದ ಲೆಹೆಂಗಾವನ್ನು ನಟಿ ಕತ್ರಿನಾ ಅವರು ತನ್ನ ಮದುವೆ ದಿನ ಡಿ.9 ರಂದು ಧರಿಸಿದ್ದರು. ಅದರ ಬೆಲೆ ಬರೋಬ್ಬರಿ 17 ಲಕ್ಷ ರೂ. ಅಂತೆ. ಇದಲ್ಲದೆ, ನಟಿ ಕತ್ರಿನಾಗೆ ವಿಕ್ಕಿ ತೊಡಿಸಿದ ಪ್ಲಾಟಿನಮ್ ಉಂಗುರದ ಬೆಲೆ 7.4 ಲಕ್ಷ. ಗಂಡ ವಿಕ್ಕಿ ಆಯ್ಕೆ ಮಾಡಿದ ಉಂಗುರವನ್ನೆ ಒಪ್ಪಿಕೊಂಡು ಧರಿಸಿದ್ದರಂತೆ ಕತ್ರಿನಾ. ಸಿನಿ ತಾರೆಯರ ಮದುವೆ ಅಂದರೆ ಇಷ್ಟು ಅದ್ಧೂರಿಯಾಗಿ ಇರುತ್ತೆ. ಬೇರೆ ಬಾಲಿವುಡ್ ನಟಿಯರ ಸಾಲಿನಲ್ಲೆ ನಟಿ ಕತ್ರಿನಾ ಅವರ ಲೆಹೆಂಗಾ ಬೆಲೆಯೂ ಇತ್ತು. ಹೌದು, ನಟಿ ದೀಪಿಕಾ ಪಡುಕೋಣೆ ತಮ್ಮ ಮದುವೆಗೆ ತೊಟ್ಟ ಲೆಹೆಂಗಾ ಬೆಲೆ 12 ಲಕ್ಷ ರೂ ಆದರೆ, ನಟಿ ಪ್ರಿಯಾಂಕಾ ಚೋಪ್ರಾ ಅವರ ಮದುವೆ ಲೆಹೆಂಗಾ ಬರೋಬ್ಬರಿ 18 ಲಕ್ಷ ರೂಪಾಯಿಯಾಗಿತ್ತು. ಅನುಷ್ಕಾ ಶರ್ಮಾ ಅವರ ಲೆಹೆಂಗಾ ಕೂಡ ಹೆಚ್ಚು ಕಡಿಮೆ 8 ಲಕ್ಷ. ಸಿನಿ ಸೆಲೆಬ್ರಿಟಿಗಳು ತೊಡುವ ಬಟ್ಟೆ, ಆಭರಣಗಳ ಬೆಲೆಯೇ ಇಷ್ಟು ಇದ್ದರೆ, ಮತ್ತೆ ಅವರ ಮದುವೆಯ ಖರ್ಚು ಅದೆಷ್ಟು ಇರಬಹುದು ಎಂದು ಈಗ ಎಲ್ಲರು ಹುಬ್ಬೆರಿಸುತ್ತಿದ್ದಾರೆ.
