ಮುಂಬೈ ಪೊಲೀಸ್​ ಕಮೀಷನರ್​​ರನ್ನೂ ಬಿಡಲಿಲ್ಲ ಕಂಗನಾ!

ಇತ್ತೀಚಿನ ದಿನಗಳಲ್ಲಿ ಕಂಗನಾ ಅದ್ಯಾರ್ಯಾರ ವಿರುದ್ಧ ತೊಡೆತಟ್ಟಿ ನಿಂತಿದ್ದಾರೋ ಹೇಳುವುದು ಕಷ್ಟ. ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್​ ಠಾಕ್ರೇ ಅವರಿಂದ ಶುರು ಮಾಡಿ, ಹಲವು ಗಣ್ಯರ ವಿರುದ್ಧ ಒಂದಲ್ಲಾ ಒಮದು ಕಾರಣಕ್ಕೆ ಅವರು ಹರಿಹಾಯ್ದಿದ್ದಾರೆ.

ಇದನ್ನೂ ಓದಿ: ಚಿರು ಸರ್ಜಾ ಹೆಸರು ಸೇರಿಸಿದ್ದಕ್ಕೆ, ಆ ಮಗು ಮೇಘನಾ ಸ್ಥಿತಿ ಏನಾಗಿರಬೇಡ; ದೊಡ್ಡಣ್ಣ

ಈಗ ಅವರ ದೃಷ್ಟಿ ಮುಂಬೈ ಪೊಲೀಸ್​ ಕಮೀಷನರ್​ ಪರಂ ಬೀರ್​ ಸಿಂಗ್​ ಅವರ ಮೇಲೂ ಬಿದ್ದಿದೆ. ಅದಕ್ಕೆ ಕಾರಣ, ಇತ್ತೀಚೆಗೆ ಕಂಗನಾ, ತಮ್ಮ ಟೀಮ್​ ಕಂಗನಾ ಅಕೌಂಟ್​ ಮೂಲಕ ಟ್ವೀಟ್​ ಮಾಡಿದ್ದಾರೆ. ಯಾರೋ ಅದಕ್ಕೆ ಸರಿಯಾಗಿ ಕಾಲೆಳೆದಿದ್ದಾರೆ. ಅದಕ್ಕೆ ಮುಂಬೈ ಪೊಲೀಸ್​ ಕಮೀಷನರ್​ ಖಾತೆಯಿಂದ ಲೈಕ್​ ಒತ್ತಲಾಗಿದೆ.

ಸಾಮಾನ್ಯವಾಗಿ ರಾಜಕಾರಣಿಗಳು ಮತ್ತು ಅಧಿಕಾರಿಗಳ ಟ್ವಿಟರ್​ ನೋಡಿಕೊಳ್ಳುವುದಕ್ಕೆಂದೇ ಜನ ಇರುತ್ತಾರೆ. ಬಹುಶಃ ಅವರಿಂದ ಹೀಗಾಯಿತೋ ಅಥವಾ ಮುಂಬೈ ಕಮಿಷನರ್​ ಅವರೇ ಲೈಕ್​ ಒತ್ತಿದರೋ ಗೊತ್ತಿಲ್ಲ. ಈ ವಿಷಯ ಕಂಗನಾ ಅವರನ್ನು ಸಿಕ್ಕಾಪಟ್ಟೆ ಕೆರಳಿಸಿದೆ.

ಈ ಕುರಿತು ಟ್ವೀಟ್​ ಮಾಡಿರುವ ಅವರು, 'ಸುಶಾಂತ್​ ಪರವಾಗಿ ನಾನು ಫೈಟ್​ ಮಾಡಿ, ನ್ಯಾಯ ಕೇಳುವುದು ಹಲವರಿಗೆ ಸಹಿಸುವುದಕ್ಕೆ ಆಗುತ್ತಿಲ್ಲ. ಅದೇ ಕಾರಣಕ್ಕೆ ನನ್ನ ಬಗ್ಗೆ ಇಲ್ಲ ಸಲ್ಲದ ಮಾತಾಡುತ್ತಿದ್ದಾರೆ. ನನಗೆ ಬೆದರಿಕೆ ಹಾಕುತ್ತಿದ್ದಾರೆ. ವಿಚಿತ್ರ ಎಂದರೆ ಕಮಿಷನರ್​ ಅವರೇ ಅದಕ್ಕೆ ಪ್ರೋತ್ಸಾಹ ನೀಡುತ್ತಿದ್ದಾರೆ. ನಾಚಿಕೆ ಆಗಬೇಕು' ಎಂದು ಕಂಗನಾ ಬರೆದುಕೊಂಡಿದ್ದಾರೆ. ಅಷ್ಟೇ ಅಲ್ಲ, ಕಮಿಷನರ್​ ಲೈಕ್​ ಮಾಡಿದ ಸ್ಕ್ರೀನ್​​ಶಾಟ್​ಗಳನ್ನು ಅವರು ಶೇರ್ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ಪ್ರಶಾಂತ್ ಸಂಬರಗಿ ಯಾರು, ಸ್ಯಾಂಡಲ್​ವುಡ್​ಗೆ ಏನು ಮಾಡಿದ್ದಾರವರು; ಸಾರಾ ಗೋವಿಂದು ಕಿಡಿ

ಇನ್ನು ಮುಂಬೈ ಕಮಿಷನರ್​ ಅವರೇ, ಅವಹೇಳನಕಾರಿಯಾಗಿ ಮಾತನಾಡುವವರನ್ನು ಪ್ರೋತ್ಸಾಹಿಸುತ್ತಿದ್ದರೆ, ತಮಗೆ ಭದ್ರತೆ ಎಲ್ಲಿ ಎಂದು ಪ್ರಶ್ನಿಸಿರುವ ಅವರು, 'ಕಮಷಿನರ್​ ಅವರೇ ಇಂಥದ್ದಕ್ಕೆಲ್ಲಾ ಪ್ರೋತ್ಸಾಹ ಕೊಡುತ್ತಿದ್ದರೆ, ನಾನು ಮುಂಬೈನಲ್ಲಿ ಸುರಕ್ಷಿತವಾಗಿ ಇರುವುದಕ್ಕೆ ಸಾಧ್ಯವಾ? ನನ್ನ ರಕ್ಷಣೆಗೆ ಯಾರು ಜವಾಬ್ದಾರಿ' ಎಂದು ಅವರು ಪ್ರಶ್ನಿಸಿದ್ದಾರೆ.

https://www.vijayavani.net/amitabh-bachchan-criticised-for-buying-a-new-car/