ನಟಿ ಕಂಗನಾ ರಣಾವತ್ ಬಾಡಿಗಾರ್ಡ್​ ಮಂಡ್ಯದಲ್ಲಿ ಅರೆಸ್ಟ್​!

ಮಂಡ್ಯ: ಅತ್ಯಾಚಾರ ಆರೋಪ ಎದುರಿಸುತ್ತಿರುವ ಬಾಲಿವುಡ್ ನಟಿ ಕಂಗನಾ ರಣಾವತ್ ಅವರ ಬಾಡಿಗಾರ್ಡ್​ ಎಂದು ಹೇಳಲಾದ ಕುಮಾರ್ ಶೆಟ್ಟಿ ಎನ್ನುವನನ್ನು ಮುಂಬೈ ಪೊಲೀಸರು ಕೆಆರ್​ ಪೇಟೆ ತಾಲೂಕಿನ ಹೆಗ್ಗಡನಹಳ್ಳಿಯಲ್ಲಿ ಸ್ಥಳೀಯ ಪೊಲೀಸರ ಸಹಕಾರದೊಂದಿಗೆ ಬಂಧಿಸಿದ್ದಾರೆ.

ಸದ್ಯ ಕುಮಾರ್​​ನನ್ನು ಮುಂಬೈ ಪೊಲೀಸರು ಸ್ಥಳೀಯ ನ್ಯಾಯಾಲಯಕ್ಕೆ ಹಾಜರುಪಡಿಸಿ ವಿಚಾರಣೆಗಾಗಿ ಮುಂಬೈಗೆ ಕರೆದೋಯ್ದಿದ್ದಾರೆ.

ಪ್ರಕರಣದ ಹಿನ್ನೆಲೆ ಏನು: ನಟಿ ಕಂಗನಾ ಅವರ ಬಾಡಿಗಾರ್ಡ್​ ಆಗಿ ಕೆಲ ವರ್ಷಗಳಿಂದ ಕೆಲಸ ಮಾಡುತ್ತಿದ್ದ ಕುಮಾರ್ ಅಲಿಯಾಸ್ ಕುಮಾರ್ ಹೆಗಡೆ ಮುಂಬೈನಲ್ಲಿ ಯುವತಿಯೊಬ್ಬಳ್ಳನ್ನು ಪ್ರೀತಿಸುತ್ತಿದ್ದ. ನಂತರ ಅವಳ ಜೊತೆ ಲೈಂಗಿಕ ಕ್ರಿಯೆ ನಡೆಸಿದ್ದ ಎನ್ನಲಾಗಿದೆ. ಬಳಿಕ ಆ ಯುವತಿ ಬಳಿ 50 ಸಾವಿರ ರೂಪಾಯಿ ಪಡೆದು ವಂಚನೆ ಮಾಡಿ, ತಲೆ ಮರೆಸಿಕೊಂಡಿದ್ದ.

ಈ ಕುರಿತು ಯುವತಿ ಮುಂಬೈ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲು ಮಾಡಿದ್ದಳು. ದೂರು ಪಡೆದ ಪೊಲೀಸರು ಕಳೆದ ಒಂದು ತಿಂಗಳಿನಿಂದ ಕುಮಾರ್​ನಿಗಾಗಿ ಹುಡುಕಾಟ ನಡೆಸಿದ್ದರು. ಈ ಕುರಿತು ಕಂಗನಾ ಇದುವರೆಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

https://www.vijayavani.net/r-my-size-bigger-than-your-balls-heroine-yashika-annand-gives-befitting-reply/

https://www.vijayavani.net/fir-against-big-boss-contestant-yuvika-choudhary/