ಕೂಡಿಬಂತೆ ಕಂಕಣಬಲ?: ಕಾಜಲ್ ಅಗರವಾಲ್ ನಿಶ್ಚಿತಾರ್ಥ ವದಂತಿ

ಉಪೇಂದ್ರ ಅಭಿನಯದ ‘ಕಬ್ಜ’ ಚಿತ್ರದಲ್ಲಿ ಕಾಜಲ್ ಅಗರವಾಲ್ ನಟಿಸುತ್ತಿದ್ದಾರೆ ಎಂಬ ಸುದ್ದಿಯೊಂದು ಕೇಳಿಬರುತ್ತಲೇ ಇದೆ. ಆದರೆ, ಚಿತ್ರತಂಡ ಈ ಕುರಿತು ಯಾವುದೇ ಅಧಿಕೃತ ಘೋಷಣೆ ಮಾಡದಿರುವುದರಿಂದ, ಸದ್ಯಕ್ಕೆ ವೇಯ್್ಟ ಆಂಡ್ ಸೀ ಮಾಡುವುದು ಬಿಟ್ಟರೆ ಬೇರೆ ದಾರಿ ಇಲ್ಲ. ಈ ಮಧ್ಯೆ, ಕಾಜಲ್ ಅಗರವಾಲ್ ವಿಷಯದಲ್ಲಿ ಇನ್ನೊಂದು ಸುದ್ದಿ ಕೇಳಿಬಂದಿದೆ. ಅದೇನೆಂದರೆ, ಕಾಜಲ್​ಗೆ ಕಂಕಣ ಬಲ ಕೂಡಿಬಂದಿದ್ದು, ಸದ್ಯದಲ್ಲೇ ಗೌತಮ್ ಎನ್ನುವವರನ್ನು ಮದುವೆಯಾಗಲಿದ್ದಾರಂತೆ. ಅಷ್ಟೇ ಅಲ್ಲ, ಇತ್ತೀಚೆಗೆ ಸದ್ದಿಲ್ಲದೆ ಅವರ ನಿಶ್ಚಿತಾರ್ಥ ಸಹ ಮುಗಿದಿದೆ ಎಂದು ಹೇಳಲಾಗುತ್ತಿದೆ.

ಹೈದರಾಬಾದ್​ನಲ್ಲಿ ನಿಶ್ಚಿತಾರ್ಥವಾದರೆ ಎಲ್ಲರಿಗೂ ಗೊತ್ತಾಗುತ್ತದೆ ಎಂಬ ಕಾರಣಕ್ಕೆ ಮುಂಬೈನಲ್ಲಿ ಸದ್ದಿಲ್ಲದೆ ಎಂಗೇಜ್​ವೆುಂಟ್ ಮುಗಿಸಲಾಗಿದೆಯಂತೆ. ಈ ನಿಶ್ಚಿತಾರ್ಥದಲ್ಲಿ ತೆಲುಗು ಚಿತ್ರರಂಗದ ಪೈಕಿ ನಟ ಬೆಲ್ಲಮಕೊಂಡ ಸಾಯಿ ಶ್ರೀನಿವಾಸ್ ಒಬ್ಬರು ಹಾಜರಾಗಿದ್ದು ಬಿಟ್ಟರೆ, ಮಿಕ್ಕಂತೆ ಯಾರಿಗೂ ಮಾಹಿತಿ ಸಹ ಇರಲಿಲ್ಲವಂತೆ. ಅಷ್ಟೊಂದು ರಹಸ್ಯವಾಗಿ ಈ ನಿಶ್ಚಿತಾರ್ಥ ಮಾಡಲಾಗಿದೆಯಂತೆ.

ತಮ್ಮ ಬಗ್ಗೆ ಇಷ್ಟೆಲ್ಲ ಸುದ್ದಿಗಳು ಹರಡಿದ್ದರೂ, ಕಾಜಲ್ ಮಾತ್ರ ಇದುವರೆಗೂ ಈ ವಿಷಯದ ಬಗ್ಗೆ ಪ್ರತಿಕ್ರಿಯೆ ನೀಡಿದೆ ತಮಗೇನೂ ಗೊತ್ತಿಲ್ಲ ಎನ್ನುವಂತೆ ಸುಮ್ಮನಿದ್ದುಬಿಟ್ಟಿದ್ದಾರೆ. ‘ಮೌನಂ ಸಮ್ಮತಿ ಲಕ್ಷಣಂ’ ಎಂಬ ಮಾತಿನಂತೆ, ಕಾಜಲ್ ಮೌನ ನೋಡಿ ಇದು ನಿಜ ಇರಬಹುದಾ ಎಂಬ ಪ್ರಶ್ನೆ ಅವರ ಅಭಿಮಾನಿಗಳನ್ನೂ ಕಾಡುತ್ತಿದೆ. ಈ ಪ್ರಶ್ನೆಗೆ ಉತ್ತರ ಯಾವಾಗ ಕೊಡುತ್ತಾರೆ ಕಾಜಲ್? ಕಾದು ನೋಡಬೇಕಿದೆ.