ಕರೊನಾ ಕರಾಳಮುಖವನ್ನು ತೆರೆದಿಟ್ಟ ಕಾಜಲ್​: ಹಾರ್ಟ್ ಬ್ರೇಕಿಂಗ್ ಎಂದು ಇನ್​ಸ್ಟಾಗ್ರಾಂ ಸ್ಟೋರಿ ಹಾಕಿದ್ದ ಸುಂದರಿ!

ಮುಂಬೈ: ಕರೊನಾ ವೈರಸ್ Covid19 ಸೋಂಕು ಜಗತ್ತಿನಾದ್ಯಂತ ವ್ಯಾಪಿಸುತ್ತಿದ್ದು, ಅರ್ಥ ವ್ಯವಸ್ಥೆಯನ್ನೆ ತಲ್ಲಣಗೊಳಿಸುತ್ತಿದೆ. ಅನೇಕ ರಾಷ್ಟ್ರಗಳು ಸಂಪೂರ್ಣ ಬಂದ್ ಆಚರಿಸುತ್ತಿದ್ದರೆ, ಉದ್ಯಮಗಳು ಬಾಗಿಲು ಮುಚ್ಚತೊಡಗಿವೆ. ವ್ಯಾಪಾರ ವಹಿವಾಟುಗಳು ಸರಿಯಾದ ಪ್ರಮಾಣದಲ್ಲಿ ನಡೆಯುತ್ತಿಲ್ಲ. ಇವೆಲ್ಲದರ ನಡುವೆ, ಕರೊನಾದ ಮತ್ತೊಂದು ಕರಾಳಮುಖವನ್ನು ಇನ್​​ಸ್ಟಾಗ್ರಾಂ ಸ್ಟೋರಿ ಮೂಲಕ ತೆರೆದಿಟ್ಟಿದ್ದಾರೆ ಚಿತ್ರನಟಿ ಕಾಜಲ್​. ಅವರು ಈ ಸ್ಟೋರಿಯನ್ನು ಹಾರ್ಟ್​ ಬ್ರೇಕಿಂಗ್ ಎಂದೂ ಉಲ್ಲೇಖಿಸಿದ್ದಾರೆ.

ಅವರು ಹೇಳಿರುವ ಕಥೆಯ ಸಾರ ಇದು- ಕಳೆದ 48 ಗಂಟೆಗಳ ಅವಧಿಯಲ್ಲಿ ನಾನೇ ಆತನ ಮೊದಲ ಕಸ್ಟಮರ್ ಎಂದು ಹೇಳುತ್ತ ಕ್ಯಾಬ್​ ಚಾಲಕ ನನ್ನ ಎದುರು ಅತ್ತು ಬಿಟ್ಟ. ಆತ ಭಾವುಕನಾಗಲು ಕಾರಣವಿದೆ. ಕರೊನಾ ಸೋಂಕಿನ ಕಾರಣಕ್ಕೆ ಎಲ್ಲರೂ ಮನೆಯಲ್ಲಿ ಸುರಕ್ಷಿತವಾಗಿದ್ದಾರೆ. ನನ್ನದು ದಿನಗೂಲಿ ಕೆಲಸ. ಮನೆಗೆ ತರಕಾರಿ, ದಿನಸಿಯನ್ನು ಇಂದಾದರೂ ತೆಗೆದುಕೊಂಡು ಬರುತ್ತಾರೆ ಎಂಬ ನಿರೀಕ್ಷೆಯಲ್ಲಿದ್ದಾಳೆ ನನ್ನ ಪತ್ನಿ. ಈ ಕರೊನಾ ವೈರಸ್ ನಮ್ಮ ಬದುಕಿನ ಮೇಲೆ ಭಾರಿ ಹೊಡೆತವನ್ನೇ ಕೊಟ್ಟಿದೆ ಎಂದು ವಿವರಣೆಯನ್ನೂ ಕೊಟ್ಟ. ನಾನು ಆತನಿಗೆ ಹೆಚ್ಚುವರಿಯಾಗಿ 500 ರೂಪಾಯಿ ಕೊಟ್ಟೆ.. ನಿಜಕ್ಕೂ ಈ ಸನ್ನಿವೇಶ ಹಾರ್ಟ್​ ಬ್ರೇಕಿಂಗ್ ಎಂಬ ಷರಾವನ್ನೂ ಅವರು ಬರೆದಿದ್ದಾರೆ.

ದಿನೇದಿನೇ ಕರೊನಾ ಸೋಂಕು ಪೀಡಿತರ ಸಂಖ್ಯೆ ದೇಶಾದ್ಯಂತ ಹೆಚ್ಚಾಗುತ್ತಿದೆ. ಕರೊನಾ ಸೋಂಕು ಪೀಡಿತರ ಸಂಖ್ಯೆಯ ಪಟ್ಟಿಯಲ್ಲಿ ಮಹಾರಾಷ್ಟ್ರ ಮುಂಚೂಣಿಯಲ್ಲಿದೆ. ಕರ್ನಾಟಕ ನಾಲ್ಕನೇ ಸ್ಥಾನದಲ್ಲಿದೆ. (ಏಜೆನ್ಸೀಸ್)

https://www.vijayavani.net/viral-news-woman-mistakes-cheese-for-soap-washes-hands-with-it-for-days/