ಭಾರತದವರು ಏನು ಮಾಡುತ್ತಿದ್ದಾರೋ ಅದನ್ನೇ ನಕಲು ಮಾಡಿ ಸಾಕು; ಪಾಕ್​ ಮಾಜಿ ನಾಯಕನ ಸಲಹೆ ವೈರಲ್​

ನವದೆಹಲಿ: ಇತ್ತೀಚಿನ ವರ್ಷಗಳಲ್ಲಿ ಪಾಕಿಸ್ತಾನ ಕ್ರಿಕೆಟ್​ ತಂಡವು ಒಂದಿಲ್ಲೊಂದು ಕಾರಣಕ್ಕೆ ಸುದ್ದಿಯಾಗುತ್ತಿದ್ದು, ಒಳ್ಳೆಯ ಕೆಲಸಕ್ಕಿಂತ ಟೀಕೆಗೆ ಗುರಿಯಾಗಿದ್ದೆ ಹೆದ್ದು ಎಂದರೆ ತಪ್ಪಾಗಲಾರದು. ಏಕೆಂದರೆ ಇತ್ತೀಚಿಗೆ ಬಾಂಗ್ಲಾದೇಶ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಹೀನಾಯ ಸೋಲಿನ ಬಳಿಕ ತೀವ್ರ ಟೀಕೆಗೆ ಗುರಿಯಾಗಿರುವ ಪಾಕ್​ ಕ್ರಿಕೆಟ್​ ತಂಡದ ವಿರುದ್ಧ ಮಾಜಿ ನಾಯಕರು ಕಿಡಿಕಾರುತ್ತಿದ್ದು, ಭಾರತ ತಂಡವನ್ನು ಉದಾಹರಣೆಯಾಗಿ ನೀಡಿ ಮಾತನಾಡುತ್ತಿದ್ದಾರೆ.

ಪ್ರವಾಸಿ ಬಾಂಗ್ಲಾದೇಶ ವಿರುದ್ಧದ ಸೋಲಿನ ಕುರಿತು ಮಾತನಾಡಿರುವ ಮಾಜಿ ನಾಯಕ ಬಸಿತ್​ ಅಲಿ, ಟೆಸ್ಟ್​​ ಸರಣಿಯ ಬಳಿಕ ನಾವು ಚಾಂಪಿಯನ್ಸ್​ ಟ್ರೋಫಿಗೆ ಸಿದ್ಧತೆ ನಡೆಸಬೇಕಾಗಿದೆ. ನಮ್ಮವರು ಆಸ್ಟ್ರೇಲಿಯಾ, ನ್ಯೂಜಿಲೆಂಡ್​ ಹಾಗೂ ಇಂಗ್ಲೆಂಡ್​ ತಂಡ ಟೆಕ್ನಿಕ್​ಗಳನ್ನು ಅನುಸರಿಸುವ ಬದಲು ನೆರೆಯ ರಾಷ್ಟ್ರ ಭಾರತದಲ್ಲಿ ಪಾಲಿಸಲಾಗುವ ಅಂಶವನ್ನು ಕಾಪಿ ಮಾಡಿ. ನಕಲು ಮಾಡುವುದಕ್ಕೂ ಬುದ್ದಿವಂತಿಕೆ ಇರಬೇಕು.

ಭಾರತದವರು ಏನು ಮಾಡುತ್ತಾರೋ ಅದನ್ನು ನಕಲು ಮಾಡಿ. ಇನ್ನೇನು ಕೆಲವೇ ದಿನಗಳಲ್ಲಿ ದುಲೀಪ್​ ಟ್ರೋಫಿ ಆರಂಭವಾಗಲಿದೆ. ಇದು ಏಕದಿನ ಅಥವಾ ಟಿ20 ಪಂದ್ಯವಲ್ಲ. ಇದು ಟೆಸ್ಟ್​ ಪಂದ್ಯ. ತಮ್ಮ ನೆಲೆಯನ್ನು ಭದ್ರಪಡಿಸಿಕೊಳ್ಳುವ ನಿಟ್ಟಿನಲ್ಲಿ ಭಾರತದವರು ಈ ರೀತಿ ಮಾಡುತ್ತಿದ್ದು, ಅವರು ಕ್ರಿಕೆಟ್​ನಲ್ಲಿ ಯಶಸ್ವಿಯಾಗಿದ್ದಾರೆ. ನಮ್ಮವರು ಕೂಡ ಇದನ್ನು ಪಾಲಿಸಿದರೆ ಸಾಕು ಎಂದು ಹೇಳಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

https://www.vijayavani.net/mamata-banerjee-denies-threat-to-doctors-charge-clarifies-snake-remark

https://www.vijayavani.net/action-against-officers-for-darshan-wearing-cooling-glass-during-jail-entry