ಜೂನಿಯರ್ ಎನ್​ಟಿಆರ್ ಧರಿಸಿರುವ ಈ ಶರ್ಟ್​ನ ಬೆಲೆ ಕೇಳಿದ್ರೆ ನೀವು ಬೆರಗಾಗೋದು ಖಚಿತ! Jr NTR

Jr NTR : ಸೆಲೆಬ್ರಿಟಿಗಳದ್ದು ಐಷಾರಾಮಿ ಜೀವನ ಎಂಬುದು ಎಲ್ಲರಿಗೂ ತಿಳಿದಿರುವ ಸಂಗತಿ. ಚಿಕ್ಕ ವಾಚ್​ನಿಂದ ಹಿಡಿದು ದೊಡ್ಡ ಕಾರುಗಳವರೆಗೂ ಸೆಲೆಬ್ರಿಟಿಗಳು ಬಳಸುವ ವಸ್ತುಗಳೆಲ್ಲ ತುಂಬಾ ದುಬಾರಿಯಾಗಿರುತ್ತವೆ. ಒಮ್ಮೊಮ್ಮೆ ಅವರು ಬಳಸುವ ವಸ್ತುಗಳ ಬೆಲೆ ತಿಳಿದು ಹುಬ್ಬೇರಿಸಿರುತ್ತೇವೆ. ಇದೀಗ ಅಂಥದ್ದೇ ಮತ್ತೊಂದು ಸಂಗತಿ ಬೆಳಕಿಗೆ ಬಂದಿದೆ.

ಜೂನಿಯರ್ ಎನ್​ಟಿಆರ್ ಪ್ರಸ್ತುತ ಶೂಟಿಂಗ್​ನಲ್ಲಿ ಬಿಜಿಯಾಗಿದ್ದಾರೆ. ಇತ್ತೀಚೆಗಷ್ಟೇ ಅವರು 'ವಾರ್ 2' ಚಿತ್ರದ 2ನೇ ಭಾಗದ ಶೂಟಿಂಗ್​ನಲ್ಲಿ ಭಾಗವಹಿಸಿ ತಮ್ಮ ಚಿತ್ರೀಕರಣವನ್ನು ಪೂರ್ಣಗೊಳಿಸಿದ್ದಾರೆ.

ಎನ್​ಟಿಆರ್ ಮತ್ತು ಪ್ರಶಾಂತ್​ ನೀಲ್ ಕಾಂಬಿನೇಷನ್​ನಲ್ಲಿ ಮೂಡಿಬರಲಿರುವ ಸಿನಿಮಾದ ಶೂಟಿಂಗ್​ ಈ ತಿಂಗಳ 22 ರಿಂದ ಪ್ರಾರಂಭವಾಗಲಿದೆ. ಈಗಾಗಲೇ ಒಂದು ಶೆಡ್ಯೂಲ್​ ಪೂರ್ಣಗೊಂಡಿದೆ. ಏಪ್ರಿಲ್​ 22 ರಿಂದ ಪ್ರಾರಂಭವಾಗಲಿರುವ ಶೆಡ್ಯೂಲ್​ನಲ್ಲಿ ಜೂನಿಯರ್ ಎನ್​ಟಿಆರ್ ಭಾಗವಹಿಸಲಿದ್ದಾರೆ. ಸದ್ಯ ವಿರಾಮದಲ್ಲಿದ್ದ ಎನ್​ಟಿಆರ್ ತಮ್ಮ ಕುಟುಂಬದೊಂದಿಗೆ ದುಬೈಗೆ ರಜೆಯ ಮೇಲೆ ತೆರಳಿದ್ದಾರೆ.

ಇದನ್ನೂ ಓದಿ: ಹಳ್ಳಿಯಿಂದ ಬಂದ ಮುತ್ತಣ್ಣ ‘ಮೇಯರ್’ ಆದ: ವಿಪರೀತ ಜ್ವರದ ನಡುವೆಯೂ ಶೂಟಿಂಗ್ ಮುಂದುವರಿಸಿದ್ದ ಡಾ.ರಾಜ್

ಈ ಪ್ರವಾಸದ ಸಂದರ್ಭದಲ್ಲಿ ಎನ್​ಟಿಆರ್​ ತಂಗಿದ್ದ ಹೋಟೆಲ್ ಸಿಬ್ಬಂದಿ ಅವರೊಂದಿಗೆ ಫೋಟೋ ತೆಗೆಸಿಕೊಂಡರು. ಆ ಫೋಟೋದಲ್ಲಿ ಜೂನಿಯರ್ ಎನ್​ಟಿಆರ್​ ಧರಿಸಿರುವ ಶರ್ಟ್ ಎಟ್ರೋ ಕಂಪನಿಯದ್ದಾಗಿದ್ದು, ಅದರ ಬೆಲೆ ಬರೋಬ್ಬರಿ 85 ಸಾವಿರ ರೂಪಾಯಿಗಳು ಎಂಬುದನ್ನು ನೆಟ್ಟಿಗರು ಪತ್ತೆಹಚ್ಚಿದ್ದಾರೆ. ಬೆಲೆ ಕೇಳಿ ಅನೇಕ ಮಂದಿ ಬೆರಗಾಗಿದ್ದು, ತರಹೇವಾರಿ ಕಾಮೆಂಟ್​ಗಳ ಮೂಲಕ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.

ಕೆಲವರು "ಅದು ನಮ್ಮ ಎರಡು ತಿಂಗಳ ಸಂಬಳ" ಎಂದು ಕಾಮೆಂಟ್ ಮಾಡುತ್ತಿದ್ದರೆ. ಇನ್ನು ಕೆಲವರು ಜೂನಿಯರ್ ಎನ್​ಟಿಆರ್ ನಂತಹ ಸ್ಟಾರ್​ ನಟ ಇಷ್ಟೊಂದು ದುಬಾರಿಯಾದ ಬಟ್ಟೆ ಧರಿಸುವುದರಲ್ಲಿ ಏನು ತಪ್ಪಿದೆ? ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಒಟ್ಟಾರೆಯಾಗಿ, ಸಾಮಾಜಿಕ ಜಾಲತಾಣದಲ್ಲಿ ಈ ಶರ್ಟ್ ಬಗ್ಗೆ ದೊಡ್ಡ ಚರ್ಚೆ ನಡೆಯುತ್ತಿದೆ.

ದುಬೈ ರಜೆಯಿಂದ ಹಿಂದಿರುಗಿದ ತಕ್ಷಣ, ಜೂನಿಯರ್ ಎನ್​ಟಿಆರ್ ಆವರು ಪ್ರಶಾಂತ್ ನೀಲ್ ನಿರ್ದೇಶನದಲ್ಲಿ ತಯಾರಾಗುತ್ತಿರುವ 'ಡ್ರ್ಯಾಗನ್' ಚಿತ್ರದ ಚಿತ್ರೀಕರಣಕ್ಕೆ ಸೇರಿಕೊಳ್ಳಲಿದ್ದಾರೆ. (ಏಜೆನ್ಸೀಸ್​)

https://www.vijayavani.net/betting-addiction-father-take-care-of-my-children-i-am-dying

https://www.vijayavani.net/felt-like-toilet-paper-singapore-woman-shares-employees-brutal-resignation-note