‘‘ಟ್ರಂಪ್ ಇದೇ ನವೆಂಬರ್‌ನಲ್ಲಿ ಚುನಾವಣೆ ಎದುರಿಸಬೇಕಿದೆ. ಸದ್ಯಕ್ಕೆ ಅಮೆರಿಕದ ಆರ್ಥಿಕತೆ ಡೋಲಾಯಮಾನವಾಗಿದೆ. ಈ ಹಂತದಲ್ಲಿ ಟ್ರಂಪ್ ಯಾವುದೇ ದೇಶವನ್ನು ವ್ಯಾಪಾರದ, ಲಾಭದ ದೃಷ್ಟಿಯಿಂದಲೇ ನೋಡುತ್ತಾರೆ. ಹಾಗಾಗಿಯೇ ಅವರು ಚೀನಾದಲ್ಲಿ ಉಯ್ಘರ್ ಮುಸ್ಲಿಮರನ್ನು ಶೋಷಿಸುತ್ತಿರುವುದರ ಕುರಿತು, ಹಾಂಗ್‌ಕಾಂಗ್‌ಮೇಲಿನ ದಬ್ಬಾಳಿಕೆ ಬಗ್ಗೆ ಹೆಚ್ಚು ಮಾತನಾಡುವುದಿಲ್ಲ. ಈಗಾಗಲೇ ಈ ಸಲದ ಚುನಾವಣೆ ಪ್ರಚಾರ ಅವರಿಗೆ ಕಠಿಣವಾಗುತ್ತಿದೆ. ಇಂತಹ ಸಂದರ್ಭದಲ್ಲಿ ಭಾರತವನ್ನಾಗಲಿ, ಚೀನಾದವರನ್ನಾಗಲಿ ಎದುರು ಹಾಕಿಕೊಳ್ಳುವುದಕ್ಕೆ ಟ್ರಂಪ್ ಮುಂದಾಗುವುದಿಲ್ಲ. ಬದಲಿಗೆ ಅವೆರಡು ದೇಶಗಳ ಗಡಿ ವಿವಾದ ತಣ್ಣಗಾಗಲಿ ಎಂದೇ ಬಯಸುತ್ತಾರೆ’’ ಎಂದು ಬೋಲ್ಟನ್ ವಿವರಿಸಿದ್ದಾರೆ.
