ಅರ್ಜುನ್​ಗೆ ಅಜ್ಜ-ಅಜ್ಜಿಯಾದರು ಜಾನ್​ ಮತ್ತು ಅದಿತಿ ... ಯಾವ ಚಿತ್ರ ಗೊತ್ತಾ?

ಲಾಕ್​ಡೌನ್​ ಮುಗಿದು ಹಲವು ದಿನಗಳಾದರೂ, ಅದೇನೋ ಬಾಲಿವುಡ್​ ಮಂದಿ ಮಾತ್ರ ಅದರಿಂದ ಹೊರಬರುವಂತೆ ಕಾಣುತ್ತಿಲ್ಲ. ಇನ್ನೂ ಮನೆಯಲ್ಲೇ ಕುಳಿತಿರುವ ಹಲವರು, ಅದ್ಯಾಕೋ ಚಿತ್ರೀಕರಣ ಪ್ರಾರಂಭಿಸುವ ಮನಸ್ಸೇ ಮಾಡುತ್ತಿಲ್ಲ.

ಹೀಗಿರುವಾಗಲೇ, ಜಾನ್​ ಅಬ್ರಹಾಂ ಮತ್ತು ಅದಿತಿ ರಾವ್​ ಹೈದರಿ ಇಬ್ಬರೂ ಹೊಸ ಚಿತ್ರವೊಂದರ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಈಗಾಗಲೇ ಸೋಮವಾರದಿಂದ ಚಿತ್ರೀಕರಣ ಪ್ರಾರಂಭವಾಗಿದ್ದು, ಸುಮಾರು ಹತ್ತು ದಿನಗಳ ಕಾಲ ಚಿತ್ರೀಕರಣ ನಡೆಯಲಿದೆ. ಜಾನ್​ ಮತ್ತು ಅದಿತಿ ಅವರ ಫಸ್ಟ್​ ಲುಕ್​ ಸಹ ಬಿಡುಗಡೆಯಾಗಿದೆ.

ಇದನ್ನೂ ಓದಿ: Photos: ಕೆಜಿಎಫ್ ಚಿತ್ರದ ಮೊದಲ ದಿನದ ಶೂಟಿಂಗ್​ ಫೋಟೋಗಳು ಇಲ್ಲಿವೆ…

ಅಂದಹಾಗೆ, ಈ ಹೆಸರಿಡದ ಚಿತ್ರದ ಹೀರೋ ಜಾನ್​ ಅಬ್ರಹಾಂ ಅಲ್ಲ ಎಂಬುದು ಗೊತ್ತಿರಲಿ. ಈ ಚಿತ್ರದಲ್ಲಿ ಅರ್ಜುನ್​ ಕಪೂರ್​ ನಾಯಕನಾಗಿ ನಟಿಸಿದ್ದು, ಅವರ ಅಜ್ಜ-ಅಜ್ಜಿಯಾಗಿ ಜಾನ್​ ಮತ್ತು ಅದಿತಿ ನಟಿಸುತ್ತಿದ್ದಾರಂತೆ. ಹಾಗಂತ ಈ ಮೂವರೂ ಮುಖಾಮುಖಿಯಾಗುವುದಿಲ್ಲವಂತೆ. ಏಕೆಂದರೆ, ಜಾನ್​ ಮತ್ತು ಅದಿತಿ ಅವರ ಎಪಿಸೋಡ್​, ಫ್ಲಾಶ್​ಬ್ಯಾಕ್​ನಲ್ಲಿ ಬರುತ್ತದಂತೆ.

ವಿಶೇಷವೆಂದರೆ, ಇವರಿಬ್ಬರ ಟ್ರ್ಯಾಕ್​ 40ರ ದಶಕದ್ದಾಗಿದ್ದು, ಸ್ವಾತಂತ್ರ್ಯ ಸಂಗ್ರಾಮದ ಸಂದರ್ಭದಲ್ಲಿ ನಡೆಯುವ ಕಥೆಯಾಗಿರುತ್ತದಂತೆ. ಚಿತ್ರದ ಒಂದು ಭಾಗದಲ್ಲಿ ಜಾನ್​ ಮತ್ತು ಅದಿತಿ ಅವರ ಟ್ರ್ಯಾಕ್​ ಬರಲಿದ್ದು, ಚಿತ್ರದ ಹೈಲೈಟ್​ ಆಗಿರುತ್ತದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಗಂಡಸರಿಗೆ ಮಕ್ಕಳಾಗೊ ಕಾಲ ಬಂತಯ್ಯ …

ಈ ಚಿತ್ರದಲ್ಲಿ ಜಾನ್​ ಅಬ್ರಹಾಂ ವಿಶೇಷ ಪಾತ್ರ ಮಾಡುತ್ತಿರುವುದಷ್ಟೇ ಅಲ್ಲ, ಚಿತ್ರದ ನಿಮಾರ್ಪಕರಲ್ಲೊಬ್ಬರು. ಈ ಕಥೆಯ ಫ್ಲಾಶ್​ಬ್ಯಾಕ್​ ಎಪಿಸೋಡ್​ನಲ್ಲಿ ಒಂದು ಅದ್ಭುತ ಪಾತ್ರವಿದೆ ಮತ್ತು ಅದನ್ನು ನೀವೇ ಮಾಡಬೇಕು ಎಂದು ನಿರ್ದೇಶಕರು ಹೇಳಿದಾಗ, ಜಾನ್​ ತಕ್ಷಣವೇ ಒಪ್ಪಿಕೊಂಡರಂತೆ.

ಈ ಚಿತ್ರದಲ್ಲಿ ಅರ್ಜುನ್​ಗೆ ನಾಯಕಿಯಾಗಿ ರಾಕುಲ್​ ಪ್ರೀತ್​ ಸಿಂಗ್​ ನಟಿಸುತ್ತಿದ್ದು, ಇದೊಂದು ಕ್ರಾಸ್​ ಬಾರ್ಡರ್​ ಲವ್​ಸ್ಟೋರಿಯಾಗಿರುತ್ತದೆ ಎಂದು ಹೇಳಲಾಗುತ್ತಿದೆ.

https://www.vijayavani.net/sushant-lookalike-sachin-tiwari-gets-legal-notice/