'ಸೂರ್ಯ 42' ಚಿತ್ರದ ಹಿಂದಿ ಅವತರಣಿಕೆಗೆ 100 ಕೋಟಿ ಕೊಟ್ಟರಂತೆ 'RRR' ವಿತರಕ!

ಮುಂಬೈ; ದಕ್ಷಿಣ ಚಿತ್ರರಂಗದ ಸ್ಟಾರ್​ ಚಿತ್ರಗಳಿಗೆ ಉತ್ತರ ಭಾರತದಲ್ಲಿ ದೊಡ್ಡ ಬೇಡಿಕೆ ಇದೆ. ಹಾಗಾಗಿಯೇ, ದಕ್ಷಿಣದ ಚಿತ್ರಗಳ ಹಿಂದಿ ಅವತರಣಿಕೆಗಳನ್ನು ಕೋಟಿ ಕೋಟಿ ಕೊಟ್ಟು ತೆಗೆದುಕೊಳ್ಳಲಾಗುತ್ತಿದೆ. ಈಗ ಸೂರ್ಯ ಅಭಿನಯದ ಹೊಸ ಚಿತ್ರವು ಈ ವಿಷಯದಲ್ಲಿ ಹೊಸ ದಾಖಲೆಯನ್ನೇ ಮಾಡಿದೆ.

ಇದನ್ನೂ ಓದಿ: ‘ಛೂ ಮಂತರ್​’ ಮೂಲಕ ತಮ್ಮ ಆಸೆ ತೀರಿಸಿಕೊಂಡ ಶರಣ್​ …

ಶಿವ ನಿರ್ದೇಶನದಲ್ಲಿ ಸೂರ್ಯ ಹೊಸದೊಂದು ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇದು ಸಹ 'ಬಾಹುಬಲಿ' ತರಹದ ಕಾಸ್ಟ್ಯೂಮ್​ ಡ್ರಾಮಾ. ಇದೊಂದು ಪ್ಯಾನ್​ ಇಂಡಿಯಾ ಚಿತ್ರವಾಗಿದ್ದು, ಸೂರ್ಯಗೆ ನಾಯಕಿಯಾಗಿ ಬಾಲಿವುಡ್​ ನಟಿ ದಿಶಾ ಪಟಾಣಿ ನಟಿಸುತ್ತಿದ್ದಾರೆ. ಈ ಚಿತ್ರದ ಹಿಂದಿ ಸ್ಯಾಟಿಲೈಟ್​, ಡಿಜಿಟಲ್​ ಮತ್ತು ವಿತರಣೆಯ ಹಕ್ಕುಗಳು ಎಷ್ಟಕ್ಕೆ ವ್ಯಾಪಾರವಾಗಿದೆ ಗೊತ್ತಾ? ಮೂಲಗಳ ಪ್ರಕಾರ 100 ಕೋಟಿ ರೂ.ಗಳಿಗಂತೆ.

ಹೌದು, ಬಾಲಿವುಡ್​ನ ಖ್ಯಾತ ನಿರ್ಮಾಪಕ ಮತ್ತು ವಿತರಕ ಜಯಂತಿಲಾಲ್​ ಗಡ ಈ ಹಿಂದೆ ರಾಜಮೌಳಿ ನಿರ್ದೇಶನದ 'RRR' ಚಿತ್ರವನ್ನು ದೊಡ್ಡ ಮೊತ್ತಕ್ಕೆ ಖರೀದಿಸಿದ್ದಷ್ಟೇ ಅಲ್ಲ, ಒಳ್ಳೆಯ ಲಾಭವನ್ನೂ ಮಾಡಿದ್ದರು. ಈಗ ಅವರು , ಸೂರ್ಯ ಅಭಿನಯದ ಹೊಸ ಚಿತ್ರದ ಹಿಂದಿ ಸ್ಯಾಟಿಲೈಟ್​, ಡಿಜಿಟಲ್​ ಮತ್ತು ವಿತರಣೆಯ ಹಕ್ಕುಗಳನ್ನು 100 ಕೋಟಿ ರೂ.ಗಳಿಗೆ ಖರೀದಿಸಿದ್ದಾರಂತೆ. ಹಾಗಂತ ಅವರೇನು ಹೇಳಿಕೊಂಡಿಲ್ಲ. ಹಾಗೆಯೇ ಚಿತ್ರತಂಡದವರು ಸಹ ಈ ಬಗ್ಗೆ ಮಾತನಾಡಿಲ್ಲ. ಆದರೆ, ಇಂಥದ್ದೊಂದು ಸುದ್ದಿಯೊಂದು ಬಾಲಿವುಡ್​ ಮತ್ತು ಕಾಲಿವುಡ್​ಗಳಲ್ಲಿ ಜೋರಾಗಿ ಕೇಳಿ ಬರುತ್ತಿದೆ.

ಈ ಹಣ ಸ್ವಲ್ಪ ಜಾಸ್ತಿಯಾಗಲಿಲ್ಲವಾ? ಎಂಬ ಪ್ರಶ್ನೆ ಸಹಜ. ಏಕೆಂದರೆ, ಸೂರ್ಯ ಅಭಿನಯದ ಚಿತ್ರವೊಂದು ಇದುವರೆಗೂ ಉತ್ತರ ಭಾರತದಲ್ಲಿ ದೊಡ್ಡ ಮಟ್ಟದಲ್ಲಿ ಬಿಡುಗಡೆಯಾಗಿರಲಿಲ್ಲ. ಆದರೆ, ಸೂರ್ಯ ಅಭಿನಯದ ಚಿತ್ರಕ್ಕೆ ಓಟಿಟಿ ಮತ್ತು ಕಿರುತೆರೆಯಲ್ಲಿ ದೊಡ್ಡ ಬಬೇಡಿಕೆ ಇದೆಯಂತೆ. ಹಾಗಾಗಿ, ಎಲ್ಲ ಹಕ್ಕುಗಳನ್ನು ಜಯಂತಿಲಾಲ್​ ಗಡ ಖರೀದಿಸಿದ್ದು, ಅವರು ಇನ್ನಷ್ಟು ಹೆಚ್ಚಿನ ಮೊತ್ತಕ್ಕೆ ಬೇರೆಯವರಿಗೆ ಮಾರಿಕೊಳ್ಳುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಅಣ್ಣಯ್ಯಪ್ಪನಾದ ರವಿಚಂದ್ರನ್​; ಸಖತ್​ ಸ್ಟೈಲಿಶ್​ ಅವತಾರದಲ್ಲಿ ‘ಕ್ರೇಜಿ ಸ್ಟಾರ್​’

ಇನ್ನೂ ಹೆಸರಿಡದ ಈ ಚಿತ್ರವು 3ಡಿಯಲ್ಲಿ ತಯಾರಾಗುತ್ತಿರುವುದಷ್ಟೇ ಅಲ್ಲ, 10 ಭಾಷೆಗಳಿಗೆ ಏಕಕಾಲಕ್ಕೆ ಬಿಡುಗಡೆಯಾಗುತ್ತಿರುವುದು ವಿಶೇಷ.

https://www.vijayavani.net/the-money-top-6-ott-indian-platforms-spent-for-original-content-in-india/