ಮುಂಬೈ: ಬಾಲಿವುಡ್ ಬಾದ್ಷಾ ಶಾರುಖ್ ಖಾನ್ ನಟನೆಯ ಬಹು ನಿರೀಕ್ಷಿತ ಜವಾನ್ ಚಿತ್ರವು ಗುರುವಾರ ವಿಶ್ವದಾದ್ಯಂತೆ ತೆರೆ ಕಂಡಿದ್ದು, ಭರ್ಜರಿ ಒಪನಿಂಗ್ ಪಡೆದುಕೊಂಡಿದೆ.
ಚಿತ್ರ ಬಿಡುಗಡೆಯಾದ ಒಂದೇ ದಿನದಲ್ಲಿ 129.6 ಕೋಟಿ ಕಲೆಕ್ಷನ್ ಮಾಡುವ ಮೂಲಕ ಬಾಲಿವುಡ್ ಇತಿಹಾಸದಲ್ಲೇ ಶಾರುಖ್ ನಟನೆಯ ಸಿನಿಮಾ ಹೊಸ ದಾಖಲೆ ಬರೆದಿದೆ.
ಇದನ್ನೂ ಓದಿ: ಘೋಸಿ ಉಪಚುನಾವಣೆ ಗೆಲುವು; ಇಲ್ಲಿಂದಲ್ಲೇ ಬಿಜೆಪಿಯ ಪತನ ಆರಂಭವೆಂದ ಅಖಿಲೇಶ್ ಯಾದವ್
ಈ ಕುರಿತು ಸಾಮಾಜಿಕ ಜಾಲತಾಣ ಎಕ್ಸ್ನಲ್ಲಿ ಬರೆದುಕೊಂಡಿರುವ ನಿರ್ಮಾಣ ಸಂಸ್ಥೆ ಇಷ್ಟು ದೊಡ್ಡ ಮಟ್ಟದಲ್ಲಿ ಪ್ರೀತಿ ನೀಡಿದ್ದಕ್ಕೆ ಧನ್ಯವಾದಗಳು. ಇದು ಕೇವಲ ಆರಂಭ ಮಾತ್ರ. ಹಿಂದಿ ಚಿತ್ರರಂಗದ ಇತಿಹಾಸದಲ್ಲೇ ಅತ್ಯಧಿಕೆ ಗಳಿಕೆ ಕಂಡ ಮೊದಲ ಚಿತ್ರ ಎಂಬ ಪೋಸ್ಟರ್ಅನ್ನು ಸಹ ರೆಡ್ ಚಿಲ್ಲೀಸ್ ನಿರ್ಮಾಣ ಸಂಸ್ಥೆ ಹಂಚಿಕೊಂಡಿದೆ.
ಚಿತ್ರ ವಮರ್ಶಕ ತರಣ್ ಆದರ್ಶ್ ಜವಾನ್ ಚಿತ್ರದ ವಿದೇಶಿ ಗಳಿಕೆಯ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ಆಸ್ಟ್ರೇಲಿಯಾದಲ್ಲಿ 2.11 ಕೋಟಿ, ನ್ಯೂಜಿಲೆಂಡ್ನಲ್ಲಿ 39.13 ಲಕ್ಷ, ಜರ್ಮನಿಯಲ್ಲಿ 1.3 ಕೋಟಿ, ಬ್ರಿಟನ್ನಲ್ಲಿ 2.16 ಕೋಟಿ ರೂಪಾಯಿ ಗಳಿಕೆ ಕಂಡಿದೆ. ಆಂತರಾಷ್ಟ್ರೀಯ ಬಾಕ್ಸ್ಆಫೀಸ್ನಲ್ಲಿ ಜವಾನ್ ಚಿತ್ರ ಉತ್ತಮ ಗಳಿಕೆ ಮೂಲಕ ವಿದೇಶಗಳಲ್ಲಿಯೂ ಶಾರುಖ್ ಖಾನ್ ತಮ್ಮ ಸಾರ್ವಭೌಮತೆಯನ್ನು ಸಾಬೀತು ಮಾಡಿದ್ದಾರೆ ಎಂದು ತರಣ್ ಆದರ್ಶ್ ಹೇಳಿದ್ದಾರೆ.