ಜಾಂಡೀಸ್​ಗೆ ನಟ ಸಂತೋಷ್​ ನಿಧನ! ಎಷ್ಟು ಅಪಾಯಕಾರಿ ಈ ಕಾಯಿಲೆ? ರೋಗ-ಲಕ್ಷಣಗಳೇನು? ಇಲ್ಲಿದೆ ಮಾಹಿತಿ | Jaundice

Jaundice: ಇತ್ತೀಚೆಗಷ್ಟೇ ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದ ಕನ್ನಡ ಚಿತ್ರರಂಗದ ನಟ ಸಂತೋಷ್ ಬಾಲರಾಜ್​ ಕೊನೆಯುಸಿರೆಳೆದರು. ಜಾಂಡೀಸ್​ ಕಾಯಿಲೆಗೆ ತುತ್ತಾಗಿದ್ದ ಸಂತೋಷ್​, ಆರಂಭದಲ್ಲಿ ಚೆನ್ನಾಗಿಯೇ ಇದ್ದರು. ಆದರೆ, ಜಾಂಡೀಸ್​ ವಿಪರೀತಗೊಂಡು ದೇಹವನ್ನು ಹರಡಿದ ಬೆನ್ನಲ್ಲೇ ಅವರು ಕೋಮಾಗೆ ಜಾರಿದ್ದರು. ಇದು ಅವರ ಪ್ರಾಣವನ್ನೇ ಕಸಿದಿದ್ದು ನಿಜಕ್ಕೂ ದುರಂತ. ಜಾಂಡೀಸ್​ ಅಪಾಯಕಾರಿಯಲ್ಲ ಎಂಬ ಭಾವನೆ ಕೆಲವರಲ್ಲಿದೆ. ಹೀಗಾಗಿ ಆರಂಭದಲ್ಲಿ ಕಾಣಿಸಿಕೊಳ್ಳುವ ಲಕ್ಷಣಗಳನ್ನು ನಿರ್ಲಕ್ಷಿಸುತ್ತಾರೆ. ಹಾಗಾದ್ರೆ, ಜಾಂಡೀಸ್​ ಅಪಾಯಕಾರಿಯಲ್ಲವೇ? ಈ ಕಾಯಿಲೆ ಬಂದರೆ ದೇಹದಲ್ಲಿ ಏನೆಲ್ಲ ಬದಲಾವಣೆ ಆಗುತ್ತೆ? ಗುರುತಿಸುವುದು ಹೇಗೆ? ಈ ರೋಗ ಬರಲು ಕಾರಣಗಳೇನು? ಎಂಬುದರ ಉಪಯುಕ್ತ ಮಾಹಿತಿ ಇಲ್ಲಿದೆ ತಿಳಿಯಿರಿ.

ಇದನ್ನೂ ಓದಿ: ರೆಪೋ ದರದಲ್ಲಿ ಯಾವುದೇ ಬದಲಾವಣೆ ಇಲ್ಲ; ಶೇ. 5.5 ಬಡ್ಡಿದರ ಯಥಾಸ್ಥಿತಿ ಎಂದ ಆರ್​ಬಿಐ| RBI Repo Rate

ಏನೀ ಕಾಯಿಲೆ?

ಜಾಂಡೀಸ್ (ಕಾಮಾಲೆ) ಎಂಬುದು ಒಂದು ಭಯಾನಕ ಕಾಯಿಲೆಯೇ. ಇದು ರಕ್ತದಲ್ಲಿ ಬಿಲಿರುಬಿನ್ (bilirubin) ಮಟ್ಟ ಹೆಚ್ಚಾಗುವುದರಿಂದ ಕಾಡುತ್ತದೆ. ಚರ್ಮ, ಕಣ್ಣಿನ ಸ್ಕ್ಲೆರಾ (ಕಣ್ಣಿನ ಬಿಳಿ ಭಾಗ) ಮತ್ತು ಒಸಡುಗಳಲ್ಲಿ ಹಳದಿ ಬಣ್ಣವನ್ನು ತೋರಿಸುತ್ತದೆ. ಜಾಂಡೀಸ್‌ಗೆ ಇಂತಹದ್ದೇ ಕಾರಣ ಎಂದೇನಿಲ್ಲ. ಅದಕ್ಕೆ ಹಲವು ಕಾರಣಗಳಿವೆ. ಬಿಲಿರುಬಿನ್ ಎಂಬ ರಾಸಾಯನಿಕ ಬಣ್ಣದಲ್ಲಿ ಹಳದಿಯಾಗಿದ್ದು, ರಕ್ತದ ಹರಿವಿನಲ್ಲಿ ಹೆಚ್ಚಾದರೆ ಸೋಂಕು ವೇಗವಾಗಿ ಹರಡುತ್ತದೆ. ಇದು ಕಣ್ಣು, ಚರ್ಮ ಮತ್ತು ಬಾಯಿಯ ಒಳ ಭಾಗವನ್ನು ಹಳದಿ ಬಣ್ಣಕ್ಕೆ ತಿರುಗಿಸುತ್ತದೆ.

ಲಿವರ್ ಕ್ಯಾನ್ಸರ್ ಅಥವಾ ಇತರೆ ರೋಗಗಳು

• ರಕ್ತದ ಕೆಂಪು ಕೋಶಗಳು (RBC) ಅತಿಯಾಗಿ ಒಡೆಯುವುದರಿಂದ (ಹಿಮೋಲಿಟಿಕ್ ಅನೀಮಿಯಾ) ಬಿಲಿರುಬಿನ್ ಉತ್ಪಾದನೆ ಹೆಚ್ಚಾಗಬಹುದು.
• ಪಿತ್ತನಾಳದ ಅಡಚಣೆ: ಪಿತ್ತರಸದ ಹರಿವನ್ನು ತಡೆಯುವ ಪಿತ್ತಕಲ್ಲುಗಳು, ಗೆಡ್ಡೆಗಳು ಅಥವಾ ಪಿತ್ತನಾಳದ ತಡೆಗಟ್ಟುವಿಕೆಯಿಂದ ಜಾಂಡೀಸ್ ಕಾಡಬಹುದು.
• ಗಿಲ್ಬರ್ಟ್ ಸಿಂಡ್ರೋಮ್ ಅಥವಾ ಕ್ರಿಗ್ಲರ್-ನಜ್ಜರ್ ಸಿಂಡ್ರೋಮ್‌ನಂತಹ ಆನುವಂಶಿಕ ಸ್ಥಿತಿಗಳು ಬಿಲಿರುಬಿನ್ ಸಂಸ್ಕರಣೆಯನ್ನು ತೊಂದರೆಗೊಳಿಸಬಹುದು.
• ಇನ್ನಿತರ ಕಾರಣಗಳು: ಕೆಲವು ಔಷಧಿಗಳ ಬಳಕೆ ಹೆಚ್ಚು, ಸೋಂಕು, ಆಲ್ಕೊಹಾಲ್ ಸೇವನೆ ಅಥವಾ ಆಟೋಇಮ್ಯೂನ್ ಕಾಯಿಲೆಗಳು.

ಇದನ್ನೂ ಓದಿ: ರಾಜ್ಯದ ಬಡ ವಿದ್ಯಾರ್ಥಿನಿಗೆ ‘ಸೆಂಚುರಿ ಸ್ಟಾರ್’ ನೆರವು; ರಿಷಭ್ ಪಂತ್​ ಸಹಾಯಕ್ಕೆ ಕುಟುಂಬ ಆಭಾರಿ | Rishabh Pant

ಜಾಂಡೀಸ್ ಪತ್ತೆಹಚ್ಚುವುದು ಹೇಗೆ?

• ಜ್ವರ, ಚಳಿಜ್ವರ
• ಚರ್ಮ ಮತ್ತು ಕಣ್ಣುಗಳ ಹಳದಿ ಬಣ್ಣಕ್ಕೆ ತಿರುಗುವಿಕೆ
• ಗಾಢವಾದ ಮೂತ್ರ (ಬೂದಿ ಬಣ್ಣ)
• ಮಲದ ಬಣ್ಣ ಬದಲು
• ವಿಪರೀತ ಆಯಾಸ, ಆಗಾಗ್ಗೆ ಹೊಟ್ಟೆನೋವು

ಚಿಕಿತ್ಸೆ ಏನು?

ಮೇಲ್ಕಂಡ ಯಾವುದೇ ಸೋಂಕುಗಳು ಅಥವಾ ರೋಗ-ಲಕ್ಷಣಗಳು ಕಾಣಿಸಿಕೊಂಡರೆ, ಹೆಚ್ಚು ಸಮಯ ವ್ಯರ್ಥ ಮಾಡದೆ ವೈದ್ಯರ ಬಳಿ ತೋರಿಸಿಕೊಳ್ಳಿ. ಇದರಿಂದ ಉಲ್ಬಣಿಸುವ ಸಮಸ್ಯೆಯನ್ನು ಶೀಘ್ರವೇ ಅಪಾಯ ಹಂತದಿಂದ ಬಚಾವ್ ಮಾಡಬಹುದು. ಇದಕ್ಕೆ ಆರಂಭಿಕ ಹಂತದಲ್ಲಿ ಅವಕಾಶಗಳು ಹೆಚ್ಚು. ವೈದ್ಯರು, ಜಾಂಡೀಸ್‌ಗೆ ಸೂಕ್ತ ಕಾರಣವನ್ನು ಗುರುತಿಸಿ ಚಿಕಿತ್ಸೆ ಕೊಡಲಾಗುತ್ತದೆ.

ಸೇವಿಸುವ ಆಹಾರದ ಮೇಲೆ ನಿಗಾ!

ಹೊರಗಿನ ಆಹಾರಗಳು ಅಂದರೆ ರಸ್ತೆಬದಿಯಲ್ಲಿ ಸಿಗುವ ಚಾಟ್ಸ್​ಗಳನ್ನು ಆದಷ್ಟು ಕಡಿತಗೊಳಿಸಿ. ಶುಚಿಯಾಗಿ ನೀಡುವಲ್ಲಿ ಸೇವಿಸುವುದು ಉತ್ತಮ. ನೀರಿನಿಂದ ತಯಾರಿಸಲ್ಪಟ್ಟ ಆಹಾರಗಳ ಬಗ್ಗೆ ಹೆಚ್ಚು ಜಾಗೃತೆ. ತರಕಾರಿ, ಹಣ್ಣುಗಳನ್ನು ಸರಿಯಾಗಿ ತೊಳೆದು, ಆ ನಂತರ ಬಳಕೆ ಮಾಡುವುದು ಉತ್ತಮ. ಮುಖ್ಯವಾಗಿ ಇದು ಲಿವರ್​ಗೆ ಸಂಬಂಧಿಸಿದ ಕಾಯಿಲೆ ಆದ ಕಾರಣ, ಮದ್ಯಪಾನ ತ್ಯಜಿಸುವುದು ಒಳಿತು ಮತ್ತು ವೈದ್ಯರ ಸಲಹೆ ಪಡೆಯುವುದು ಉತ್ತಮ,(ಏಜೆನ್ಸೀಸ್).

https://www.vijayavani.net/rishabh-pant-helps-bagalkot-student