ಹೈದರಾಬಾದ್: ಬಾಲಿವುಡ್ ನಟಿ ಜಾನ್ವಿ ಕಪೂರ್ ಹಿಂದಿ ಚಿತ್ರರಂಗದಲ್ಲಿ ಅನೇಕ ಸೂಪರ್ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ಬಿ ಟೌನ್ನಲ್ಲಿ ಹೆಸರು ಗಳಿಸಿದ ನಂತರ ಜಾನ್ವಿ ಈಗ ದಕ್ಷಿಣ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಅಂದಹಾಗೆ ಜಾನ್ವಿ ಶೀಘ್ರದಲ್ಲೇ ಜೂನಿಯರ್ ಎನ್ಟಿಆರ್ ಅವರ ಮುಂಬರುವ ಚಿತ್ರ ‘ದೇವರ ಭಾಗ 1’ ಮೂಲಕ ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಲಿದ್ದಾರೆ. ಕೊರಟಾಲ ಶಿವ ನಿರ್ದೇಶಿಸಲಿರುವ ಈ ಚಿತ್ರದಲ್ಲಿ ಸೈಫ್ ಅಲಿ ಖಾನ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ. ಶೀಘ್ರದಲ್ಲೇ ದೊಡ್ಡ ತೆರೆಗೆ ಬರಲು ದೇವರ ಸಿದ್ಧವಾಗಿದೆ. ಹೀಗಿರುವಾಗ ಜಾನ್ವಿ ಕಪೂರ್ ಚಿತ್ರಕ್ಕೆ ಸಂಬಂಧಿಸಿದಂತೆ ತಮಾಷೆಯ ಅನುಭವವನ್ನು ಹಂಚಿಕೊಂಡಿದ್ದಾರೆ.
ಸಿನಿಮಾದಲ್ಲಿ ಜಾನ್ವಿ ಹೊಸ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದು, ‘ತಂಗಂ’ ಎಂಬ ಹಳ್ಳಿ ಹುಡುಗಿಯ ಪಾತ್ರ ನಿರ್ವಹಿಸಿದ್ದಾರೆ. ಆದರೆ ಜಾನ್ವಿಗೆ ಚಿತ್ರದ ಶೂಟಿಂಗ್ ತುಂಬಾ ಕಷ್ಟಕರವಾಗಿತ್ತಂತೆ. ಇದನ್ನು ಜಾನ್ವಿ ತಮ್ಮ ಇತ್ತೀಚಿನ ಸಂದರ್ಶನದಲ್ಲಿ ಬಹಿರಂಗಪಡಿಸಿದ್ದಾರೆ. ವರದಿ ಪ್ರಕಾರ, ಜಾನ್ವಿಗೆ ತೆಲುಗು ಭಾಷೆ ಗೊತ್ತಿಲ್ಲ. ಇದರಿಂದಾಗಿ ಅವರು ಚಿತ್ರದ ಸಂಭಾಷಣೆಗಳನ್ನು ಹೇಳಲು ಸಾಕಷ್ಟು ತೊಂದರೆಗಳನ್ನು ಎದುರಿಸಿದರು.
ಜಾನ್ವಿ, “ನಾನು ಎಂದಿಗೂ ತೆಲುಗು ಕಲಿತಿಲ್ಲ. ಕೇಳಿದಾಗ ಅರ್ಥವಾಗುತ್ತದೆ. ಆದರೆ ನನಗೆ ತೆಲುಗು ಮಾತನಾಡಲು ಗೊತ್ತಿಲ್ಲ. ಹೌದು, ಈ ಬಗ್ಗೆ ನನಗೆ ಬಹಳ ಬೇಸರವಿದೆ. ಆದರೆ ಈ ವಿಷಯದಲ್ಲಿ ದೇವರ ತಂಡ ನನಗೆ ಸಾಕಷ್ಟು ಸಹಾಯ ಮಾಡಿದೆ. ನನಗೆ ಸಹಾಯ ಮಾಡಲು ಎಲ್ಲರೂ ನನ್ನೊಂದಿಗೆ ಇದ್ದಕ್ಕೆ ನಾನು ಅವರಿಗೆ ಕೃತಜ್ಞನಾಗಿದ್ದೇನೆ” ಎಂದು ತಿಳಿಸಿದರು.
View this post on Instagram
ಪ್ರಸ್ತುತ ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ಜಾನ್ವಿ, ಅನೇಕ ಸೌತ್ ಸೂಪರ್ ಸ್ಟಾರ್ಗಳಿಗೂ ನಾಯಕಿಯಾಗಬಹುದು. ಇದನ್ನು ಸ್ವತಃ ಜಾನ್ವಿ ತಂದೆ ಬೋನಿ ಕಪೂರ್ ಬಹಿರಂಗಪಡಿಸಿದ್ದಾರೆ. ಮೂಲಗಳ ಪ್ರಕಾರ, ಜೂನಿಯರ್ ಎನ್ಟಿಆರ್ ಜೊತೆ ದೇವರ ಚಿತ್ರದಲ್ಲಿ ಕೆಲಸ ಮಾಡಿದ ನಂತರ, ಜಾನ್ವಿ ಇನ್ನೂ ಇಬ್ಬರು ಸೌತ್ ಸೂಪರ್‌ಸ್ಟಾರ್‌ಗಳಾದ ರಾಮ್ ಚರಣ್ ಮತ್ತು ಸೂರ್ಯ ಅವರ ಚಿತ್ರಕ್ಕೆ ಸಹಿ ಹಾಕಬಹುದು. ಆದರೆ, ಈ ವರದಿಗಳ ಬಗ್ಗೆ ಜಾನ್ವಿ ಮೌನ ವಹಿಸಿದ್ದಾರೆ. ಅಂದಹಾಗೆ ಜಾನ್ವಿ ಕೊನೆಯದಾಗಿ ವರುಣ್ ಧವನ್ ಅವರೊಂದಿಗೆ ‘ಬವಾಲ್’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು.