ಗಂಗಾ ಆರತಿ ಮಾಡಿದ ಜಾಹ್ನವಿ ಕಪೂರ್​ಗೆ ರಾಜ್‌ಕುಮಾರ್ ರಾವ್ ಸಾಥ್​! ಕಾರಣ ಹೀಗಿದೆ..

ವಾರಣಾಸಿ: ಸಾಂಪ್ರದಾಯಿಕ ರೇಷ್ಮೆ ಸೀರೆಯುಟ್ಟಿದ್ದ ಜಾಹ್ನವಿ ಕಪೂರ್ ಮತ್ತು ರಾಜ್‌ಕುಮಾರ್ ರಾವ್ ಅವರು ತಮ್ಮ ಮುಂಬರುವ ಚಿತ್ರ 'ಮಿಸ್ಟರ್ ಅಂಡ್​ ಮಿಸಸ್ ಮಹಿ' ಪ್ರಚಾರಕ್ಕಾಗಿ ವಾರಣಾಸಿಯಲ್ಲಿ ಗಂಗಾ ಆರತಿ ಮಾಡಿದರು.

ಇದನ್ನೂ ಓದಿ: ಹಾವನ್ನು ನುಂಗಿದ ಗೂಬೆ! ಮೈಜುಂ ಎನಿಸುವ ವಿಡಿಯೋ ನೋಡಿ ನೆಟಿಜನ್ಸ್​ ಶಾಕ್​​!

ತಮ್ಮ ಮುಂಬರುವ ರೋಮ್ಯಾಂಟಿಕ್ ಮತ್ತು ಕ್ರೀಡಾ ಸಿನಿಮಾ ' ಮಿಸ್ಟರ್ ಅಂಡ್​ ಮಿಸೆಸ್ ಮಹಿ ' ಪ್ರಚಾರದ ಸಲುವಾಗಿ ಅವರು ವಾರಣಾಸಿಗೆ ಬಂದಿದ್ದರು.

ದಶಾಶ್ವಮೇಧ ಘಾಟ್‌ನಲ್ಲಿ ಗಂಗಾ ಆರತಿ ಮಾಡಲು ಇಬ್ಬರೂ ವಾರಣಾಸಿಗೆ ಭೇಟಿ ನೀಡಿದ್ದರು. ಜಾಯ್ನವಿ ಗೋಲ್ಡನ್ ಬಾರ್ಡರ್ ಇದ್ದ ನೀಲಿ ರೇಷ್ಮೆ ಸೀರೆ ಮತ್ತು ಅದಕ್ಕೆ ಹೊಂದಿಕೆಯಾಗುವ ಅರ್ಧ ತೋಳಿನ ಕುಪ್ಪಸ ಧರಿಸಿದ್ದಳು. ಅಷ್ಟೇ ಅಲ್ಲ, ಅದಕ್ಕೆ ಹೊಂದಿಕೆಯಾಗುವ ವಜ್ರದ ಕಿವಿಯೋಲೆ, ಬಳೆ ಮತ್ತು ಉಂಗುರ, ಕಪ್ಪು ಬಿಂದಿ ಮತ್ತು ಬನ್‌ನಲ್ಲಿ ಕಟ್ಟಿ ಗಜರಾದಿಂದ ಅಲಂಕರಿಸಲ್ಪಟ್ಟ ಕೂದಲಿನೊಂದಿಗೆ ಈ ನಟಿ ಗಮನಸೆಳೆದಳು. ಮತ್ತೊಂದೆಡೆ, ರಾಜ್‌ಕುಮಾರ್ ರಾವ್ ಬೀಜ್ ಶರ್ಟ್ ಮತ್ತು ಪ್ಯಾಂಟ್‌ನಲ್ಲಿ ಸರಳವಾಗಿ ಕಂಡರು.

ಜಾಹ್ನವಿ ಮತ್ತು ರಾಜ್‌ಕುಮಾರ್ ಸೋಮವಾರ ಸಂಜೆ ದಶಾಶ್ವಮೇಧ ಘಾಟ್‌ನಲ್ಲಿ ದೈವಿಕ ಸಹಾಯವನ್ನು ಕೋರಲು ಗಂಗಾ ಆರತಿ ಮಾಡಿದರು. ಈ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದ್ದು, ಇವರಿಬ್ಬರ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗುತ್ತಿವೆ.

ಈ ಫೋಟೋಗಳಿಗೆ ಹೃದಯ ಮತ್ತು ಹೃದಯ-ಕಣ್ಣುಗಳನ್ನು ಒಳಗೊಂಡ ಎಮೋಜಿಗಳನ್ನು ಹಾಕಿ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಅನೇಕ ಬಳಕೆದಾರರು ಜಾಹ್ನವಿ ಸೊಗಸಾದ ರೇಷ್ಮೆ ಸೀರೆ ಧರಿಸಿರುವುದನ್ನು ಶ್ಲಾಘಿಸಿದ್ದಾರೆ.

ಬಳಕೆದಾರರಲ್ಲಿ ಒಬ್ಬರು, "ಕಿಟ್ನೆ ಪ್ಯಾರಿ ಲಾಗ್ ರಹೀ ಹೈ" ಎಂದು ಬರೆದಿದ್ದಾರೆ. ಮತ್ತೊಬ್ಬ ಬಳಕೆದಾರ, "ಜಾನ್ವಿ ಕಪೂರ್ ಸೀರೆ ಮತ್ತು ಗಜ್ರಾದಲ್ಲಿ ಉತ್ತಮವಾಗಿ ಕಾಣುತ್ತಾರೆ" ಎಂದಿದ್ದಾರೆ. ಮೂರನೇ ಬಳಕೆದಾರ, "ಜಾನ್ವಿ ಮತ್ತು ರಾಜ್‌ಕುಮಾರ್ ರಾವ್ ಅವರ ಕೆಮಿಸ್ಟ್ರಿ ವರ್ಕ್​ ಆಗುತ್ತದೆ" ಎಂದು ಹೇಳಿದ್ದಾರೆ.

ಜಾಹ್ನವಿ ಕಪೂರ್ ಮತ್ತು ರಾಜ್‌ಕುಮಾರ್ ರಾವ್ ಅವರ 'ಮಿಸ್ಟರ್ ಅಂಡ್​ ಮಿಸೆಸ್ ಮಹಿ ಚಿತ್ರವು '2024ರ ಮೇ 31 ರಂದು ಬೆಳ್ಳಿತೆರೆ ಮೇಲೆ ಬರಲಿದೆ.

ಪತಿಗೆ ಕ್ರಿಕೆಟ್ ಆಡಲು ಪ್ರೇರೇಪಿಸುವ ಪತ್ನಿ ಪಾತ್ರದಲ್ಲಿ ಜಾಹ್ನವಿ ನಟಿಸಿದ್ದಾಳೆ. ಜೀ ಸ್ಟುಡಿಯೋಸ್ ಮತ್ತು ಧರ್ಮ ಪ್ರೊಡಕ್ಷನ್ಸ್ ನಡಿ ಚಿತ್ರ ನಿರ್ಮಿಸಿದ್ದು, ಶರಣ್ ಶರ್ಮಾ ನಿರ್ದೇಶನವಿದೆ. ಚಿತ್ರದ ಶೀರ್ಷಿಕೆಯು ಮಹಿ ಎಂದು ಕರೆಯಲ್ಪಡುವ ಮಹೇಂದ್ರ ಸಿಂಗ್ ಧೋನಿಗೆ ಗೌರವವನ್ನು ಸಲ್ಲಿಸುತ್ತದೆ. ರಾಜ್‌ಕುಮಾರ್ ಧೋನಿಪಾತ್ರದಲ್ಲಿ ನಟಿಸುತ್ತಿದ್ದು, ಈ ಚಿತ್ರವು ಕ್ರೀಡಾ ಮನೋಭಾವ, ಹಾಸ್ಯ ಮತ್ತು ಪ್ರಣಯದ ಸುಂದರ ಸಂಯೋಜನೆಯಾಗಿದೆ.

https://www.vijayavani.net/man-removed-the-ladder-while-passenger-getting-off-the-plane