ಮುಂಬೈ: ಶ್ರೀದೇವಿ ಮತ್ತು ಬೋನಿ ಕಪೂರ್ ಅವರ ಮುದ್ದಿನ ಮಗಳು ಜಾಹ್ನವಿ ಕಪೂರ್, ಚಿತ್ರರಂಗಕ್ಕೆ ಬಂದು ಮೂರು ವರ್ಷಗಳಾಗಿವೆ. ಈ ಮೂರು ವರ್ಷಗಳಲ್ಲಿ ನಾಲ್ಕು ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ. ಜತೆಗೆ ಇನ್ನೆರೆಡು ಸಿನಿಮಾಗಳನ್ನು ಹೊಸದಾಗಿ ಒಪ್ಪಿಕೊಂಡಿದ್ದಾರೆ.
ಇದನ್ನೂ ಓದಿ: ನನ್ನ ಗಂಡನಿಗೆ ಅದೆಷ್ಟು ಜನ ಶಾಪ ಹಾಕಿದ್ದಾರೋ ಗೊತ್ತಿಲ್ಲ …
ಈ ಮಧ್ಯೆ, ಜಾಹ್ನವಿ, ಮುಂಬೈನಲ್ಲಿ ಬಹುಕೋಟಿ ವೆಚ್ಚದ ಮನೆಯೊಂದನ್ನು ಖರೀದಿಸಿದ್ದಾರೆ ಎಂಬ ಸುದ್ದಿ ಬಂದಿದೆ. ಅಷ್ಟೇ ಅಲ್ಲ, ಮುಂದಿನ ದಿನಗಳಲ್ಲಿ ಅಮಿತಾಭ್ ಬಚ್ಚನ್, ಅಜಯ್ ದೇವಗನ್, ಏಕ್ತಾ ಕಪೂರ್, ಅನಿಲ್ ಕಪೂರ್ ಮುಂತಾದವರ ನೆರೆಹೊರೆಯವರಾಗಲಿದ್ದಾರೆ.
ಹೌದು, ಮುಂಬೈನ ಜುಹು ವಿಲೆಪಾರ್ಲೆ ಸ್ಕೀಮ್ನಲ್ಲಿ ಜಾಹ್ನವಿ ಇತ್ತೀಚೆಗೆ ಒಂದು ಪ್ರಾಪರ್ಟಿ ಕೊಂಡುಕೊಂಡಿರುವ ಸುದ್ದಿಯೊಂದು ಬಂದಿದೆ.
4,144 ಚದರಡಿ ಇರುವ ಈ ಫ್ಲಾಟ್ಗಳು 14, 15 ಮತ್ತು 16ನೇ ಮಹಡಿಗಳಲ್ಲಿವೆಯಂತೆ. ಈ ಮನೆಗೆ ಜಾಹ್ನವಿ ಖರ್ಚು ಮಾಡಿದ ಮೊತ್ತವೆಷ್ಟು ಗೊತ್ತಾ? 39 ಕೋಟಿ ರೂ ಎಂದು ಹೇಳಲಾಗಿದೆ. ಡಿಸೆಂಬರ್ 10ರಂದು ಈ ಮನೆಯ ರಿಜಿಸ್ಟ್ರೇಶನ್ ಸಹ ಸದ್ದಿಲ್ಲದೆ ಆಗಿದೆ ಎಂದು ಹೇಳಲಾಗುತ್ತಿದೆ.
ಜಾಹ್ನವಿ ಕಪೂರ್ ಸದ್ಯಕ್ಕೆ ಲೋಖಂಡ್ವಾಲಾದ ತಮ್ಮ ಕುಟುಂಬದ ಮನೆಯಲ್ಲಿ ವಾಸವಿದ್ದಾರಂತೆ. ಮುಂದಿನ ದಿನಗಳಲ್ಲಿ ಅವರು ಜುಹುನಲ್ಲಿ ಖರೀದಿಸಿರುವ ಹೊಸ ಮನೆಗೆ ಶಿಫ್ಟ್ ಆಗಲಿದ್ದಾರೆ ಎಂಬ ಸುದ್ದಿ ಇದೆ.
ಇದನ್ನೂ ಓದಿ: ‘ಭಾಗ್ಯವಂತರು’ ಚಿತ್ರಕ್ಕೆ ಆಧುನಿಕ ಟಚ್; ಮರು ಬಿಡುಗಡೆಯಾಗಲಿದೆ ಡಾ. ರಾಜ್ ಸಿನಿಮಾ
ಸದ್ಯ, ‘ರೂಹಿ ಅಫ್ಜಾನಾ’ ಮತ್ತು ‘ದೋಸ್ತಾನಾ 2’ ಚಿತ್ರಗಳಲ್ಲಿ ನಟಿಸುತ್ತಿರುವ ಜಾಹ್ನವಿ, ತಮಿಳೀನ ‘ಕೊಲಮಾವು ಕೋಕಿಲ’ ಚಿತ್ರದ ಹಿಂದಿ ರೀಮೇಕ್ನಲ್ಲಿ ನಟಿಸುವುದಕ್ಕೆ ಒಪ್ಪಿಕೊಂಡಿದ್ದು, ಮುಂದಿನ ದಿನಗಳಲ್ಲಿ ಆ ಚಿತ್ರದಲ್ಲಿ ನಟಿಸಲಿದ್ದಾರೆ.
‘ನೀವು ಯಾವತ್ತಿದ್ದರೂ ನನಗೆ ಸ್ಫೂರ್ತಿಯ ಚಿಲುಮೆ’; ದೀಪಿಕಾ ಬರ್ತ್ಡೇಗೆ ಆಲಿಯಾ ಕಡೆಯಿಂದ ವಿಶೇಷ ವಿಷ್