ಆದರೆ ರಾತ್ರಿ 8.30ರ ಸುಮಾರಿಗೆ ಈ ಮೂವರು ನಾಯಕರು ತಮ್ಮ ಮನೆಗೆ ಬರಲಿದ್ದಾರೆ ಎಂದು ಶೆಟ್ಟರ್ ಹೇಳಿದ್ದು, ಗಂಟೆ 9 ಕಳೆದರೂ ಇನ್ನೂ ಆ ಮೂವರ ಆಗಮನವಾಗಿಲ್ಲ. ಕೇಂದ್ರ ನಾಯಕರಿಗೆ ತಮ್ಮ ಮನೆಗೆ ಬನ್ನಿ ಎಂದು ಶೆಟ್ಟರ್ ಆಹ್ವಾನಿಸಿದ್ದರೆ, ನಾಯಕರು ಅವರನ್ನು ಹುಬ್ಬಳ್ಳಿಯ ಖಾಸಗಿ ಹೋಟೆಲ್ಗೆ ಬಂದು ಭೇಟಿ ಆಗುವಂತೆ ತಿಳಿಸಿದ್ದಾರೆ ಎನ್ನಲಾಗಿದೆ. ಶೆಟ್ಟರ್ ಮನವೊಲಿಕೆ ಕುರಿತು ಹೋಟೆಲ್ನಲ್ಲಿ ಮೂವರು ಗಂಭೀರವಾಗಿ ಚರ್ಚೆ ನಡೆಸುತ್ತಿದ್ದು, ಆ ಬಳಿಕ ಅವರು ಮತ್ತು ಶೆಟ್ಟರ್ ಭೇಟಿ ನಡೆಯಲಿದೆ ಎನ್ನಲಾಗುತ್ತಿದೆ. ಈ ಮಧ್ಯೆ ಶೆಟ್ಟರ್ ವಿಚಾರವಾಗಿ ಮುಂದಿನ ಬೆಳವಣಿಗೆ ಏನಾಗಲಿದೆ ಎಂಬ ಕುತೂಹಲ ಅವರ ಅಭಿಮಾನಿಗಳು ಹಾಗೂ ಬಿಜೆಪಿ ವಲಯದಲ್ಲಿ ಹೆಚ್ಚಾಗಿದೆ.
