ನಟಿ ಸದಾಗೆ ಸಿನಿಮಾ ಅವಕಾಶಗಳು ಕೈತಪ್ಪಲು ಆಕೆಗಿದ್ದ ಈ ಕೆಟ್ಟ ಚಟವೇ ಕಾರಣವಂತೆ!

ಚೆನ್ನೈ: ಒಂದು ಕಾಲದಲ್ಲಿ ಸಿನಿ ಇಂಡಸ್ಟ್ರಿಯ ಬಹುಬೇಡಿಕೆ ನಟಿಯಾಗಿದ್ದ ಸದಾ ಇದೀಗ ಸಿನಿ ರಂಗದಿಂದ ದೂರ ಉಳಿದಿದ್ದಾರೆ. ತೆಲುಗಿನ ಜಯಂ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಸದಾ, ಮೊದಲ ಚಿತ್ರದಲ್ಲಿ ಬ್ಲಾಕ್​ಬಸ್ಟರ್​ ಹಿಟ್​ ಕೊಟ್ಟರು. ಅಲ್ಲಿಂದಾಚೆಗೆ ತೆಲುಗು ಮತ್ತು ತಮಿಳಿನ ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸಿದರು. ಅಲ್ಲದೆ, ಕನ್ನಡದಲ್ಲೂ ಮೊನಾಲಿಸಾ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ಸದಾ ನಟನೆ ಮಾಡಿದ್ದು, ಕನ್ನಡಿಗರಿಗೂ ಪರಿಚಿತರಾಗಿದ್ದಾರೆ.

ಸದಾ ಸಾಕಷ್ಟು ಹಿಟ್​ ಸಿನಿಮಾಗಳನ್ನು ನೀಡಿದರೂ ಕ್ರಮೇಣವಾಗಿ ಸಾಲು ಸಾಲು ಸೋಲುಗಳಿಂದ ಸಿನಿಮಾ ಅವಕಾಶಗಳು ಕೈತಪ್ಪಿ ತೆರೆಮರೆಗೆ ಸರಿದರು. ಆದರೆ, ಇತ್ತೀಚೆಗೆ ಕಿರುತೆರೆಗೆ ಲೋಕಕ್ಕೆ ಎಂಟ್ರಿ ನೀಡಿದ್ದಾರೆ. ಬಿಬಿ ಜೋಡಿ ಮತ್ತು ಡ್ಯಾನ್ಸ್​ ವಿಥ್​ ಯು ಹೆಸರಿನ ಟಿವಿ ರಿಯಾಲಿಟಿ ಶೋಗಳಲ್ಲಿ ಜಡ್ಜ್​ ಆಗಿ ಕಾಣಿಸಿಕೊಂಡಿದ್ದಾರೆ. ಇನ್ನೂ ಸದಾ ಅವರಿಗೆ 39 ವರ್ಷ ವಯಸ್ಸಾಗಿದ್ದರೂ ಇನ್ನು ಮದುವೆ ಮಾಡಿ ಮಾಡಿಕೊಳ್ಳದೇ ಒಂಟಿ ಜೀವನ ಮುಂದುವರಿಸಿದ್ದಾರೆ.

ಇದೀಗ ಸದಾ ಅವರ ಕುರಿತು ನಟ ಹಾಗೂ ಪತ್ರಕರ್ತ ಬೈಲ್ವಾನ್ ರಂಗನಾಥನ್​ ಅವರು ಕೆಲವೊಂದಿಷ್ಟು ಸ್ಫೋಟಕ ಮಾಹಿತಿಗಳನ್ನು ಬಿಚ್ಚಿಟ್ಟಿದ್ದಾರೆ. ಆದರೆ, ರಂಗನಾಥನ್​ ಅವರ ಮಾತು ಎಷ್ಟು ಸತ್ಯವೋ ಗೊತ್ತಿಲ್ಲ. ಏಕೆಂದರೆ, ಇವರು ಸುದ್ದಿಯಾಗುವುದೇ ವಿವಾದಗಳಿಂದ. ಯೂಟ್ಯೂಬ್​ ಚಾನೆಲ್​ ಮೂಲಕ ನಟ ಹಾಗೂ ನಟಿಯರನ್ನು ಗುರಿಯಾಗಿರಿಸಿಕೊಂಡು ಅವರ ವಿರುದ್ಧ ಗಾಸಿಪ್​ಗಳನ್ನು ಸೃಷ್ಟಿ ಮಾಡುವ ಮೂಲಕ ಭಾರೀ ಸುದ್ದಿಯಾಗುತ್ತಿರುವುದಲ್ಲದೆ ಕಲಾವಿದರ ಆಕ್ರೋಶಕ್ಕೂ ಕಾರಣವಾಗಿದ್ದಾರೆ. ಅನೇಕ ಕಲಾವಿದರು ರಂಗನಾಥನ್​ ವಿರುದ್ಧ ತಮ್ಮ ಧ್ವನಿ ಕೂಡ ಎತ್ತಿದ್ದಾರೆ. ಆದರೂ ನಟಿಯರ ಬಗ್ಗೆ ಮಾತನಾಡುವುದನ್ನು ರಂಗನಾಥನ್​ ನಿಲ್ಲಿಸಿಲ್ಲ. ಇದೀಗ ಸದಾ ಅವರ ಬಗ್ಗೆ ಮಾತನಾಡಿದ್ದಾರೆ.

ಮಾದಕ ವ್ಯಸನಿ

ಸದಾ ಓರ್ವ ಮಾದಕ ವ್ಯಸನಿ. ಈ ಹವ್ಯಾಸವೇ ಆಕೆಯ ಸಿನಿಮಾ ಕೆರಿಯರ್​ ಮೇಲೆ ಪರಿಣಾಮ ಬೀರಿತು. ಯಾವಾಗಲೂ ತುಂಬಾ ಸ್ಮೋಕ್​ ಮಾಡುತ್ತಿದ್ದರು. ನಾನೂ ಕೂಡ ಖುದ್ದಾಗಿ ಅನೇಕ ಬಾರಿ ನೋಡಿದ್ದೇನೆ. ಮಾದಕ ವ್ಯಸನ ಕಾರಣದಿಂದಾಗಿ ಅನೇಕ ಸಿನಿಮಾಗಳಿಂದ ಆಕೆಯನ್ನು ತೆಗೆದು ಹಾಕಲಾಗಿದೆ. ಆಕೆ ಸಸ್ಯಹಾರಿಯಾಗಿದ್ದು, ಸದ್ಯ ಸಿನಿಮಾದಿಂದ ಅಂತರ ಕಾಯ್ದುಕೊಂಡಿದ್ದು, ರೆಸ್ಟೋರೆಂಟ್​ ಒಂದನ್ನು ನಡೆಸುತ್ತಿದ್ದಾರೆ. ಅಲ್ಲದೆ, ವೈಲ್ಡ್​ ಲೈಫ್​ ಫೋಟೋಗ್ರಫಿಯಲ್ಲಿಯೂ ತೊಡಗಿಸಿಕೊಂಡಿದ್ದಾರೆ ಎಂದು ಹೇಳಿದ್ದಾರೆ.

ರಜಿನಿಕಾಂತ್ ಅಭಿನಯದ ಚಂದ್ರಮುಖಿ ಚಿತ್ರದಲ್ಲಿ ನಟಿ ಮಾಳವಿಕಾ ನಿರ್ವಹಿಸಿದ ಪಾತ್ರಕ್ಕೆ ಸದಾ ಅವರನ್ನು ಈ ಮೊದಲು ಪರಿಗಣಿಸಲಾಗಿತ್ತು. ಆದರೆ ಕೆಲವು ಕಾರಣಗಳಿಂದ ನಟಿ ಆಫರ್ ಅನ್ನು ತಿರಸ್ಕರಿಸಿದ್ದಾರೆ. ರಜಿನಿಕಾಂತ್, ಜ್ಯೋತಿಕಾ ಮುಂತಾದವರು ನಟಿಸಿದ್ದ ಈ ಚಿತ್ರ ಭಾರೀ ಹಿಟ್ ಆಗಿತ್ತು. ಸದಾ ಈ ಚಿತ್ರದಲ್ಲಿ ನಟಿಸಿದರೆ ಗ್ರ್ಯಾಂಡ್ ಕಮ್ ಬ್ಯಾಕ್ ಆಗುತ್ತಿತ್ತು ಎಂದು ಅಭಿಮಾನಿಗಳು ನಿರೀಕ್ಷಿಸಿದ್ದರು. ಆದರೆ ಅದು ತಪ್ಪಿಹೋಯಿತು. ಆದರೆ, ಸದಾ ಅವರ ಗ್ರ್ಯಾಂಡ್ ಕಮ್‌ಬ್ಯಾಕ್‌ಗಾಗಿ ಅಭಿಮಾನಿಗಳು ಇನ್ನೂ ಕಾಯುತ್ತಿದ್ದಾರೆ. ಆದರೆ, ಸದಾ ಸದ್ಯ ಕಿರುತೆರೆ ಲೋಕದಲ್ಲಿ ಬಿಜಿಯಾಗಿದ್ದಾರೆ. (ಏಜೆನ್ಸೀಸ್​​)

https://www.vijayavani.net/actress-oviya-says-she-is-not-a-lesbian

https://www.vijayavani.net/actress-sadha-revealed-why-she-didnt-get-married-yet