ನಿಜ ಜೀವನದ ಘೋಸ್ಟ್​ ರೈಡರ್! ಯುವಕನ ವೈರಲ್​ ವಿಡಿಯೋ ನೋಡಿ ಹುಬ್ಬೇರಿಸಿದ ನೆಟ್ಟಿಗರು​ | Ghost Rider

Ghost Rider : ಘೋಸ್ಟ್ ರೈಡರ್ ಚಿತ್ರದ ಬಗ್ಗೆ ತಿಳಿದಿಲ್ಲದವರು ಬಹಳ ಕಡಿಮೆ. 2007 ರಲ್ಲಿ ಹಾಲಿವುಡ್​ನಲ್ಲಿ ಬಿಡುಗಡೆಯಾದ ಈ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆಗಳು ಬಂದವು. ಹಾಲಿವುಡ್​ ಬಾಕ್ಸ್​ಆಫೀಸ್​ನಲ್ಲಿ ಈ ಸಿನಿಮಾ ಧೂಳೆಬ್ಬಿಸಿತು. ಅಲ್ಲದೆ, ಬಹುತೇಕ ಭಾಷೆಗೆ ಈ ಸಿನಿಮಾ ಡಬ್​ ಕೂಡ ಆಯಿತು.

ನಾಯಕನ ಇಡೀ ದೇಹ ಬೆಂಕಿಯಲ್ಲಿ ಸುಟ್ಟು ಕರಕಲಾಗಿರುತ್ತದೆ. ಅಲ್ಲದೆ, ಅವನ ತಲೆಯಲ್ಲಿ ಬೆಂಕಿ ಧಗಧಗನೇ ಉರಿಯುತ್ತಿರುತ್ತದೆ. ಅದೇ ರೀತಿಯಲ್ಲಿ ನಿಜ ಜೀವನದಲ್ಲಿ ಈ ರೀತಿಯ ಘಟನೆ ನಡೆದಿದೆ. ಯುವಕನೊಬ್ಬನ ವಿಡಿಯೋ ಪ್ರಸ್ತುತ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ನೆಟ್ಟಿಗರು ಹುಬ್ಬೇರಿಸಿದ್ದಾರೆ. ನಿಜ ಜೀವನದ ಘೋಸ್ಟ್​ ರೈಡರ್​ ಎಂದು ಹೇಳುತ್ತಿದ್ದಾರೆ.

ಇದನ್ನೂ ಓದಿ: ಬದುಕನ್ನೇ ಕೊಚ್ಚಿಕೊಂಡು ಹೋಯ್ತು ಸುನಾಮಿ… ಬಡತನಕ್ಕೆ ಸವಾಲೆಸೆದು IAS, IPS ಆದ ಅಕ್ಕ-ತಂಗಿಯ ಯಶೋಗಾಥೆ! Inspirational Stories

ವಿಡಿಯೋದಲ್ಲಿ ಏನಿದೆ?

ಯುವಕನೊಬ್ಬ ತನ್ನ ಒಂದು ಕೈಯಲ್ಲಿ ಲೈಟರ್​ ಹಿಡಿದು ಬೆಂಕಿ ಹಚ್ಚುತ್ತಾನೆ. ಇದೇ ವೇಳೆ ಇನ್ನೊಂದು ಕೈಯಲ್ಲಿರುವ ಲೈಟರ್​ ಅನ್ನು ಬಾಯಿಯಲ್ಲಿ ಇಟ್ಟು ಕಡಿದಾಗ ಅದರಲ್ಲಿರುವ ಲಿಕ್ವಿಡ್​ ಲೀಕ್​ ಆಗಿ ಬೆಂಕಿ ಹೊತ್ತಿಕೊಳ್ಳುತ್ತದೆ. ಒಂದು ಕ್ಷಣ ಬೆಂಕಿ ಅವನ ಮುಖದಾದ್ಯಂತ ಹರಡಿ ನಂತರ ಆರಿಹೋಗುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಬಳಿಕ ಆ ಯುವಕ ಕ್ಯಾಮೆರಾ ಮುಂದೆ ಬಂದು ತನ್ನ ಮುಖವನ್ನು ನೋಡುತ್ತಾನೆ. ಆದರೆ ಆ ಯುವಕನಿಗೆ ಯಾವುದೇ ಹಾನಿಯಾಗಿರುವುದಿಲ್ಲ.

ಈ ಅಪಾಯಕಾರಿ ಘಟನೆಯಿಂದ ಯುವಕ ಬದುಕುಳಿದಿದ್ದು ನಿಜಕ್ಕೂ ಅದೃಷ್ಟ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅನೇಕ ಜನರು ತಮ್ಮದೇಯಾದ ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ. ಈ ವಿಡಿಯೋ ನೋಡಿ ನಿಮಗೆ ಏನು ಅನಿಸಿತು ಎಂಬುದನ್ನು ಕಾಮೆಂಟ್​ ಮೂಲಕ ನಮಗೆ ತಿಳಿಸಿ. (ಏಜೆನ್ಸೀಸ್​)

https://www.vijayavani.net/if-you-have-these-habits-you-will-never-be-able-to-get-out-of-poverty-chanakya-niti

https://www.vijayavani.net/unlimited-panipuri-bumper-offer-pay-once-free-panipuri-for-life