ಪ್ರತಿಯಾಗಿ ಚೇಸಿಂಗ್ಗೆ ಇಳಿದ ಕೆಕೆಆರ್ ನಾಯಕ ಅಜಿಂಕ್ಯ ರಹಾನೆ (61 ರನ್, 35 ಎಸೆತ, 8 ಬೌಂಡರಿ, 2 ಸಿಕ್ಸರ್) ಹಾಗೂ ವೆಂಕಟೇಶ್ ಅಯ್ಯರ್ (45 ರನ್, 29 ಎಸೆತ, 6 ಬೌಂಡರಿ, 1 ಸಿಕ್ಸರ್) ದಿಟ್ಟ ಪ್ರತಿರೋಧದಿಂದ 13 ಓವರ್ಗಳಲ್ಲಿ 3 ವಿಕೆಟ್ಗೆ 162 ರನ್ಗಳಿಸಿ ಸುಸ್ಥಿತಿಯಲ್ಲಿತ್ತು. ನಂತರ ದಿಢೀರ್ ಕುಸಿತ ಕಂಡ ಕೆಕೆಆರ್ ಅಂತಿಮವಾಗಿ 7 ವಿಕೆಟ್ಗೆ 234 ರನ್ಗಳಿಸಿ ವೀರೋಚಿತ ಸೋಲು ಕಂಡಿತು. ಕೊನೆಯಲ್ಲಿ ರಿಂಕು ಸಿಂಗ್ (38* ರನ್, 15 ಎಸೆತ, 6 ಬೌಂಡರಿ, 2 ಸಿಕ್ಸರ್) ಏಕಾಂಗಿ ಹೋರಾಟ ಅಂತರ ತಗ್ಗಿಸಲಷ್ಟೇ ಶಕ್ತವಾಯಿತು. ರವಿ ಬಿಷ್ಟೋಯಿ ಎಸೆದ ಕೊನೇ ಓವರ್ನಲ್ಲಿ 24 ರನ್ ಬೇಕಿದ್ದಾಗ ಸ್ಟ್ರೈಕ್ನಲ್ಲಿದ್ದ ಹರ್ಷಿತ್ ರಾಣಾ ಮೊದಲ ಎಸೆತದಲ್ಲಿ ಬೌಂಡರಿ ಗಳಿಸಿದರೆ, ನಂತರದ 2 ಎಸೆತಗಳಲ್ಲಿ 1 ರನ್ ಕಸಿದರು. ಅಂತಿಮ 3 ಎಸೆತಗಳಲ್ಲಿ ರಿಂಕು 2 ಬೌಂಡರಿ, ಸಿಕ್ಸರ್ ಸಿಡಿಸಿದರೂ ಜಯ ಕೈಗೆಟುಕಲಿಲ್ಲ.
