ಐಪಿಎಲ್​ ಇತಿಹಾಸದಲ್ಲೇ ಅತಿಹೆಚ್ಚು ಬಾರಿ ಡಕ್​ಔಟ್​ ಆದ ಕ್ರಿಕೆಟಿಗರಿವರು... ರೋಹಿತ್​ಗೂ ಇದೆ ಸ್ಥಾನ! IPL

IPL : ಇಂಡಿಯನ್​ ಪ್ರೀಮಿಯರ್​ ಲೀಗ್​ (ಐಪಿಎಲ್​) ಕ್ಯಾಶ್​ ರಿಚ್​ ಲೀಗ್​ ಎಂಬುದು ಎಲ್ಲರಿಗೂ ಗೊತ್ತೇ ಇದೆ. ಇಲ್ಲಿ ಹಣದ ಸುರಿಮಳೆಯ ಜೊತೆಗೆ ಮನರಂಜನೆಯ ಮಹಾಪೂರವೇ ಅಡಗಿರುತ್ತದೆ. ಆಟಗಾರರು ಸಿಕ್ಸರ್ ಮತ್ತು ಬೌಂಡರಿಗಳೊಂದಿಗೆ ಅಭಿಮಾನಿಗಳನ್ನು ರಂಜಿಸುತ್ತಾರೆ.

ಕೆಲವು ಆಟಗಾರರು ವೇಗದ ಅರ್ಧಶತಕ ಮತ್ತು ಶತಕದಂತಹ ದಾಖಲೆಗಳನ್ನು ಸೃಷ್ಟಿಸಿದರೆ, ಇನ್ನು ಕೆಲವರು ಯಾರೂ ಬಯಸದ ದಾಖಲೆಗಳನ್ನು ನಿರ್ಮಿಸುತ್ತಾರೆ. ಐಪಿಎಲ್ ಇತಿಹಾಸದಲ್ಲಿ ಇಲ್ಲಿಯವರೆಗೆ ರನ್ ಖಾತೆ ತೆರೆಯದೆ ಅತಿ ಹೆಚ್ಚು ಬಾರಿ ಪೆವಿಲಿಯನ್ ತಲುಪಿದ ಆಟಗಾರರು ಯಾರೆಂಬುದನ್ನು ನಾವು ನೋಡೋಣ.

ಐಪಿಎಲ್‌ನಲ್ಲಿ ಅತಿ ಹೆಚ್ಚು ಬಾರಿ ಡಕ್ ಔಟ್ ಆದ ಆಟಗಾರರ ಪಟ್ಟಿಯಲ್ಲಿ ಟೀಮ್ ಇಂಡಿಯಾ ಆಟಗಾರರಾದ ದಿನೇಶ್ ಕಾರ್ತಿಕ್ ಮತ್ತು ರೋಹಿತ್ ಶರ್ಮ ಇರುವುದು ಗಮನಾರ್ಹ. ಡಿಕೆ 18 ಬಾರಿ ಡಕ್ ಔಟ್ ಆಗಿದ್ದರೆ, ಹಿಟ್‌ಮ್ಯಾನ್ ರೋಹಿತ್ ಶರ್ಮ 17 ಬಾರಿ ರನ್ ಖಾತೆ ತೆರೆಯದೆ ಪೆವಿಲಿಯನ್ ತಲುಪಿದ್ದಾರೆ.

ಐಪಿಎಲ್‌ನಲ್ಲಿ ಅತಿ ಹೆಚ್ಚು ಬಾರಿ ಔಟ್ ಆದ ಆಟಗಾರರ ಪಟ್ಟಿಯಲ್ಲಿ ಗ್ಲೆನ್ ಮ್ಯಾಕ್ಸ್‌ವೆಲ್ ಮತ್ತು ದಿನೇಶ್ ಕಾರ್ತಿಕ್ ಜಂಟಿಯಾಗಿ ಅಗ್ರಸ್ಥಾನದಲ್ಲಿದ್ದಾರೆ. ಈ ಇಬ್ಬರೂ ಒಟ್ಟಿಗೆ 18 ಬಾರಿ ಔಟ್ ಆಗಿದ್ದಾರೆ. ಆ ನಂತರ, ರೋಹಿತ್ ಶರ್ಮ, ಪಿಯೂಷ್ ಚಾವ್ಲಾ, ಸುನೀಲ್ ನಾರಾಯಣ್​ ಮತ್ತು ಇತರರು ಅದೇ ಕ್ರಮಾಂಕದಲ್ಲಿದ್ದಾರೆ.

ಇದನ್ನೂ ಓದಿ: ಎಲ್ಲರ ಕಣ್ಣು ನಾಳೆಯ ಮುಂಜಾನೆ ಮೇಲೆ: ಸುನೀತಾ ಇಸ್​ ಕಮಿಂಗ್…ಇಲ್ಲಿವರೆಗೆ ಏನೆಲ್ಲಾ ಆಯ್ತು​? ಇಲ್ಲಿದೆ ಕಂಪ್ಲೀಟ್​ ಮಾಹಿತಿ… Sunita Williams

* ಗ್ಲೆನ್ ಮ್ಯಾಕ್ಸ್‌ವೆಲ್ - 134 ಪಂದ್ಯಗಳಲ್ಲಿ 18 ಬಾರಿ

* ದಿನೇಶ್ ಕಾರ್ತಿಕ್ - 257 ಪಂದ್ಯಗಳಲ್ಲಿ 18 ಬಾರಿ

* ರೋಹಿತ್ ಶರ್ಮ - 257 ಪಂದ್ಯಗಳಲ್ಲಿ 17 ಬಾರಿ

* ಪಿಯೂಷ್ ಚಾವ್ಲಾ - 192 ಪಂದ್ಯಗಳಲ್ಲಿ 16 ಬಾರಿ

* ಸುನೀಲ್​ ನಾರಾಯಣ್​ - 177 ಪಂದ್ಯಗಳಲ್ಲಿ 16 ಬಾರಿ

* ರಶೀದ್ ಖಾನ್ - 121 ಪಂದ್ಯಗಳಲ್ಲಿ 15 ಬಾರಿ

* ಮಂದೀಪ್ ಸಿಂಗ್ - 111 ಪಂದ್ಯಗಳಲ್ಲಿ 15 ಬಾರಿ

* ಮನೀಷ್ ಪಾಂಡೆ - 171 ಪಂದ್ಯಗಳಲ್ಲಿ 14 ಬಾರಿ

* ಅಂಬಟಿ ರಾಯುಡು - 187 ಪಂದ್ಯಗಳಲ್ಲಿ 14 ಬಾರಿ

* ಹರ್ಭಜನ್ ಸಿಂಗ್ - 163 ಪಂದ್ಯಗಳಲ್ಲಿ 13 ಬಾರಿ

ವಿಶ್ವದ ಶ್ರೀಮಂತ ಟಿ20 ಲೀಗ್ ಎನಿಸಿರುವ ಐಪಿಎಲ್ 18ನೇ ಆವೃತ್ತಿಗೆ ಕ್ಷಣಗಣನೆ ಶುರುವಾಗಿದೆ. ಮಾರ್ಚ್ 22ರಂದು ಹಾಲಿ ಚಾಂಪಿಯನ್ ಕೆಕೆಆರ್ ಮತ್ತು ಆರ್‌ಸಿಬಿ ತಂಡಗಳ ಮುಖಾಮುಖಿಯೊಂದಿಗೆ ಐಪಿಎಲ್ ಹಬ್ಬಕ್ಕೆ ಚಾಲನೆ ಸಿಗಲಿದೆ. ಮೇ 25ಕ್ಕೆ ಫೈನಲ್​ ಪಂದ್ಯದೊಂದಿಗೆ 18ನೇ ಆವೃತ್ತಿ ಮುಕ್ತಾಯವಾಗಲಿದೆ. (ಏಜೆನ್ಸೀಸ್​)

https://www.vijayavani.net/dont-forget-to-sleep-in-this-direction-life-will-change

https://www.vijayavani.net/he-is-the-toughest-bowler-i-have-faced-the-best-in-all-three-formats-virat-kohli