PHOTOS: ಇಂದು ಅಂತಾರಾಷ್ಟ್ರೀಯ ಶ್ವಾನ ದಿನ, ಕ್ರಿಕೆಟಿಗರ ಶ್ವಾನ ಪ್ರೀತಿ...!

ಭಾರತ ಕ್ರಿಕೆಟ್​ ತಂಡದ ನಾಯಕ ವಿರಾಟ್​ ಕೊಹ್ಲಿ, ಕಿಂಗ್ಸ್​ ಇಲೆವೆನ್​ ಪಂಜಾಬ್​ ತಂಡದ ನಾಯಕ ಕೆಎಲ್​ ರಾಹುಲ್​ ಅವರ ಶ್ವಾನ ಪ್ರೀತಿ ನಮಗೆಲ್ಲರಿಗೂ ಗೊತ್ತೇ ಇದೆ. ದಿನಪೂರ್ತಿ ಕ್ರಿಕೆಟ್​ನಲ್ಲಿ ಮುಳುಗಿದರೂ ಶ್ವಾನಗಳೊಂದಿಗೆ ಆಟವಾಡುವ ಸಲುವಾಗಿಯೇ ಸ್ವಲ್ಪ ಸಮಯ ನಿಗದಿಪಡಿಸಿಕೊಂಡಿರುತ್ತಾರೆ ಈ ಕ್ರಿಕೆಟಿಗರು. ಕೇವಲ ಕೊಹ್ಲಿ, ರಾಹುಲ್​ ಕಥೆಯಲ್ಲೇ ಬಹುತೇಕ ಕ್ರಿಕೆಟಿಗರು ವಿವಿಧ ತಳಿಯ ಶ್ವಾನಗಳನ್ನು ಹೊಂದಿದ್ದಾರೆ. ಇಂದು ಅಂತಾರಾಷ್ಟ್ರೀಯ ಶ್ವಾನಗಳ ದಿನಾಚರಣೆ ಹಿನ್ನೆಲೆಯಲ್ಲಿ ತಮ್ಮ ಶ್ವಾನಗಳೊಂದಿಗೆ ಪೋಸ್​ ನೀಡಿದ್ದಾರೆ ಕ್ರಿಕೆಟಿಗರು..

ಐಪಿಎಲ್​ನಲ್ಲಿ ಆಡಲು ಯುಎಇಯಲ್ಲಿರುವ ಆಟಗಾರರು ತಮ್ಮ ಶ್ವಾನಗಳೊಂದಿಗಿರುವ ಫೋಟೋಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಪ್ರಕಟಿಸಿದ್ದಾರೆ. ಜತೆಗೆ ಫ್ರಾಂಚೈಸಿಗಳಾದ ಆರ್​ಸಿಬಿ, ಡೆಲ್ಲಿ, ಮುಂಬೈ, ಸನ್​ರೈಸರ್ಸ್​ ಹಾಗು ಕಿಂಗ್ಸ್​ ಇಲೆವೆನ್​ ಪಂಜಾಬ್​ ತಂಡಗಳು ತಮ್ಮ ಅಧಿಕೃತ ಇನ್​ಸ್ಟಾಗ್ರಾಂನಲ್ಲಿ ಆಟಗಾರರು ಶ್ವಾನಗಳೊಂದಿಗೆ ಇರುವ ಚಿತ್ರಗಳನ್ನು ಪ್ರಕಟಿಸಿವೆ. ಅಲ್ಲದೆ, ಟೆನಿಸ್ ಆಟಗಾರ್ತಿ ಸೆರೇನಾ ವಿಲಿಯಮ್ಸ್, ಫುಟ್ ಬಾಲ್ ತಾರೆ ಲಿಯೊನೆಲ್ ಮೆಸ್ಸಿ ಕೂಡ ಶ್ವಾನ ಪ್ರೀತಿಯನ್ನು ಅನಾವರಣಗೊಳಿಸಿದ್ದಾರೆ.