ನವದೆಹಲಿ: ಭಾರತದ ಮೊದಲ ಅಮೃತ್ ಭಾರತ್ ರೈಲು (Amrit Bharat Express) ಇಂದು ಅಯೋಧ್ಯೆಯಿಂದ ದೆಹಲಿಗೆ ಹೊರಟಿದೆ. ವಂದೇ ಭಾರತ್ ರೈಲಿನ ಮಾದರಿಯಲ್ಲಿ ವಿನ್ಯಾಸಗೊಳಿಸಲಾದ ಇದು ದೇಶದ ಮೊದಲ ಪುಲ್-ಪುಶ್ ರೈಲು ಆಗಿದ್ದು, ಇದು ಎರಡು ಎಂಜಿನ್‌ಗಳನ್ನು ಹೊಂದಿರುತ್ತದೆ. ಇದರಲ್ಲಿ, ಎರಡನೇ ಎಂಜಿನ್ ರೈಲಿನ ಕೊನೆಯ ಕೋಚ್ ನಂತರ ಇರುತ್ತದೆ.
ಅಮೃತ್ ಭಾರತ್ ರೈಲಿಗೆ ವೇಗ ನೀಡಲು ಎರಡು ಎಂಜಿನ್ ಅಳವಡಿಸಲಾಗಿದೆ. ಈ ರೈಲು 130 ಕಿ.ಮೀ ವೇಗದಲ್ಲಿ ಹಳಿಗಳ ಮೇಲೆ ಚಲಿಸಲಿದೆ. ವರದಿಗಳ ಪ್ರಕಾರ, ಪ್ರತಿ ತಿಂಗಳು 20 ರಿಂದ 30 ಅಮೃತ್ ಭಾರತ್ ರೈಲುಗಳು ಓಡಲಿವೆ.
ಅಮೃತ್ ಭಾರತ್ ರೈಲಿನ ಒಳಭಾಗವು ತುಂಬಾ ವಿಶೇಷವಾಗಿದೆ. ಅಮೃತ್ ಭಾರತ್ ನಾನ್ ಎಸಿ ರೈಲಾಗಿದ್ದರೆ, ವಂದೇ ಭಾರತ್ ರೈಲು ಸಂಪೂರ್ಣ ಎಸಿ ರೈಲು. ರೈಲಿನ ಕೋಚ್ ಸಂಪೂರ್ಣವಾಗಿ ಗಾಜಿನಿಂದ ಮುಚ್ಚಲ್ಪಟ್ಟಿದೆ.
ರೈಲಿನಲ್ಲಿ ಸಾಮಾನುಗಳನ್ನು ಇಡಲು ಸಾಕಷ್ಟು ಸ್ಥಳಾವಕಾಶವಿದೆ. ಇದರ ಆಸನಗಳು ತುಂಬಾ ಆರಾಮದಾಯಕವಾಗಿದ್ದು, ದೂರದ ಪ್ರಯಾಣದಲ್ಲೂ ಜನರು ಸುಸ್ತಾಗದ ರೀತಿಯಲ್ಲಿ ರೈಲನ್ನು ವಿನ್ಯಾಸಗೊಳಿಸಲಾಗಿದೆ.
ಅಮೃತ್ ಭಾರತ್ ರೈಲುಗಳು ಜೀರೋ ಡಿಸ್ಚಾರ್ಜ್ FRP ಮಾಡ್ಯುಲರ್ ಶೌಚಾಲಯಗಳನ್ನು ಹೊಂದಿವೆ. ಅಮೃತ್ ಭಾರತ್ ರೈಲುಗಳನ್ನು ಚೆನ್ನೈನ ಇಂಟೆಗ್ರಲ್ ಕೋಚ್ ಫ್ಯಾಕ್ಟರಿ (ICF) ನಲ್ಲಿ ತಯಾರಿಸಲಾಗುತ್ತದೆ.
ಅಮೃತ್ ಭಾರತ್ ರೈಲಿನಲ್ಲಿ ಪ್ರಯಾಣಿಕರ ಅನುಕೂಲಕ್ಕಾಗಿ ಅನೇಕ ಮೊಬೈಲ್ ಚಾರ್ಜಿಂಗ್ ಪಾಯಿಂಟ್‌ಗಳನ್ನು ಒದಗಿಸಲಾಗಿದೆ. ಬದಿಯಲ್ಲಿ ಮೊಬೈಲ್ ಹೋಲ್ಡರ್ ಕೂಡ ನೀಡಲಾಗಿದೆ. ಇದರಿಂದ ಮೊಬೈಲ್‌ಗಳನ್ನು ಸುಲಭವಾಗಿ ಚಾರ್ಜ್ ಮಾಡಬಹುದು.
ಅಮೃತ್ ಭಾರತ್ ಎಕ್ಸ್‌ಪ್ರೆಸ್ ಅನ್ನು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. ಪ್ರಯಾಣದ ಸಮಯದಲ್ಲಿ ಪ್ರಯಾಣಿಕರು ನೂಕುನುಗ್ಗಲು ಆಗದ ರೀತಿಯಲ್ಲಿ ಇದರ ಕೋಚ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ.
6 ವಂದೇ ಭಾರತ್, 2 ಅಮೃತ್ ಭಾರತ್ ಎಕ್ಸ್‌ಪ್ರೆಸ್ಗೆ ಚಾಲನೆ ನೀಡಿದ ಮೋದಿ…ಮಾರ್ಗ, ಸಮಯ ಮತ್ತು ದರ ಎಷ್ಟು?