ಇವರಿಗ್ಯಾವ ಭವಿಷ್ಯ ನಿಧಿ ಎನ್ನುತ್ತೀರಾ?: ವ್ಯಾಸಂಗದ ಉದ್ದೇಶಗಳಿಗಾಗಿ ಆಗಮಿಸುವ ವಿದ್ಯಾರ್ಥಿಗಳಿಗೆ ಹಲವು ದೇಶಗಳು ತಮ್ಮಲ್ಲಿ ಉದ್ಯೋಗ ಮಾಡುವ ಅವಕಾಶವನ್ನು ಕಲ್ಪಿಸಿವೆ. ವಿದೇಶ ವ್ಯಾಸಂಗದ ಪ್ರಮುಖ ಆಕರ್ಷಣೆ ಕೂಡ ಇದಾಗಿದೆ. ವ್ಯಾಸಂಗದೊಂದಿಗೆ ಉದ್ಯೋಗಕ್ಕೂ ಅವಕಾಶವಿರುವುದರಿಂದ ಹಲವರು ವ್ಯಾಸಂಗಕ್ಕಾಗಿ ವ್ಯಯಿಸಬೇಕಾದ ಮೊತ್ತವನ್ನು ಅಲ್ಲಿ ಅರೆಕಾಲಿಕ ಉದ್ಯೋಗ ಮಾಡುವುದರೊಂದಿಗೆ ಸಂಪಾದಿಸುತ್ತಾರೆ. ಅಂತೆಯೇ ಆಸ್ಟ್ರೇಲಿಯಾದ ಸೂಪರ್ ಮಾರ್ಕೆಟ್, ಹಿರಿಯರ ಆರೈಕೆ ಕೇಂದ್ರಗಳು ಹಾಗೂ ನರ್ಸಿಂಗ್ ವಿದ್ಯಾರ್ಥಿಗಳಿಗೆ ಆಸ್ಪತ್ರೆಗಳಲ್ಲಿ ಕಾರ್ಯ ನಿರ್ವಹಿಸಲು ಅವಕಾಶವಿದೆ. ಈ ಅವಧಿಯಲ್ಲಿ ಭವಿಷ್ಯ ನಿಧಿ ಯೋಜನೆಯನ್ನು ಹೊಂದುವುದು ಕಡ್ಡಾಯ. ಪ್ರಸ್ತುತ ಒಂದು ವರ್ಷದಿಂದ ಆಸ್ಟ್ರೇಲಿಯಾದಲ್ಲಿದ್ದು, ಭವಿಷ್ಯ ನಿಧಿ ಮೊತ್ತ ಪಾವತಿಸುತ್ತಿದ್ದವರು ಕರೊನಾ ಸಂಕಷ್ಟದ ಸಮಯದಲ್ಲಿ ಅದನ್ನು ಬಳಸಿಕೊಳ್ಳಲು ಅವಕಾಶ ನೀಡಿದೆ ಆಸ್ಟ್ರೇಲಿಯಾ ಸರ್ಕಾರ. ಇದಲ್ಲದೇ, ವಿದೇಶಿ ವಿದ್ಯಾರ್ಥಿಗಳ ಕೆಲಸದ ಅವಧಿಯನ್ನು 15 ದಿನಕ್ಕೆ 40 ತಾಸು ಎಂದು ನಿಗದಿಪಡಿಸಲಾಗಿದೆ. ಅಂದರೆ ದಿನಕ್ಕೆ ಮೂರು ತಾಸಿಗಿಂತಲೂ ಕಡಿಮೆ ಕೆಲಸ ಮಾಡಿದರೆ ಸಾಕು.
