ಮೀನುಗಾರರ ಹತ್ಯೆ ಪ್ರಕರಣದಲ್ಲಿ ಭಾರತದ ಪರ ತೀರ್ಪು ನೀಡಿದ ಅಂತಾರಾಷ್ಟ್ರೀಯ ನ್ಯಾಯಾಲಯ

ನವದೆಹಲಿ: ಭಾರತವು ಅಂತಾರಾಷ್ಟ್ರೀಯ ನ್ಯಾಯಾಲಯದಲ್ಲಿ ಇಟಲಿ ನಾವಿಕರ ವಿರುದ್ಧ ಪ್ರಕರಣವನ್ನು ಜಯಿಸಿದೆ.

ಇಟಲಿ ನಾವಿಕರು ಅಂತಾರಾಷ್ಟ್ರೀಯ ಕಾಯ್ದೆ ಉಲ್ಲಂಘಿಸಿದ್ದಾರೆ. ಈ ಕಾರಣದಿಂದಾಗಿ 2012ರಲ್ಲಿ ಅವರಿಂದ ಹತ್ಯೆಗೀಡಾದ ಇಬ್ಬರು ಭಾರತೀಯ ಮೀನುಗಾರರಿಗಾಗಿ ಪರಿಹಾರ ಸ್ವೀಕರಿಸುವ ಹಕ್ಕು ಭಾರತ ಹೊಂದಿದೆ ಎಂದು ನ್ಯಾಯಾಲಯ ಹೇಳಿದೆ.

ಕೇರಳ ಸಮುದ್ರದಲ್ಲಿ 2012ರ ಫೆಬ್ರವರಿ 15ರಂದು ಇಟಲಿ ನಾವಿಕರು ಇಬ್ಬರು ಮೀನುಗಾರರನ್ನು ಹತ್ಯೆ ಮಾಡಿದ್ದರು. ಇದರ ವಿಚಾರಣೆ ಹೇಗ್​ ಅಂತಾರಾಷ್ಟ್ರೀಯ ನ್ಯಾಯಾಲಯದಲ್ಲಿ ನಡೆಯುತ್ತಿತ್ತು. ಇದರ ತೀರ್ಪು ಭಾರತದ ಪರವಾಗಿ ಬಂದಿದೆ ಎಂದು ವಿದೇಶಾಂಗ ಇಲಾಖೆ ಮಾಹಿತಿ ನೀಡಿದೆ.

ಇದನ್ನೂ ಓದಿ; ಫೇರ್​ ಆ್ಯಂಡ್​ ಲವ್ಲೀ ಹೆಸರು ಬದಲಾಯಿಸಿದ ಹಿಂದುಸ್ತಾನ್​ ಯುನಿಲೀವರ್​ 

ವಿಶ್ವಸಂಸ್ಥೆಯ ಸಮುದ್ರ ಕಾಯ್ದೆ ಪ್ರಕಾರ ಸಮುದ್ರದಲ್ಲಿ ಸಂಚರಿಸುವ ಭಾರತದ ಸ್ವಾತಂತ್ರ್ಯವನ್ನು ಇಟಲಿ ಉಲ್ಲಂಘಿಸಿದೆ ಎಂದು ನ್ಯಾಯಾಲಯ ಅಭಿಪ್ರಾಯಪಟ್ಟಿದೆ.

ಭಾರತದ ಮೀನುಗಾರಿಕಾ ದೋಣಿ ಸೇಂಟ್​ ಅಂಥೋನಿ ಹಾಗೂ ಇಟಲಿಯ ಎನ್ರಿಕಾ ಲೆಕ್ಸಿ ಹಡಗು ಒಳಗೊಂಡ ಪ್ರಕರಣ ಇದಾಗಿತ್ತು. ಇಟಲಿಯ ನಾವಿಕರು ಗುಂಡು ಹಾರಿಸಿ ಇಬ್ಬರು ಮೀನುಗಾರರನ್ನು ಕೊಂದಿದ್ದರು. ಇವರನ್ನು ಭಾರತ ವಶಕ್ಕೆ ಪಡೆದಿತ್ತು. ಅಂತಾರಾಷ್ಟ್ರೀಯ ಮಟ್ಟದಲ್ಲೂ ಇದು ಭಾರಿ ಚರ್ಚೆಗೆ ಕಾರಣವಾಗಿದ್ದಲ್ಲದೇ, ಭಾರತ- ಇಟಲಿ ನಡುವೆ ವೈಷಮ್ಯಕ್ಕೂ ದಾರಿ ಮಾಡಿ ಕೊಟ್ಟಿತ್ತು.

https://www.vijayavani.net/coronavirus-pandemic-will-end-naturally-oxford-expert-explains/