ನವದೆಹಲಿ: ಚೀನಾದ ಹ್ಯಾಂಗ್ಝೌನಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್ ಕ್ರೀಡಾಕೂಟದ ಸೇಲಿಂಗ್ನಲ್ಲಿ ಭಾರತದ ನೇಹಾ ಠಾಕೂರ್ ಬೆಳ್ಳಿ ಪದಕ ಗೆದ್ದಿದ್ದಾರೆ. ಮಹಿಳೆಯರ ಡಿಂಘಿ ILCA-4ರಲ್ಲಿ ನೇಹಾ ಈ ಸಾಧನೆ ಮಾಡಿದ್ದಾರೆ. ಭಾರತದಕ್ಕೆ ಇದು ಒಟ್ಟಾರೆಯಾಗಿ 12ನೇ ಪದಕವಾಗಿದೆ.
16 ಅಂಕ ಗಳಿಸುವ ಮೂಲಕ ಥಾಯ್ಲೆಂಡ್ನ ನೊಪಾಸ್ಸೋರ್ನ್ ಖುನ್ಬೂಂಜಾನ್ ಚಿನ್ನ ಗೆದ್ದಿದ್ದಾರೆ. ಭೋಪಾಲ್ನ ನ್ಯಾಷನಲ್ ಸೇಲಿಂಗ್ ಸ್ಕೂಲ್ನ ವಿದ್ಯಾರ್ಥಿನಿಯಾಗಿರುವ ನೇಹಾ ಠಾಕೂರ್ 32 ಅಂಕ ಗಳಿಸುವ ಮೂಲಕ ಎರಡನೇ ಸ್ಥಾನ ಪಡೆದಿದ್ದಾರೆ. ಅವರ ನೆಟ್ಸ್ಕೋರ್ 27 ಆಗಿದ್ದರಿಂದ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟರು. 28 ನೆಟ್ಸ್ಕೋರ್ ಗಳಿಸಿದ್ದ ಸಿಂಗಾಪುರದ ಕೀರಾ ಮೇರಿ ಕಾರ್ಲೈಲ್ ನೆಟ್ಸ್ಕೋರ್ ಕಂಚಿನ ಪದಕ ಗೆದ್ದಿದ್ದಾರೆ.
ಇದನ್ನೂ ಓದಿ: ಎಐಎಡಿಎಂಕೆ-ಬಿಜೆಪಿ ಮೈತ್ರಿ ಕಡಿತ; ಕಳ್ಳರು ಯಾವತ್ತಿದ್ದರೂ ಒಂದೇ ಎಂದು ವ್ಯಂಗ್ಯವಾಡಿದ ತಮಿಳುನಾಡು ಸಚಿವ ಉದಯನಿಧಿ ಸ್ಟಾಲಿನ್
ಮಹಿಳೆಯರ ಡಿಂಘಿ ILCA-4ರ ವಿಭಾಗದಲ್ಲಿ ಒಟ್ಟು 11 ರೇಸ್ಗಳನ್ನು ಒಳಗೊಂಡಿದೆ. ಒಟ್ಟು 32 ಅಂಕ ಗಳಿಸುವ ಮೂಲಕ ನೇಹಾ ತಮ್ಮ ಸ್ಪರ್ಧೆಯನ್ನು ಮುಗಿಸಿದ್ದರು. ಐದನೇ ರೇಸ್ನಲ್ಲಿ 5 ಅಂಕ ಗಳಿಸುವ ಮೂಲಕ 27 ನೆಟ್ಸ್ಕೋರ್ನೊಂದಿಗೆ ಆಟ ಮುಗಿಸಿದರು. ಸೇಲಿಂಗ್ನಲ್ಲಿ ನೆಟ್ ಸ್ಕೋರ್ಅನ್ನು ಎಲ್ಲಾ ರೇಸ್ಗಳಿಂದ ಕಡಿಮೆ ಅಂಕಗಳಿಂದ ಕಳೆಯಲಾಗುತ್ತದೆ. ಕಡಿಮೆ ನೆಟ್ ಸ್ಕೋರ್ ಹೊಂದಿರುವವರನ್ನು ಸ್ಪರ್ಧೆಯ ವಿಜೇತರೆಂದು ಘೋಷಿಸಲಾಗುತ್ತದೆ.