ಇಂಗ್ಲೆಂಡ್​ ಆಟಗಾರರಿಗೆ ಅಂಪೈರ್ ಹೇಳಿದ್ದೇನು? ಆ ಸನ್ನೆಯ ಅರ್ಥವೇನು? ಟೀಮ್​ ಇಂಡಿಯಾ ಅಭಿಮಾನಿಗಳ ಆಕ್ರೋಶ! IND vs ENG

IND vs ENG : ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಐದು ಪಂದ್ಯಗಳ ಟೆಸ್ಟ್ ಸರಣಿಯ ಕೊನೆಯ ಪಂದ್ಯ ಗುರುವಾರ ಓವಲ್‌ನಲ್ಲಿ ಆರಂಭವಾಯಿತು. ಟಾಸ್ ಗೆದ್ದ ಇಂಗ್ಲೆಂಡ್ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿತು. ಮೊದಲು ಬ್ಯಾಟಿಂಗ್ ಆರಂಭಿಸಿರುವ ಭಾರತಕ್ಕೆ ಮೊದಲ ದಿನದಾಟದಲ್ಲಿ ಮಳೆ ಅಡಚಣೆ ಮಾಡಿತು. ಇದರಿಂದ ಭಾರತದ ಬ್ಯಾಟ್ಸ್‌ಮನ್‌ಗಳು ತೊಂದರೆಗೊಳಗಾದರು. ಪರಿಣಾಮವಾಗಿ, ಪ್ರಮುಖ ಬ್ಯಾಟ್ಸ್‌ಮನ್‌ಗಳನ್ನು ಕಡಿಮೆ ರನ್​ಗೆ ಔಟ್​ ಆದರು. ಆದಾಗ್ಯೂ, ಈ ಪಂದ್ಯದಲ್ಲಿ ಅಂಪೈರ್ ಕುಮಾರ್ ಧರ್ಮಸೇನ ಅವರ ನಿರ್ಧಾರ ವಿವಾದಾಕ್ಕೆ ಗುರಿಯಾಗಿದೆ.

ಶ್ರೀಲಂಕಾದ ಅಂಪೈರ್ ಕುಮಾರ್ ಧರ್ಮಸೇನ ಮಾಡಿದ ತಪ್ಪಿನ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಇದೀಗ ವೈರಲ್ ಆಗುತ್ತಿದೆ. ವಿಡಿಯೋ ನೋಡಿದ ಟೀಮ್ ಇಂಡಿಯಾ ಅಭಿಮಾನಿಗಳು ಜಾಲತಾಣದಲ್ಲಿ ಅಂಪೈರ್ ವರ್ತನೆಯ ವಿರುದ್ಧ ತಮ್ಮ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಐಸಿಸಿ, ಧರ್ಮಸೇನ ವಿರುದ್ಧ ತಕ್ಷಣ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸುತ್ತಿದ್ದಾರೆ. ಅಷ್ಟಕ್ಕೂ ನಿನ್ನೆ ಏನಾಯಿತು ಎಂಬುದನ್ನು ನಾವೀಗ ತಿಳಿದುಕೊಳ್ಳೋಣ.

ಭಾರತದ ಇನ್ನಿಂಗ್ಸ್‌ನ 13ನೇ ಓವರ್‌ನಲ್ಲಿ ಇಂಗ್ಲೆಂಡ್ ಬೌಲರ್ ಜೋಶ್ ಟಾಂಗ್ ಬೌಲಿಂಗ್ ಮಾಡುತ್ತಿದ್ದರು. ಈ ವೇಳೆ ಸಾಯಿ ಸುದರ್ಶನ್ ಕ್ರೀಸ್‌ನಲ್ಲಿದ್ದರು. ಆ ಓವರ್‌ನಲ್ಲಿ ಟಾಂಗ್​ ಅವರು ಫುಲ್​ಟಾಸ್ ಬೌಲಿಂಗ್ ಮಾಡಿದರು. ವೇಗದ ಚೆಂಡನ್ನು ಎದುರಿಸುವಾಗ ಸಾಯಿ ಸುದರ್ಶನ್ ಕೆಳಗೆ ಬಿದ್ದರು. ಆದರೆ, ಚೆಂಡು ಬ್ಯಾಟ್‌ಗೆ ತಗುಲಿತು. ಇದನ್ನು ಗಮನಿಸದ ಇಂಗ್ಲೆಂಡ್ ಆಟಗಾರರು, ಚೆಂಡು ನೇರವಾಗಿ ಪ್ಯಾಡ್‌ಗಳಿಗೆ ತಗುಲಿದೆ ಎಂದು ಭಾವಿಸಿ ಎಲ್‌ಬಿಡಬ್ಲ್ಯೂಗೆ ಸಾಕಷ್ಟು ಜೋರಾಗಿ ಮನವಿ ಮಾಡಿದರು.

ಇದನ್ನೂ ಓದಿ: ಈ 3 ರಾಶಿಯಲ್ಲಿ ಜನಿಸಿದವರು ಯಾರೋಬ್ಬರ ಬಗ್ಗೆಯೂ ಯೋಚಿಸುವುದಿಲ್ಲವಂತೆ! ನೀವು ಇದೇ ರಾಶಿನಾ? Zodiac Signs

ಆದಾಗ್ಯೂ, ಅಂಪೈರ್ ಕುಮಾರ್ ಧರ್ಮಸೇನ 15 ಸೆಕೆಂಡುಗಳ ಡಿಆರ್‌ಎಸ್ ಟೈಮರ್ ಅವಧಿ ಮುಗಿಯುವ ಮೊದಲೇ ಚೆಂಡು ಒಳಗೆ ಅಂಚಿಗೆ ಹೋಗಿದೆ ಎಂದು ಬೆರಳುಗಳಿಂದ ಸನ್ನೆ ಮಾಡಿ ಹೇಳಿದರು. ಅಂಪೈರ್ ಸಿಗ್ನಲ್ ಗಮನಿಸಿದ ಟಾಂಗ್​, ಇಂಗ್ಲೆಂಡ್ ನಾಯಕನಿಗೆ ತಕ್ಷಣವೇ ಎಚ್ಚರಿಕೆ ನೀಡಿದರು. ಹೀಗಾಗಿ ಅವರು ಯಾವುದೇ ರಿವ್ಯೂಗೆ ಹೋಗಲಿಲ್ಲ.

ಇಂಗ್ಲೆಂಡ್ ತಂಡ ಡಿಆರ್‌ಎಸ್ ಕೇಳಿದ್ದರೆ, ಅವರು ವಿಮರ್ಶೆಯನ್ನು ಕಳೆದುಕೊಳ್ಳುತ್ತಿದ್ದರು. ಆದರೆ, ಅಂಪೈರ್ ಧರ್ಮಸೇನ ಅವರ ಸನ್ನೆಯಿಂದ ಅವರು ವಿಮರ್ಶೆಯನ್ನು ಉಳಿಸಿಕೊಂಡರು. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿರುವಾಗ ನೆಟ್ಟಿಗರು ಅಂಪೈರ್ ವರ್ತನೆಯ ಬಗ್ಗೆ ತಮ್ಮ ಕೋಪ ವ್ಯಕ್ತಪಡಿಸುತ್ತಿದ್ದಾರೆ. ಅವರನ್ನು ಕೂಡಲೇ ಪಂದ್ಯದಿಂದ ತೆಗೆದುಹಾಕಬೇಕೆಂದು ಅವರು ಒತ್ತಾಯಿಸುತ್ತಿದ್ದಾರೆ.

ಶ್ರೀಲಂಕಾದ ಅಂಪೈರ್ ಕುಮಾರ್ ಧರ್ಮಸೇನ, ನಿಯಮಗಳಿಗೆ ವಿರುದ್ಧವಾಗಿ ವರ್ತಿಸಿದ್ದಾರೆ ಎಂದು ವಿಡಿಯೋ ಸ್ಪಷ್ಟವಾಗಿ ತೋರಿಸುತ್ತಿರುವುದರಿಂದ ಐಸಿಸಿ ಅವರ ವಿರುದ್ಧ ಕ್ರಮ ಕೈಗೊಳ್ಳಲು ಸಿದ್ಧವಾಗಿದೆ ಎಂದು ತಿಳಿದಿದೆ. ಆದಾಗ್ಯೂ, ಯಾವ ಕ್ರಮ ಕೈಗೊಳ್ಳಲಾಗುತ್ತದೆ ಎಂಬುದನ್ನು ಕಾದು ನೋಡಬೇಕಾಗಿದೆ. (ಏಜೆನ್ಸೀಸ್​)

https://www.vijayavani.net/health-tips-want-to-look-young-and-beautiful-just-include-these-fruits-in-your-diet

https://www.vijayavani.net/australian-all-rounder-hits-18-balls-in-an-over-sets-embarrassing-world-record-video