"ನಮ್ಮವರು..." ಟೀಮ್ ಇಂಡಿಯಾ ವಿರುದ್ಧ ಹೀನಾಯ ಸೋಲು; ಮನಬಿಚ್ಚಿ ಮಾತನಾಡಿದ ಬೆನ್​​​ ಸ್ಟೋಕ್ಸ್ | IND vs ENG

IND vs ENG: ಟೀಮ್ ಇಂಡಿಯಾ ವಿರುದ್ಧದ ಐದು ಪಂದ್ಯಗಳ ಟೆಸ್ಟ್ ಸರಣಿ ಸೋತ ಇಂಗ್ಲೆಂಡ್​, ನಡೆಸಿದ ಶತಾಯಗತಾಯ ಪ್ರಯತ್ನಗಳು ಕಡೆಗೂ ವಿಫಲಗೊಂಡಿತು. ಶುಭಮನ್ ಗಿಲ್ ಪಡೆ ಎದುರು ಮಂಡಿಯೂರಿದ ಬೆನ್​ ಸ್ಟೋಕ್ಸ್​ ಪಡೆಗೆ ತವರಿನಲ್ಲಿ ಭಾರೀ ಮುಖಭಂಗವೇ ಉಂಟಾಗಿದೆ. ದಿ ಓವಲ್‌ನಲ್ಲಿ ನಡೆದ ಆಂಡರ್ಸನ್-ತೆಂಡೂಲ್ಕರ್ ಟ್ರೋಫಿಯ ಐದನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಭಾರತ 6 ರನ್‌ಗಳಿಂದ ಐತಿಹಾಸಿಕ ಗೆಲುವು ಸಾಧಿಸಿತು.

ಇದನ್ನೂ ಓದಿ: ಆತಂಕ ಮೂಡಿಸಿದ ಮಕ್ಕಳ ನಾಪತ್ತೆ ಪ್ರಕರಣ: ಮರಳಿ ಮನೆಯಂಗಳಕ್ಕೆ ಕಾಲಿಟ್ಟ 126 ಮಕ್ಕಳು| Missing case

ಕೊನೆಯವರೆಗೂ ನಡೆದ ರೋಚಕ ಹಣಾಹಣಿಯಲ್ಲಿ ಭಾರತ ತನ್ನ ಎದುರಾಳಿಗಳನ್ನು ಮಣಿಸಿ, ಸರಣಿಯನ್ನು 2-2ರಿಂದ ಸಮಬಲಗೊಳಿಸಿತು. ಇತ್ತ ಗಿಲ್ ಪಡೆ ಖುಷಿಯಲ್ಲಿ ತೇಲಾಡುತ್ತಿದ್ದರೆ, ಅತ್ತ ಇಂಗ್ಲೆಂಡ್ ತಂಡದ ನಾಯಕ ಬೆನ್​ ಸ್ಟೋಕ್ಸ್​ ಅತೀವ ಬೇಸರದಲ್ಲೇ ಪೆವಿಲಿಯನ್​ಗೆ ಮರಳಿದರು. ಸೋಲಿನ ಬಳಿಕ ಪಂದ್ಯ ಕುರಿತಂತೆ ಮಾತನಾಡಿದ ಸ್ಟೋಕ್ಸ್​, "ಪಂದ್ಯವನ್ನಾಡದೆ ಡ್ರೆಸ್ಸಿಂಗ್ ರೂಮ್​ಗೆ ಹೋಗೋದು ಕಷ್ಟಕರ" ಎಂದರು.

"ಎರಡೂ ತಂಡಗಳು ಗೆಲುವಿಗಾಗಿ ಭಾರೀ ಪೈಪೋಟಿ ನಡೆಸಿವೆ. ಈ ಪಂದ್ಯವೂ ಐದು ದಿನಗಳ ಕಾಲ ನಡೆಯಿತು. ಕೊನೆಯವರೆಗೂ ಹೋರಾಡಿದರೂ, ಈ ಪಂದ್ಯವನ್ನು ಗೆಲ್ಲಲು ಸಾಧ್ಯವಾಗದಿರುವುದು ತೀರ ಬೇಸರ ತಂದೊಡ್ಡಿದೆ. ಆದಾಗ್ಯೂ, ಇಂಗ್ಲೆಂಡ್ ತಂಡದ ಬಗ್ಗೆ ನನಗೆ ಹೆಮ್ಮೆಯಿದೆ. ಇಂಜುರಿಯಿಂದ ಬಳಲುತ್ತಿದ್ದರೂ ಕ್ರೀಡಾಸ್ಫೂರ್ತಿ ತೋರಿದ ಕ್ರಿಸ್ ವೋಕ್ಸ್​ಗೆ ಶ್ಲಾಘಿಸಲೇಬೇಕು. ಕಡೆಯ ದಿನ ತಮ್ಮ ಮುರಿದ ತೋಳಿನಲ್ಲೇ ಬ್ಯಾಟಿಂಗ್ ಮಾಡಲು ಕ್ರೀಸ್​ಗೆ ಬಂದಿದ್ದು, ನಿಜಕ್ಕೂ ನನಗೆ ಆಶ್ಚರ್ಯ ಉಂಟುಮಾಡಿತು" ಎಂದರು.

ಇದನ್ನೂ ಓದಿ: ಮಗನ ಬಣ್ಣದ ಬಗ್ಗೆ ಟ್ರೋಲ್‌ ಮಾಡಿದವರ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾದ ನಟಿ ದೇವೋಲೀನಾ ಭಟ್ಟಾಚಾರ್ಜಿ!Devoleena Bhattacharjee

"ಈ ಸರಣಿ ವೇಳೆ ಮೈದಾನದಲ್ಲಿ ಸಾಕಷ್ಟು ಘಟನೆಗಳು ನಡೆದಿವೆ. ಎರಡೂ ತಂಡಗಳ ಆಟಗಾರರು ಕೆಲವೊಮ್ಮೆ ತಾಳ್ಮೆ ಕಳೆದುಕೊಂಡಿದ್ದಾರೆ. ಅಂತಹ ಘಟನೆಗಳ ಬಗ್ಗೆ ನಾವು ಚರ್ಚಿಸುತ್ತ ಕುಳಿತುಕೊಳ್ಳಲು ಸಾಧ್ಯವಿಲ್ಲ. ಯಾಕಂದ್ರೆ, ಇದೆಲ್ಲವೂ ಆಟದ ಒಂದು ಭಾಗ. ಪ್ರಾಮಾಣಿಕವಾಗಿ ಹೇಳಬೇಕೆಂದರೆ, ನಾವೆಲ್ಲರೂ ಮೈದಾನದ ಹೊರಗೆ ಸ್ನೇಹಿತರೆ. ಕ್ರಿಕೆಟ್ ಅಭಿಮಾನಿಯ ದೃಷ್ಟಿಕೋನದಿಂದ, ಸರಣಿ 2-2ರಲ್ಲಿ ಕೊನೆಗೊಂಡಿರುವುದು ಸತ್ಯ. ಆದರೆ, ನಮಗೆ ಅಪೇಕ್ಷಿತ ಫಲಿತಾಂಶ ಸಿಗದೆ ಹೋಗಿದ್ದು, ನಿರಾಶೆ ಮೂಡಿಸಿದೆ. ತಂಡದಲ್ಲಿರುವ ಬಹುತೇಕರು ತಾಳ್ಮೆ ಕಳೆದುಕೊಂಡಿದ್ದಾರೆ" ಎಂದು ಸ್ಟೋಕ್ಸ್ ತಮ್ಮ ಮನದಾಳದ ಮಾತನ್ನು ಹಂಚಿಕೊಂಡರು,(ಏಜೆನ್ಸೀಸ್).

https://www.vijayavani.net/cyber-fraud-man-loses-52-lakhs