ಬೆಂಗಳೂರು: ಹಾಲಿ ವರ್ಷದ ವಿವಿಧ ಟಿ20 ಲೀಗ್ಗಳಲ್ಲಿ ಹೊಸ ತಂಡಗಳ ಗೆಲುವಿನ ಟ್ರೆಂಡಿಂಗ್ ಮುಂದುವರಿದಿದೆ. ಆಸ್ಟ್ರೆಲಿಯಾದ ಬಿಗ್ಬಾಷ್ ಲೀಗ್ನಲ್ಲಿ ಹೋರ್ಬಟ್ ಹರಿಕೇನ್ ಮೊದಲ ಬಾರಿ ಚಾಂಪಿಯನ್ ಆಗಿದ್ದರೆ, ದಕ್ಷಿಣ ಆಫ್ರಿಕಾದ ಎಸ್ಎ20ಯಲ್ಲಿ ಎಂಐ ಕೇಪ್ಟೌನ್ ಮೊದಲ ಬಾರಿ ಪ್ರಶಸ್ತಿ ಜಯಿಸಿತ್ತು. ಇದೀಗ ಯುಎಇಯ ಐಎಲ್ಟಿ20ಯಲ್ಲೂ ದುಬೈ ಕ್ಯಾಪಿಟಲ್ಸ್ ಮೊದಲ ಬಾರಿ ಪ್ರಶಸ್ತಿ ಜಯಿಸಿದೆ.
ಇದರ ಬೆನ್ನಲ್ಲೇ ಐಪಿಎಲ್ನಲ್ಲೂ ಇದೇ ಟ್ರೆಂಡ್ ಮುಂದುವರಿಯುವುದೇ ಎಂದು ಕ್ರಿಕೆಟ್ ಪ್ರೇಮಿಗಳಲ್ಲಿ ಕುತೂಹಲ ಮೂಡಿದೆ. ಜತೆಗೆ ಆರ್ಸಿಬಿ, ಪಂಜಾಬ್ ಕಿಂಗ್ಸ್, ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಲಖನೌ ಸೂಪರ್ಜೈಂಟ್ಸ್ ಅಭಿಮಾನಿಗಳು “ಈ ಸಲ ಕಪ್ ನಮ್ದೇ’ ಎಂದು ಹೇಳಲಾರಂಭಿಸಿದ್ದಾರೆ.
ಐಪಿಎಲ್ನಲ್ಲಿ ಆಡುವ ಇತರ 6 ತಂಡಗಳು (ಮುಂಬೈ, ಸಿಎಸ್ಕೆ, ರಾಜಸ್ಥಾನ, ಕೆಕೆಆರ್, ಗುಜರಾತ್, ಸನ್ರೈಸರ್ಸ್) ಈಗಾಗಲೆ ಕನಿಷ್ಠ ಒಮ್ಮೆಯಾದರೂ ಪ್ರಶಸ್ತಿ ಗೆದ್ದಿರುವ ತಂಡಗಳಾಗಿವೆ.
ಶ್ರೀಲಂಕಾ ಸ್ಪಿನ್ ದಿಗ್ಗಜ ಮುತ್ತಯ್ಯ ಮುರಳೀಧರನ್ ಸಹಯೋಗದಲ್ಲಿ ಕ್ರೀಡಾ ಪಾನೀಯ ಸ್ಪಿನ್ನರ್ ಬಿಡುಗಡೆ