ಅಶ್ವಿನ್ ಅವರು ವಿಕೆಟ್ ಕಬಳಿಸದೇ ಇದ್ದರೆ ಮುಂದಿನ ಐಪಿಎಲ್ ಹರಾಜಿನಲ್ಲಿ ಯಾವುದೇ ತಂಡ ಅವರನ್ನು ಖರೀದಿಸುವುದಿಲ್ಲ ಮತ್ತು ಅವರು ಮಾರಾಟವಾಗದ ಆಟಗಾರನಾಗಿ ಉಳಿಯುತ್ತಾರೆ ಎಂದು ವೀರೂ ಟೀಕಿಸಿದರು. ಈ ಸೀಸನ್ನಲ್ಲಿ ಒಟ್ಟು 8 ಪಂದ್ಯಗಳನ್ನು ಆಡಿರುವ ಅಶ್ವಿನ್ ಎರಡು ವಿಕೆಟ್ಗಳನ್ನು ಮಾತ್ರ ಪಡೆದಿದ್ದಾರೆ. ಒಟ್ಟು 31 ಓವರ್ ಎಸೆದಿರುವ ಅಶ್ವಿನ್, 279 ರನ್ ನೀಡಿದ್ದಾರೆ. ಹಿರಿಯ ಸ್ಪಿನ್ನರ್ ಆಗಿ ಅಶ್ವಿನ್ ಅವರು ನೀಡಬೇಕಿದ್ದ ಪ್ರದರ್ಶನ ಇದಲ್ಲ ಎನ್ನುವ ಮೂಲಕ ಸೆಹ್ವಾಗ್, ಅಶ್ವಿನ್ ಅವರ ಪ್ರದರ್ಶನದ ಬಗ್ಗೆ ಲೇವಡಿ ಮಾಡಿದರು. ಸದ್ಯ ಸೆಹ್ವಾಗ್ ಅವರ ಕಾಮೆಂಟ್ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ವೀರೂ ನೇರವಾಗಿ ಮಾತನಾಡಿರುವುದು ಕೆಲ ಕ್ರಿಕೆಟ್ ಅಭಿಮಾನಿಗಳಿಗೂ ಇಷ್ಟವಾಗಿಲ್ಲ.
