ಆಡಳಿತಾತ್ಮಕ ವಿಷಯದಲ್ಲಿ ಈಗಾಗಲೆ ಭಾರತ, ಇಂಗ್ಲೆಂಡ್, ಆಸ್ಟ್ರೇಲಿಯಾದಂಥ ಬಲಿಷ್ಠ ಕ್ರಿಕೆಟ್ ಮಂಡಳಿಗಳನ್ನು ಎದುರು ಹಾಕಿಕೊಂಡಿರುವ ಸಾವ್ನೆಯನ್ನು ಐಸಿಸಿಯಿಂದ ಹೊರಹಾಕಲು, ಈ ದುರ್ವರ್ತನೆಯ ಪ್ರಕರಣ ಪ್ರಮುಖ ಅಸವಾಗಲಿದೆ. 56 ವರ್ಷದ ಮನು ಸಾವ್ನೆಯ ನಿರಂಕುಶ ವರ್ತನೆಯ ಬಗ್ಗೆ ಐಸಿಸಿಯ ಹಲವು ಸಿಬ್ಬಂದಿ ದೂರು ನೀಡಿದ್ದರು. ಈ ಸಂಬಂಧ ಐಸಿಸಿ ನಡೆಸಿದ ಆಂತರಿಕ ಪರಾಮರ್ಶೆಯಲ್ಲಿ ಸಾವ್ನೆ ವಿರುದ್ಧ ಸಾಕ್ಷ್ಯಧಾರಗಳು ದೊರೆತಿವೆ. ಕುಟುಂಬ ಸದಸ್ಯರೊಬ್ಬರು ಕರೊನಾ ಪಾಸಿಟಿವ್ ಆದ ಹಿನ್ನೆಲೆಯಲ್ಲಿ ಸಾವ್ನೆ ಕಳೆದ ಒಂದು ವಾರದಿಂದ ಮನೆಯಿಂದಲೂ ಕೆಲಸ ನಿರ್ವಹಿಸುತ್ತಿದ್ದರು. ಸಾವ್ನೆ ಗೈರಿನಲ್ಲಿ ಐಸಿಸಿ ಪ್ರಧಾನ ವ್ಯವಸ್ಥಾಪಕ ಜೆಫ್ ಅಲರ್ಡೈಸ್ ಹಂಗಾಮಿ ಸಿಇಒ ಆಗಿ ಕಾರ್ಯನಿರ್ವಹಿಸಲಿದ್ದಾರೆ.
