ಆನ್​ಲೈನ್​ ಗೇಮ್​ ಆಡಲು ಹೋಗಿ 36 ಲಕ್ಷ ರೂ. ಕಳೆದುಕೊಂಡ ಪೊಲೀಸ್​ ಅಧಿಕಾರಿ ಮಗ!

ಹೈದರಾಬಾದ್​: ಇತ್ತೀಚಿನ ದಿನಗಳಲ್ಲಿ ಆನ್​ಲೈನ್​ ಗೇಮಿಂಗ್​ ಗೀಳಿಗೆ ಮಕ್ಕಳು ಹೆಚ್ಚು ಬಲಿಯಾಗುತ್ತಿದ್ದು, ಅವರ ತಂದೆ-ತಾಯಿಗಳ ಬ್ಯಾಂಕ್​ ಖಾತೆಯಿಂದ ಅಪಾರ ಪ್ರಮಾಣದ ಹಣವನ್ನು ಹಾಳು ಮಾಡುತ್ತಿರುವ ಪ್ರಕರಣಗಳು ಬೆಳಕಿಗೆ ಬರುತ್ತಿವೆ.

ಇದೀಗ ಪ್ರಕರಣ ಒಂದರಲ್ಲಿ ಬಾಲಕನೋರ್ವ ಆನ್​ಲೈನ್​ನಲ್ಲಿ ಗೇಮ್​ ಆಡುವ ವೇಳೆ ತನ್ನ ತಾಯಿಯ ಬ್ಯಾಂಕ್​ ಖಾತೆಯಿಂದ 36 ಲಕ್ಷ ರೂ. ಅನ್ನು ಕಳೆದಿರುವುದು ಬೆಳಕಿಗೆ ಬಂದಿದೆ. ಘಟನೆಯೂ ತೆಲಂಗಾಣದ ಹೈದರಾಬಾದಿನ ಅಂಬರ್​ಪೇಟ್​ನಲ್ಲಿ ನಡೆದಿದೆ.

ಆನ್​ಲೈನ್​ ಗೇಮಿಂಗ್​ ಗೀಳು

11ನೇ ತರಗತಿ ವ್ಯಾಸಂಗ ಮಾಡುತ್ತಿರುವ ಬಾಲಕನೋರ್ವ ತನ್ನ ತಾಯಿಯ ಮೊಬೈಲ್​ ಫೋನ್​ನಲ್ಲಿ ಫ್ರೀಫೈರ್​ ಗೇಮ್​ಅನ್ನು ಡೌನ್​ಲೋಡ್​ ಮಾಡಿ ಆಟ ಆಡಲು ಶುರು ಮಾಡಿದ್ದಾನೆ. ಆಟ ಆಡುವುದರಲ್ಲಿ ತಲ್ಲೀಣನಾಗಿದ್ದ, ಬಳಿಕ ಅಪ್​​ಗ್ರೇಡ್​ ಆಗಲು ಹಣ ಪಾವತಿಸುವಂತೆ ಸೂಚಿಸಿದಾಗ ಆತ ಮೊತ್ತವನ್ನು ಸಂದಾಯ ಮಾಡುತ್ತ ಆಟ ಮುಂದುವರೆಸಿದ್ದಾನೆ. ಕೊನೆಯದಾಗಿ ತನ್ನ ತಾಯಿಯ ಎರಡು ಬ್ಯಾಂಕ್​ ಖಾತೆಗಳಿಂದ 36 ಲಕ್ಷ ರೂಪಾಯಿಯನ್ನು ಕಳೆದಿದ್ದಾನೆ.

ಕೆಲ ದಿನಗಳ ಬಳಿಕ ಬಾಲಕನ ತಾಯಿಯೂ ಖಾತೆಯಿಂದ ಹಣ ಬಿಡಿಸಲು ಹೋದಾಗ ಕೃತ್ಯ ಬೆಳಕಿಗೆ ಬಂದಿದ್ದು, ಈ ಬಗ್ಗೆ ಹೈದರಾಬಾದ್​ ಸೈಬರ್ ಕ್ರೈಂ​ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿ ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ.

ಇದನ್ನೂ ಓದಿ: ಒಡಿಶಾ ರೈಲು ದುರಂತದ ಬೆನ್ನಲ್ಲೇ ಮತ್ತೊಂದು ಅವಘಡ; ಗೂಡ್ಸ್​ ವ್ಯಾಗನ್​ನಲ್ಲಿ ಬೆಂಕಿ

36 ಲಕ್ಷ ರೂ. ಕಳೆದ ಬಾಲಕ

ಪ್ರಕರಣದ ಕುರಿತು ಪ್ರತಿಕ್ರಿಯಿಸಿರುವ ಹೈದರಾಬಾದ್​ ಸೈಬರ್​ ಕ್ರೈಂ ಅಧಿಕಾರಿಯೊಬ್ಬರು ಹುಡುಗ ಮೊದಲಿಗೆ ಫ್ರೀಫೈರ್​ ಗೇಮ್​ಅನ್ನು ತನ್ನ ತಾಯಿಯ ಮೊಬೈಲ್​ನಲ್ಲಿ ಡೌನ್​ಲೋಡ್​ ಮಾಡಿ ಆಟವಾಡಲು ಶುರು ಮಾಡಿದ್ದಾನೆ. ಗೇಮಿಂಗ್​ ಲೆವೆಲ್​ ಹೆಚ್ಚಾಗುತ್ತ ಹೋದಂತೆ ಹಣ ಕಟ್ಟಿ ಅಪ್​ಗ್ರೇಡ್​ ಆಗುವಂತೆ ಆ್ಯಪ್​ನಲ್ಲಿ ಸೂಚಿಸಲಾಗಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.

ಆಟದಲ್ಲಿ ತಲ್ಲೀಣನಾಗಿದ್ದ ಬಾಲಕ ಕೊನೆಯದಾಗಿ 36 ಲಕ್ಷ ರೂಗಳನ್ನು ಗೇಮ್​ ಆಡುವ ಸಲುವಾಗಿ ಕಳೆದಿದ್ದಾನೆ. ಮಹಿಳೆಯ ದೂರಿನ ಆಧಾರದ ಮೇಲೆ ಕ್ರಮ ಕೈಗೊಳ್ಳಲಾಗಿದ್ದು, ಈ ರೀತಿಯ ಅಪ್ಲಿಕೇಷನ್​ಗಳನ್ನು ಬ್ಯಾನ್​ ಮಾಡುವಂತೆ ದೂರುದಾರರು ಒತ್ತಾಯಿಸಿದ್ದಾರೆ. ಬಾಲಕನ ತಂದೆ ಪೊಲೀಸ್​ ಅಧಿಕಾರಿಯಾಗಿದ್ದರು ಅವರ ನಿಧನದ ನಂತರ ಬಂದಿದ್ದ ಪರಿಹಾರ ಮೊತ್ತ ಇದಾಗಿದೆ ಎಂದು ಸೈಬರ್​ ಕ್ರೈಂ ಅಧಿಕಾರಿ ತಿಳಿಸಿದ್ದಾರೆ.

https://www.vijayavani.net/bihari-batch-kills-owner-for-property-issue

https://www.vijayavani.net/siddaramaiah-about-guarantee-implementation