ಹಣಕ್ಕಾಗಿ ಸಂಬಂಧಿಕರ ಮಗಳನ್ನೇ ಅಪಹರಿಸಿರುವ ಘಟನೆ ಹೈದರಾಬಾದ್ನಲ್ಲಿ ನಡೆದಿದೆ. ಕೃಷ್ಣ ಮತ್ತು ಸುಜಾತಾ ದಂಪತಿ ಹಲವು ವರ್ಷಗಳಿಂದ ನಗರದಲ್ಲಿ ವಾಸಿಸುತ್ತಿದ್ದಾರೆ. ದಂಪತಿಗೆ ಶಿರಿಷಾ (12) ಹೆಸರಿನ ಮಗಳಿದ್ದು, 7ನೇ ತರಗತಿ ಓದುತ್ತಿದ್ದಾಳೆ. ಏನಾಯಿತು ಅಂದರೆ, ಈ ತಿಂಗಳ 12ರಂದು ಶಿರಿಷಾ ದಿಢೀರನೇ ನಾಪತ್ತೆಯಾದಳು. ಯಾವಾಗ ಮಗಳು ಇದ್ದಕ್ಕಿದ್ದಂತೆ ಕಾಣೆಯಾದಳೋ ಆಕೆಯ ಬಗ್ಗೆ ಕೃಷ್ಣ ಮತ್ತು ಸುಜಾತಾ ಸಂಬಂಧಿಕರನೆಲ್ಲ ವಿಚಾರಿಸಿದ್ದಾರೆ. ಅಲ್ಲದೆ, ತಾವು ವಾಸವಿದ್ದ ಸುತ್ತಮುತ್ತಲ ಪ್ರದೇಶವನ್ನು ಸಹ ಹುಡುಕಾಡಿದ್ದಾರೆ. ಪರಿಚಿತರ ಮನೆಯಲ್ಲೂ ಶೋಧ ಕಾರ್ಯ ನಡೆಸಿದ್ದಾರೆ. ಸುಮಾರು 10 ದಿನಗಳ ಹುಡುಕಾಡಿದರೂ ಯಾವುದೇ ಪ್ರಯೋಜನ ಆಗದಿದ್ದಾಗ ಕೊನೆಯ ಆಯ್ಕೆ ಎಂಬಂತೆ ಬಂಜಾರ ಹಿಲ್ಸ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
