ಮುಂಬೈ: ಡಬ್ಲ್ಯೂಡಬ್ಲ್ಯೂಇ ವೇದಿಕೆಯ ಹೆಸರಾಂತ ಕುಸ್ತಿಪಟು ‘ದಿ ಗ್ರೇಟ್ ಖಲಿ’ ಭಾರತದ ಪಂಜಾಬ್ ಮೂಲದವರು ಎಂಬ ವಿಷಯ ಅನೇಕರಿಗೆ ತಿಳಿದಿದೆ. ಇವರ ಅಳತೆ ಮೀರಿದ ಎತ್ತರಕ್ಕೆ ಅನೇಕರು ಫಿದಾ ಆಗಿದ್ದು, ಖಲಿ ಕುಸ್ತಿಗಿಂತಲು ಅಖಾಡಕ್ಕೆ ಕೊಡುತ್ತಿದ್ದ ಎಂಟ್ರಿಯೇ ಮಸ್ತ್ ಎನ್ನುತ್ತಾರೆ. ಭಾರತದಿಂದ ನ್ಯೂಯಾರ್ಕ್ನತ್ತ ಪಯಣ ಬೆಳಸಿ, ಡಬ್ಲ್ಯೂಡಬ್ಲ್ಯೂಇ ಕುಸ್ತಿಯಲ್ಲಿ ಭಾಗವಹಿಸಿದ ಇವರಿಗೆ ಅಪಾರ ಫ್ಯಾನ್ಸ್ ಬಳಗವಿದೆ. ಖಲಿ ಧರಿಸುವ ಬಟ್ಟೆ, ಶೂ ಜೀವನಶೈಲಿ ಹೇಗಿದೆ ಎಂದು ತಿಳಿದುಕೊಳ್ಳುವ ಕುತೂಹಲ ಅನೇಕರಿಗಿದೆ. ಆದರೆ, ಇಲ್ಲೊಂದು ಬೃಹತ್ ಗಾತ್ರದ ಚಪ್ಪಲಿ ದಿ ಗ್ರೇಟ್ ಖಲಿಗೆ ತಯಾರಿಸಿರುವುದು ಎಂಬ ವಿಡಿಯೋವೊಂದು ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡಿದ್ದು, ನೋಡುಗರಿಗೆ ಭಾರೀ ಶಾಕ್ ನೀಡಿದೆ.
ಇದನ್ನೂ ಓದಿ: ಜಯದ ಹಾದಿಗೆ ಡೆಲ್ಲಿ ಕ್ಯಾಪಿಟಲ್ಸ್: ಕೊಹ್ಲಿ, ಗಿಲ್ ಸಾಧನೆಯ ಸಾಲಿಗೆ ಸೇರಿದ ಪಂತ್
ಚಪ್ಪಲಿ ಅಂಗಡಿ ಮಾಲೀಕರೊಬ್ಬರು ಈ ಬೃಹತ್ ಗಾತ್ರದ ಪಾದರಕ್ಷೆಗಳನ್ನು ತಯಾರಿಸಿದ್ದು, ತಮ್ಮ ವೀಕ್ಷಕರು ಮತ್ತು ಗ್ರಾಹಕರಿಗಾಗಿ ವಿಡಿಯೋ ಮೂಲಕ ಪ್ರದರ್ಶನಕ್ಕೆ ಇಟ್ಟಿದ್ದಾರೆ. ತಮ್ಮ ವಿಡಿಯೋ ರೀಲ್ನಲ್ಲಿ, “ನಮ್ಮಲ್ಲಿ ಚಾರ್ಸದ್ದ ಚಪ್ಪಲ್ ಲಭ್ಯವಿದೆ. ಇದರ ಸ್ಟಾಕ್ ಸಹ ನಮ್ಮಲಿದೆ. ನಾವು ಈ ವಿಶೇಷ ಚಪ್ಪಲ್ನ ನಮ್ಮ ಅಂಗಡಿಯಲ್ಲಿ ತಂದಿದ್ದೇವೆ. ಆಸಕ್ತರು ನಮ್ಮಿಂದ ಇದನ್ನು ಖರೀದಿಸಬಹುದು” ಎಂದು ತಿಳಿಸಿದ್ದಾರೆ. ಆದರೆ, ಈ ವಿಡಿಯೋ ಕ್ಷಣಮಾತ್ರದಲ್ಲಿ ವೈರಲ್ ಆಗ್ತಿದ್ದಂತೆ ನೆಟ್ಟಿಗರು ಕೇಳಿದ್ದು ಮಾತ್ರ ಇದೊಂದೇ ಪ್ರಶ್ನೆ.
ಇಷ್ಟು ದೊಡ್ಡ ಗಾತ್ರದ ಚಪ್ಪಲಿ ಖಂಡಿತ ನಾವ್ಯಾರು ಧರಿಸಲು ಸಾಧ್ಯವೇ ಇಲ್ಲ. ಇದನ್ನು ಧರಿಸಲು ಸಾಧ್ಯವಿರುವ ಏಕೈಕ ವ್ಯಕ್ತಿ ಅಂದರೆ ಅದು ದೈತ್ಯಾಕಾರದ ಬಾಡಿಬಿಲ್ಡರ್, ಮಾಜಿ ಡಬ್ಲ್ಯೂಡಬ್ಲ್ಯೂಇ ಕುಸ್ತಿಪಟು ‘ದಿ ಗ್ರೇಟ್ ಖಲಿ’ ಮಾತ್ರ ಎಂದು ಕಮೆಂಟ್ಗಳ ಸುರಿಮಳೆಯನ್ನೇ ಹರಿಸಿದ್ದಾರೆ. ಇನ್ನು ಕೆಲವರು ಹೌದು, ಇದು ಖಲಿ ಕಾಲಿಗೆ ಸರಿಹೊಂದುತ್ತದೆ ಎಂದು ಅಭಿಪ್ರಾಯಿಸಿದ್ದಾರೆ. ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಈ ವಿಡಿಯೋಗೆ ಹೆಚ್ಚೆಚ್ಚು ಲೈಕ್ ಮತ್ತು ಕಮೆಂಟ್ಗಳು ಹರಿದುಬಂದಿವೆ,(ಏಜೆನ್ಸೀಸ್).
4 ಗಂಟೆಗಳ ಕಾಲ ಅವರಿಬ್ಬರು ಹೀಗೆ ಇದ್ರು! ಅದನ್ನು ನೋಡಿ… ಪ್ರಯಾಣಿಕ ಹರಿಬಿಟ್ಟ ದೃಶ್ಯ ನೋಡಿ ದಂಗಾದ ನೆಟ್ಟಿಗರು