ಕೇವಲ 7 ತಿಂಗಳಲ್ಲಿ 114 ಕೆಜಿ ತೂಕ ಇಳಿಕೆ ಹೇಗೆ ಸಾಧ್ಯ? ವೈರಲ್​ ಸ್ಟಾರ್​ ಬಿಚ್ಚಿಟ್ಟ ರಹಸ್ಯವಿದು…

ನವದೆಹಲಿ: ಯೂಟ್ಯೂಬರ್ ನಿಕೊಕಾಡೊ ಅವಕಾಡೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಸ್ಟಾರ್ ಎಂದೇ ಪ್ರಸಿದ್ಧಿ ಪಡೆದಿದ್ದಾರೆ. ನಿಕೋಲಸ್ ಪೆರ್ರಿ ಅಲಿಯಾಸ್ ನಿಕೊಕಾಡೊ ಅವಕಾಡೊ, ಆಹಾರವನ್ನು ಗಬಗಬನೇ ತಿನ್ನುವ ವಿಡಿಯೋಗಳ ಮೂಲಕವೇ ಎಲ್ಲರ ಗಮನ ಸೆಳೆದಿದ್ದಾರೆ. ನಾಲ್ಕು ಮಿಲಿಯನ್‌ಗಿಂತಲೂ ಹೆಚ್ಚು ಸಬ್​ಸ್ಕ್ರೈಬ್​ಗಳನ್ನು ಹೊಂದಿದ್ದಾರೆ.

ಕಾಲಕಾಲಕ್ಕೆ ಅವರು ತಮ್ಮ ಯೂಟ್ಯೂಬ್‌ ಚಾನೆಲ್​ನಲ್ಲಿ ತಿನ್ನುವ ವಿಡಿಯೋಗಳನ್ನು ನಿಕೋಲಾಸ್​ ಹಂಚಿಕೊಳ್ಳುತ್ತಾರೆ. ಅತಿಯಾಗಿ ತಿನ್ನುವುದರಿಂದ ನಿಕೋಲಸ್ ಪೆರ್ರಿ ಸ್ಥೂಲಕಾಯಕ್ಕೂ ತುತ್ತಾಗಿದ್ದರು. ಕೊನೆಯ ವಿಡಿಯೋವನ್ನು ಏಳು ತಿಂಗಳ ಹಿಂದೆ ಪೋಸ್ಟ್​ ಮಾಡಲಾಗಿತ್ತು. ಈ ವಿಡಿಯೋ ಲಕ್ಷಾಂತರ ವೀಕ್ಷಣೆಯನ್ನು ಗಳಿಸಿದೆ.

ಹಲವು ತಿಂಗಳುಗಳ ಬಳಿಕ ಇತ್ತೀಚೆಗಷ್ಟೇ ನಿಕೋಲಾಸ್ ಪೆರ್ರಿ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದು, ಅದನ್ನು ನೋಡಿ ಪ್ರೇಕ್ಷಕರು ಅಕ್ಷರಶಃ ಶಾಕ್ ಆಗಿದ್ದಾರೆ. ಏಕೆಂದರೆ, ದಡೂತಿ ದೇಹವನ್ನು ಕರಗಿಸಿ ನಿಕೋಲಸ್ ತುಂಬಾ ತೆಳ್ಳಗೆ ಕಾಣುತ್ತಿದ್ದಾರೆ. ನಿಕೋಲಸ್ ಬರೋಬ್ಬರಿ​ 114 ಕೆಜಿ ಇಳಿಸಿದ್ದಾರೆ.

ಅಂದಹಾಗೆ ಪ್ರತಿಯೊಬ್ಬರಿಗೂ ತೂಕ ಇಳಿಸಿಕೊಳ್ಳಲು ವರ್ಷಗಳೇ ಬೇಕು. ಇದೇ ಸಂದರ್ಭದಲ್ಲಿ ಕೇವಲ ಏಳು ತಿಂಗಳಲ್ಲಿ 114 ಕೆಜಿ ತೂಕ ಇಳಿಸಿಕೊಂಡಿದ್ದು ಹೇಗೆ ಎಂದು ನೆಟ್ಟಿಗರು ಪ್ರಶ್ನೆ ಮಾಡುತ್ತಿದ್ದಾರೆ. ಇದಕ್ಕೆ ನಿಕೋಲಸ್​ ಅವರೇ ಉತ್ತರ ನೀಡಿದ್ದಾರೆ. ಇದು ಕೆಲವೇ ತಿಂಗಳುಗಳ ಶ್ರಮವಲ್ಲ, ಕಳೆದ ಎರಡು ವರ್ಷಗಳಿಂದ ಊಟದ ಮೇಲೆ ತುಂಬಾ ನಿರ್ಬಂಧ ಹೇರಿದ್ದೆ. ಎರಡು ವರ್ಷಗಳ ಹಿಂದೆಯೇ ಆಹಾರ ಸೇವಿಸುವ ಎಲ್ಲ ವಿಡಿಯೋಗಳನ್ನು ರೆಕಾರ್ಡ್ ಮಾಡಿಕೊಂಡಿದ್ದೆವು. ಆನಂತರ ಒಂದೊಂದಾಗಿ ಪೋಸ್ಟ್​ ಮಾಡಲಾಗಿದೆ ಎಂದು ನಿಕೋಲಸ್​ ಹೇಳಿದ್ದಾರೆ.

ಹೆಚ್ಚು ಆಹಾರವನ್ನು ಸೇವಿಸುವುದಕ್ಕಿಂತ ಆರೋಗ್ಯಕರ ಆಹಾರಕ್ಕೆ ಒತ್ತು ನೀಡಲಾಗುತ್ತದೆ ಎಂದಿರುವ ನಿಕೋಲಸ್​, ತನ್ನ ತೂಕ ಇಳಿಸುವ ಪ್ರಯಾಣದ ಸಮಯದಲ್ಲಿ ಮಾನಸಿಕ ಮತ್ತು ದೈಹಿಕ ಆರೋಗ್ಯ ಸಮಸ್ಯೆಗಳನ್ನು ಎದುರಿಸಿದ್ದಾಗಿ ತಿಳಿಸಿದ್ದಾರೆ. ಸದ್ಯ ಪೋಸ್ಟ್​ ಮಾಡಿರುವ ವಿಡಿಯೋ ಈವರೆಗೆ 33 ಮಿಲಿಯನ್ ವೀಕ್ಷಣೆ ಕಂಡಿದೆ. (ಏಜೆನ್ಸೀಸ್​)

https://www.vijayavani.net/this-boy-who-rocked-social-media-with-his-celebrations-see-how-he-is-now

https://www.vijayavani.net/ragini-dwivedi-reacts-about-renukaswamy-obscence-messages